Ebrewu 9:25 - MUKANDA WA MYIDI MUKULU

²⁵ Mutuangaji munene wa bena Yuda udi ubuela muaba wa tshijila ku tshidimu ku tshidimu ne mashi a nyama ya milambu. Kadi Kristu kavua mubuele bua kudilambula misangu ya bungi nansha.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ ne kena ne bualu bua kudifila ku musangu ne ku musangu, bu mudi muakuidi munene ubuela mu muaba mutambe tshijila ku tshidimu ku tshidimu ne mashi adi kâi andi;

Ebrewu 9:25 교차 참조

Ekesode 30:10

Ku tshidimu tshionsu, Arone ikale utshikobolola, umiamine mashi a nyama ku nsengu inayi idi ku tshilambuilu, bua kukobolola bantu. Mukenji ewu, bikale bawenzulula ku tshidimu tshionsu kudi ndelanganyi yenu yonsu. Tshilambuilu etshi netshikale tshijidila, tshikale muaba wa tshijila menemene.”

Ebrewu 10:10

Bu mudi Yezu Kristu mukumbaje tshivua Mvidi Mukulu musue, bavua batujimijila mibi, ku mulambu wa mubidi wende uvuaye mufile musangu umue bua kashidi.

Ebrewu 10:19

Nenku, bana hetu, ku bukole bua mashi a mulambu wa Yezu, tudi mua kubuela ne muoyi mushindame muaba wa tshijila menemene mutudi basue.

Ebrewu 9:12

Pavua Kristu mubuele muaba wa tshijila menemene musangu umue bua kashidi, kavua mulambule mashi a mbuji ya mpumbu, nansha a bana ba ngombe. Uvua mulambule mashi ende nkayende, mutupetele lupandu lua tshiendelele.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

Ebrewu 9:2

Bavua base ntenta. Ntenta awu uvua wa kumpala, uvuabu babikila ne: mmuaba wa tshijila. Munda muende muvua tshitekelu tshia miendu, mesa avua ne mampa avuabu balambula Mvidi Mukulu.

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

Ebrewu 9:7

Kadi amu mutuangaji munene nkayende ke udi ubuela mu ntenta muibidi. Udi ubuelamu amu musangu umue ku tshidimu. Udi uyamu ne mashi a nyama udiye ulambula Mvidi Mukulu bua mibi yende ne bua mibi idi bantu benze mu mpukapuka.