Ebrewu 9:24 - MUKANDA WA MYIDI MUKULU

²⁴ Bualu Kristu kena mubuele muaba wa tshijila muasa kudi bantu, uvua amu tshimfuanyi tshia muaba mulelela. Kadi mmubuele mu diulu menemene, mudiye udileja kumpala kua Mvidi Mukulu bualu buetu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bualu bua Kilisto kakabuela mu muaba wa tshijila muasa ne bianza, mufuanangane ne muaba mulelela; kadi wakabuela mu diulu muine, bua kumuenekeye mpindiu ku mpala kua Nzambi bua bualu buetu;

Ebrewu 9:24 교차 참조

Misambu 68:18

Mvidi Mukulu udi ne matempu a mvita binunu ne binunu. Maweja-Nangila mmufume nawu ku mukuna wa Sinayi, uya ku muaba wende wa tshijila.

Ekesode 28:12

Mabue abidi awu, wateka pa mampinda abidi adi pa tshilamba tshia efode tshia mutuangaji munene. Ikale tshimanyinu tshia mena a bisamba dikumi ne bibidi bia bena Izrayele. Nanku, padi Arone wimane kumpala kua Maweja-Nangila, mena awu ikale amueneka pa makaya ende, bua meme Maweja-Nangila ngikale nnuvuluka amu kunuvuluka.

Ekesode 28:29

“Pikala Arone ubuela mu muaba wa tshijila, ikale uvuala tshilamba tshia pa tshiadi tshia dilumbulula, tshidi ne mena a bisamba bia bena Izrayele, bua meme Maweja-Nangila ngikale nnuvuluka amu kunuvuluka.

Zekâya 3:1

Maweja-Nangila kundeja Yeshuwa, mutuangaji munene, muimane kumpala kua mutumibue wa Maweja-Nangila. Satane uvua muimane ku dia balume dia Yeshuwa bua kumufunda ku tshilumbu.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Marke 14:58

— Tutua bumvue wamba ne: “Nengupule nzubu wa Mvidi Mukulu ewu utua bantu base, mu matuku asatu nengase mukuabu udi bantu kabayi basa.”

Marke 16:19

Mfumu Yezu mumane kuyukila ne balongi bende nanku, kumuambulabu mu diulu, kusombaye ku dia balume dia Mvidi Mukulu.

Luke 24:51

Patshivuaye ubela lupemba, kumukaye pavuabu bimane, kumuambulabu mu diulu.

Yowanane 16:28

Ndi mufume kudi Tatu, mufike pa buloba. Mpindiewu ndi ngumuka pa buloba, mpingana kudi Tatu.

Yowanane 6:62

Kadi nenuenze tshinyi panuamona Muana wa muntu upingana kuvuaye bangabanga?

Bienzedi 3:21

Mpindiewu Yezu udi ne bua kushala mu diulu, too ne ku tshikondu tshidi Mvidi Mukulu ne bua kuakajilula bionsu, bu muvuaye muambe kale kudi bambi bende ba tshijila.

Rome 8:33

Udi mua kusonguela bavua Mvidi Mukulu musungule nnganyi? Kakuena muntu udi mua kuenza nanku! Bualu Mvidi Mukulu mmujadike ne: mbabinge.

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

Kolose 3:2

Elayi meji ku bia kulu, kanuedi meji ku bia panu.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Ebrewu 4:14

Nenku, tulaminayi momu ditaba ditudi tutonda. Bualu tudi ne mutuangaji mupite bunene, uvua mufike too ne ku mesu kua Mvidi Mukulu mene: ke Yezu, Muana wa Mvidi Mukulu.

Ebrewu 6:20

Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Ebrewu 8:2

Udi wenza mudimu wa butuangaji muaba wa Tshijila, mbuena kuamba ne: mu ntenta mulelela uvuabu kabayi base kudi bantu, kadi kudi Maweja-Nangila.

Ebrewu 8:5

Kadi mudimu udi batuangaji aba benza udi amu tshidikijilu ne mundidimbi bia bidi mu diulu. Bidi bifuanangana ne bivua bienzekela Moshe. Pavuaye ne bua kuasa ntenta, Mvidi Mukulu kumuambila ne: “Wenze bionsu bilondeshile tshilejilu tshimvua mukuleje pa mukuna.”

Ebrewu 9:1

Ndondu wa kumpala uvua ne mikenji milongolola bua kutendelela Mvidi Mukulu, uvua kabidi ne nzubu wa Mvidi Mukulu wa pa buloba.

Ebrewu 9:23

Pikalabu balengeja bimfuanyi bia malu a mu diulu, ku ditendelela dia malu a mushindu ewu, kadi malu malelela mene a mu diulu awu, adi akengela milambu mipite buimpe.

Ebrewu 9:9

Atshi ntshimfuanyi tshidi tshiumvuija malu a mu tshikondu tshitudi etshi. Tshidi tshileja ne: malambi ne milambu ya nyama ya kuosha bidibu balambula Mvidi Mukulu kabiena mua kufikisha muoyi wa muntu udi utendelela Mvidi Mukulu ku bujima buawu.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.

Didimanyisha 8:3

Mutumibue mukuabu kufika, kuimana ku tshilambuilu. Uvua ne mbabula muenza ne mpawungi, wa kuoshila manananshi. Kumupeshabu musenga wa manananshi wa bungi, wa kulambula pamue ne ditendelela dia bantu bonsu ba Mvidi Mukulu, pa tshilambuilu tshia mpawungi tshivua kumpala kua nkuasa wa butumbi.