Efeze 1:10 - MUKANDA WA MYIDI MUKULU

¹⁰ Neabikumbaje ku nshikidilu wa bidimu. Neasangishe bionsu bidi mu diulu ne bidi pa buloba. Neabiteke ku bukalenga bua Mfumu umue epele, Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ tô, ne halua tshikondo tshia dikumbana dia bihungu, bua kusangisha bintu bionso mu Kilisto, ne bidi mu diulu ne bidi hanshi ha buloba.

Efeze 1:10 교차 참조

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Matayi 25:32

Bisamba bionsu bia pa buloba nebisangile kumpala kuende. Neabuluje bantu ne bakuabu, bu mudi mulami wa nyama wabuluja mikoku ne mbuji ya mpumbu.

Marke 1:15

Uvua wamba ne: — Diba divuabu bafunde diakumbanyi, ndimane kukumbana. Bualu Bukalenga bua Mvidi Mukulu bukadi pabuipi. Kudimunayi nsombelu yenu, itabayi Lumu lua Disanka.

1 Korente 10:11

Makenga awu avua mabakuate bua kutulongesha bualu. Bayua batufundilewu bua kutubela. Bualu tudi mu tshikondu tshia nshikidilu.

1 Korente 11:3

Kadi ndi musue bua nujingulule ne: Kristu udi Mfumu wa muntu mulume yonsu. Mulume yonsu udi musele, udi mfumu wa mukajende. Mvidi Mukulu udi Mfumu wa Kristu.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

Efeze 1:22

Mvidi Mukulu mmuteke bionsu ku makasa a Kristu. mMumuteke kabidi Mfumu munene wa Tshisumbu tshia bena ditaba.

Efeze 2:15

Uvua mushipe mikenji ya bena Yuda, meyi ne mikandu biayi. Ke muvuaye mufile bupole munkatshi mua bantu ba bisamba bibidi ebi, mubenze muntu umue epele mupiamupia munda muende.

Efeze 3:15

Diku dionsu didi mu diulu ne didi pa buloba didi dipetela muoyi kudiye.

Efeze 3:2

Bushuwa, nukadi bumvue bamba bua mudimu uvua Mvidi Mukulu mungimikile ku luse luende, bua meme kunuenzela.

Kolose 1:16

Bualu kudiye Mvidi Mukulu mmufuke bionsu, bidi mu diulu ne bidi pa buloba, bidi bimueneka ne bidi kabiyi bimueneka, makole a mulu, makalenga, makokeshi, ne mamfumu. Mvidi Mukulu uvua mufuke bionsu kudiye, kabidi bualu buende Yeye.

Kolose 1:20

mMujadike kabidi bua bionsu bipingane kudiye, bitue nende ndondu munda mua Muanende awu. Ku lufu lua Muanende pa mutshi mutshiamakane, Mvidi Mukulu mmubueje bupole pankatshi pende ne bionsu. Ke muvuaye mupingaje bionsu kudiye, mutue nabi ndondu, nansha ne bidi pa buloba, nansha ne bidi mu diulu.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.

Ebrewu 1:2

Kadi matuku a ndekelu aa, mmutuambidilewu kudi Muanende. Kudiye nkudi Mvidi Mukulu mufukile bintu bionsu. Yeye ke udi Mvidi Mukulu musungule bua apiane bintu bionsu.

Ebrewu 11:40

Nanku, bu muvua Mvidi Mukulu mudianjile kutulongoluela malu mapite buimpe, kavua musue bua bafike ku bujima buabu tuetu katuyi nabu.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

1 Petro 1:20

Mvidi Mukulu kayi muanji kufuka buloba, ukavua mumane kusungula Kristu. Kadi matuku a ndekelu aa kudienzaye muntu bualu buenu.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.