Ebrewu 9:11 - MUKANDA WA MYIDI MUKULU

¹¹ Kadi Kristu mmufike bu mutuangaji munene wa bintu bitukadi nabi mpindiewu. Ntenta udiye wenzela mudimu, mmupite wa kumpala bua mushinga, kabidi udi mulenga tshishiki. Kabavua bamuasa kudi bantu. Mbuena kuamba ne: kena wa pa buloba ebu budibu bafuke nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kadi Kilisto, mumane kulua muakuidi munene wa mu bintu bimpe bilualua, bualu bua tshitendelelu tshitamba bunene ne buakane, katshî tshiasa ne bianza, tshidi bu kuamba ne, Katshiena tshia bifukibua ebi,

Ebrewu 9:11 교차 참조

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Misambu 40:7

Milambu ya nyama nansha ya biakudia kayena ikulengelela. Milambu ya kuosha nansha ya kudikobolola, kuena uyilomba. Kadi udi munjibule matshi, bua meme kukuteleja.

Yeshaya 59:20

Maweja-Nangila nealue bua kupikula Yerushalayime, ne bena Izrayele bonsu badi bakudimuna nsombelu yabu. Ke yeye mene udi ujadika bualu ebu.

Yirmeya 33:8

Netubambile bonsu ne: tshiena mvuluka bilema bionsu binuvua bangenzele. Nansha nuenu bantombokele, ndi nnufuila luse.

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Matayi 11:3

bua kumukonka ne: — Wewe ke utuvua bamanye ne: udi ufika, anyi tuindile mukuabu?

Matayi 2:6

“Wewe, Betleyeme, musoku wa mu ditunga dia Yudeya, kuena mushadile ku misoku yonsu ya mu ditunga dia Yudeya. Bualu kuudi wewe nkuafumina mfumu, mulombodi wa bantu banyi, bena Izrayele.”

Marke 14:58

— Tutua bumvue wamba ne: “Nengupule nzubu wa Mvidi Mukulu ewu utua bantu base, mu matuku asatu nengase mukuabu udi bantu kabayi basa.”

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 4:25

Mukaji kumuamba ne: — Ndi mumanye ne: Meshiya (mmomumue ne Kristu) nealue. Pafikaye, neatujinguluile malu onsu.

Bienzedi 7:48

Kadi Mvidi Mukulu wa mulu kena usomba mu nzubu miasa kudi bantu. Bambi bavua bajadika ne:

2 Korente 4:18

Bualu katuena tobokela bidi bimueneka, kadi bidi kabiyi bimueneka. Bidi bimueneka kabiena binenga, kadi bidi kabiyi bimueneka bidi bishala kashidi.

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

Kolose 2:11

Panuvua badisange ne Kristu, Yeye uvua mumushe bukole bua bubi munda muenu. Ke muvuaye munuteke panshi; kadi ki mmushindu udi bantu batekangana panshi nansha.

Ebrewu 10:1

Mikenji ya bena Yuda kayena ileja menemene malu malelela nansha, kadi idi amu mundidimbi wa malu atshidi kumpala. Mmunyi mudiyi mua kufikisha bantu badi basemena pabuipi ne Mvidi Mukulu ku bujima buabu, padibu balambula milambu amu ya momumue matuku onsu, ku tshidimu ku tshidimu, kabayi balekela?

Ebrewu 12:27

Miaku eyi: “Musangu wa ndekelu,” idi ileja ne: bintu bidibu bafuke nebizakale, bijimine, bua tshidi katshiyi tshizakala tshishale kashidi.

Ebrewu 13:14

Bualu katuena ne tshimenga panuapa tshidi tshishala kashidi. Kadi tudi tukeba tshimenga tshidi kumpala.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Ebrewu 3:1

Nanku, bana hetu bena ditaba, nuenu batata Mvidi Mukulu mubikile kabidi, nutangile Yezu utata Mvidi Mukulu mutume bua kuikalaye mutuangaji munene utudi tutonda mu ditaba dietu.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

Ebrewu 7:1

Melkisedeke ewu uvua mukalenga wa Saleme, kabidi mutuangaji wa Mvidi Mukulu Muena kulu. Pavua Abrahame ufuma ku mvita mumane kutshimuna bakalenga, Melkisedeke kuya kusambakena nende, kumuela kabidi lupemba.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

2 Yone 1:7

Bena dishima bavule mbatangalake munkatshi mua bantu. Kabena bitaba ne: Yezu Kristu mmudienze muntu menemene. Muntu udi wenza malu a nanku mmuena dishima, kabidi mMuluishi wa Kristu.