Efeze 2:7 - MUKANDA WA MYIDI MUKULU

⁷ Bionsu abi nebimueneke patoke mu matuku adi kumpala. Diba adi dinanga diende dinene dipite nedidileje patoke, bualu bua bidiye mutuenzele munda mua Yezu Kristu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ bua mu bikondo bilualua yeye aleshe bubanshi butambe bua ngasa wandi mu luse ludiye nʼalu kutudi mu Kilisto Yesu.

Efeze 2:7 교차 참조

Misambu 106:48

Maweja-Nangila Mvidi Mukulu wa bena Izrayele, tuasakidila! Nuele Maweja-Nangila tuasakidila misangu yonsu. Bantu bonsu bambe ne: “Amene, eyo, bikale nanku! Tutumbishayi Mvidi Mukulu, Aleluya!”

Misambu 41:13

Bu mundi tshiyi ne bualu, neutue ku tshianyi, newanyishe bua meme kushala pabuipi nebe kashidi.

Yeshaya 60:15

Wewe uvua musoku uvua bantu kabayi banange, muntu nansha umue kavua mupitshile muebe. Kadi nenkuenze kabidi tshimenga tshidi tshisankisha bantu tshiendelele, tshidibu mua kuditemba natshi kashidi.

Rome 2:4

Udi upepeja dinanga dikole didi Mvidi Mukulu utuleja, lutulu luende, kabidi ne muoyi wende wa kalolu anyi? Kuena mumanye ne: dinanga didi Mvidi Mukulu ukuleja didi ne bua kukusaka bua udilengeje anyi?

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

Efeze 2:4

Kadi Mvidi Mukulu udi ne luse lunene, kabidi udi utunanga bikole.

Efeze 3:21

Atumbe mu Tshisumbu tshia bena ditaba, ne mu Yezu Kristu, mu bikondu bionsu, kashidi ne kashidi! Amene.

Efeze 3:5

Bualu busokome ebu, Mvidi Mukulu kavua mubumanyishe bantu ba bikondu bia kale to. Kadi mpindiewu kudi Mueyelu wende mmubumanyishe patoke bapostolu ba tshijila, ne bambi bende.

2 Tesalonike 1:12

Nanku nenutumbishe dina dia Mfumu wetu Yezu. Yeye kabidi neanutumbishe, ku bidiye wenza munda muenu. Ebi nebienzeke bualu bua Mvidi Mukulu wetu udi ununanga, ne Mfumu Yezu Kristu kabidi.

Tite 3:4

Kadi pakumueneka muoyi mulenga wa Mvidi Mukulu, Musungidi wetu, ne dinanga diende dia bantu,

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.