Ebrewu 9:19 - MUKANDA WA MYIDI MUKULU

¹⁹ Diambedi, Moshe uvua muambile bantu meyi ne mikandu bionsu, mudiye mubifunde mu mukanda wa mikenji. Pashishe kuangataye mashi a bana ba ngombe, kabidi ne mayi, ditamba dia mutshi wa nsompu pamue ne buanda bukunze, kumiaminaye mashi pa mukanda wa mikenji, kabidi pa mitu ya bantu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bualu bua hakambilabo bantu bonso mukenshi wonso kudi Mose, bu mudi mikenshi yamba, wakangata mashi a bana ba ngombe ne a mbushi bohamue ne mai ne miosa mikunze ne hisopa, ne wakamiamina mukanda muine, ne bantu bonso,

Ebrewu 9:19 교차 참조

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Ekesode 12:22

Nuangate mabeji a mutshi wa isope. Nuatue mu mashi adi mu dilongu. Nulabe mashi awu ku dibaya didi kulu kua tshiibi ne ku mabaya adi ku nseke yatshi. Kabidi nushale anu ku nzubu yenu too ne muatshia butuku. Muntu kapatuki to.

Yeshaya 52:15

Kadi mpindiewu, bantu ba bungi ba mu matunga a bende, nebakeme bualu buende. Bakalenga nebakatshile, kabayi bamanye tshia kuamba. Bualu nebamone malu adi kaayi umvuangana ne avuabu babalondele. Nebumvue malu avuabu kabayi banji kumvua.”

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Lewitiki 1:10

“Padi muena Izrayele ulambula mbuji nansha mukoku bu mulambu wa kuosha, asungule anu mukoku wa tshimpanga, nansha mbuji wa mpumbu udi kayi bulema.

Lewitiki 3:6

“Kadi padi muena Izrayele ulambula Maweja-Nangila mbuji nansha mukoku bu mulambu wa bobumue, tshimuna atshi tshikale tshilume nansha tshikaji, katshiyi bulema.

Dibadika 19:18

Pashishe muntu, udi kayi ne mikiya, neangate ditamba dia mutshi wa isope, aditue mu mayi adi mu luesu. Neamiamine mayi aa ku ntenta kuvua muntu awu mufuile, ne ku bintu bionsu bidimu, too ne ku bantu bavuamu. Amiamine kabidi muntu uvua mulenge tshitalu, mifuba ya muntu, nansha mulenge pa lukita.

Dibadika 19:6

Mutuangaji neangate nkunyi ya mutshi wa sedre, ditamba dia mutshi wa isope, ne buanda bua boya bukunze, abiele muiku, muaba udibu boshile ngombe awu.

Matayi 27:28

Kuvulabu Yezu bilamba, kumuvuadika tshinkutu tshikunze.

Marke 15:17

Kuvuadikabu Yezu tshinkutu tshikunze. Kulukabu tshifulu tshia bukalenga tshia mionji ya meba, kumuasa ku mutu.

Marke 15:20

Bobu bamane kumuseka, kuntuvulabu tshinkutu tshikunze, kumuvuadikabu bilamba biende. Pashishe kuyabu nende ku mpenga kua tshimenga bua kumupopela pa mutshi mutshiamakane.

Yowanane 19:2

Basolayi kuluka tshikata tshia meba, kutshiasa Yezu ku mutu. Kumuvuadikabu kabidi tshinkutu tshikunze.

Yowanane 19:5

Nanku Yezu kupatuka pambelu, muwule tshikata tshia meba ku mutu, kabidi ne tshinkutu tshikunze pambidi. Ke Pilate kubambila ne: — Ke muntu wenu ewu!

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Ebrewu 10:4

Bualu mashi a ngombe milume ne a mbuji ya mpumbu kaena mua kujimija mibi.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Ebrewu 9:12

Pavua Kristu mubuele muaba wa tshijila menemene musangu umue bua kashidi, kavua mulambule mashi a mbuji ya mpumbu, nansha a bana ba ngombe. Uvua mulambule mashi ende nkayende, mutupetele lupandu lua tshiendelele.

Ebrewu 9:13

Mashi a mbuji ya mpumbu, ne a ngombe milume ne butu bua ngombe mukaji moshe, bidibu bamiamina pambidi pa bantu badi ne mikiya, bidi bibumusha mikiya ayi pambidi.

Ebrewu 9:18

Ke pavua ndondu wa kumpala kabidi kayi ne bukole, mashi kaayi manji kumata panshi.

1 Petro 1:2

Mvidi Mukulu Tatu mmunusungule, muvuaye mumane kujadika. Ku bukole bua Mueyelu wende nudi bantu bende, bua nutumikile Yezu Kristu, kabidi bua banulengeje ku mashi ende, nuikale zezeze. Dinanga ne bupole bishindame bikole munda muenu.