Efeze 2:18 - MUKANDA WA MYIDI MUKULU

¹⁸ Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ bua bualu buandi bubidi buetu tudi ne ha kubuelela kudi Tatu mu Nyuma umue.

Efeze 2:18 교차 참조

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Yowanane 10:7

Yezu kuamba kabidi ne: — Ndi nnujadikila ne: meme ndi tshiibi tshia lupangu lua mikoku.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Rome 5:2

Amu kudi Yezu, bualu bua ditaba, ke kumvua mua kusemena ku dinanga dia Mvidi Mukulu, kutudi bashindamene mpindiewu. Tshidi tshitusankisha, ke ditekemena ditudi nadi dia kudisanga ne Mvidi Mukulu mu butumbi buende.

Rome 8:15

bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

1 Korente 12:13

Buonsu buetu, bena Yuda nansha bantu ba bisamba bikuabu, bapika nansha bantu badi benza malu mudibu basue, bavua batutue mu mayi, bua tuetu kuenza mubidi umue ku bukole bua Mueyelu wa Tshijila. Mbatuwuje kabidi bonsu ne Mueyelu umuepele ewu.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

Ngalate 4:6

Bua kuleja munudi bana bende menemene, Mvidi Mukulu kutuma Mueyelu wa Muanende mu mioyi yetu. Mueyelu awu udi wela diyi ne: “Abba! Tatu wanyi!”

Efeze 3:12

Pamue ne Kristu, utudi tuitaba, tudi mua kusemena kudi Mvidi Mukulu, kumutekemena muetu muonsu.

Efeze 3:14

Ke pandi ntuila Mvidi Mukulu Tatu binu.

Efeze 4:4

Bualu mubidi udi umue, Mueyelu wa Tshijila amu umue. Ke mudi Mvidi Mukulu munubikidile kabidi ku ditekemena amu dimue.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.

Yakobe 3:9

Tudi tuela nalu Maweja-Nangila Tatu wetu tuasakidila. Kadi tudi tutshipa nalu bantu badi Mvidi Mukulu mufuke ku tshimfuanyi tshiende.

1 Petro 1:17

Panudi ntendelela, nudi nubikila Mvidi Mukulu ne: “Tatu”. Yeye kena ne kansungasunga. Udi ukosa nsambu ya bantu amu pa yoyi, bilondeshile malu adi muntu ne mutu muenze. Nanku matuku onsu anutshidi benyi panu, nuleje Mvidi Mukulu kanemu kenu mu bionsu binudi nuenza.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

Yuda 1:20

Kadi nuenu, hetu basuibue, shindamayi amu kushindama pa ditaba dienu dia tshijila tshipite. Nutendelele mu bukole bua Mueyelu wa Tshijila.