Ebrewu 9:10 - MUKANDA WA MYIDI MUKULU

¹⁰ Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ bualu bua bidi anu mikenshi ya ba ha buloba, mu malu a bia kudia ne bia kunua ne bia kuvua kua mishindu ne mishindu, yakatekabo tô ne ku tshikondo tshia kubilongolola.

Ebrewu 9:10 교차 참조

Ekesode 29:4

“Uye ne Arone ne bana bende ba balume ku mushiku wa mbelu wa ntenta wa kusambakena, uboweshe mayi.

Ekesode 40:12

Pashishe, Arone ne bana bende ba balume, bimane mu mushiku wa mbelu wa ntenta wa kusambakena, bua uboweshe mayi a tshijila.

Yezekiyele 4:14

Meme kuela diyi ne: — Eyi! Maweja-Nangila Mvidi Mukulu, meme katshia tshiena muanji kupia mikiya musangu nansha umue to. Bituadije ku buana buanyi, tshiena muanji kudia munyinyi wa nyama mudifuile, nansha mushipa kudi nyama mukuabu wa tshisuku to. Munyinyi udi mupie mikiya ki mmuanji kubuela mukana muanyi to.

Lewitiki 13:58

“Padibu basukula tshintu atshi, dikeji dijika, batshisukulule musangu muibidi, bua tshishale katshiyi ne mikiya.”

Lewitiki 16:24

Arone aye muaba kampande wa tshijila, wowe mayi pambidi, avuale bilamba bikuabu. Pashishe apatuke, alambule Maweja-Nangila milambu ibidi ya kuosha, buende yeye ne bua bena Izrayele. Pashishe neadikobolole, akobolole ne bena Izrayele bonsu.

Lewitiki 16:4

Arone udi ne bua kuvuala muntumpu muenza ne buanda bua ndanda, kaputula ka muinshi ka buanda bua ndanda. Neasuike kabidi mukaba wa buanda bua ndanda, uvuala ne tshifulu tshienza ne buanda bua ndanda. Kadi, mudi bilamba ebi bia tshijila, udi ne bua kubivuala amu yeye muanji kuowa mayi.

Lewitiki 22:6

Nenku neashale mupie mikiya too ne ku dilolu. Bua kudia milambu ya tshijila, amu padiye owa mayi mubidi mujima.

Dibadika 6:3

muntu awu kena mua kunua mvinyo nansha maluvu makole to. Kena mua kunua maluvu a buanji, kena mua kunua mayi a tumuma tua mvinyo, kena mua kudia tumuma tua mvinyo tubishi, nansha tume.

Marke 7:4

Padibu batumine mu tshisalu, kabena mua kudianza kudia kabayi bowa mayi nansha. Badi balonda bibidilu bikuabu bia bungi bidibu balama: bu mudi kusukula makopu, mabungu, ngesu ya tshiamu tshikunze ne malalu.

Ngalate 4:9

Kadi mpindiewu nudi bamanye Mvidi Mukulu. Tuambe ne: Mvidi Mukulu mmunumanye! Kadi mmunyi munudi basue kupingana ku bintu ebi bidi kabiyi ne bukole, kabiyi mushinga, kudienza bapika babi?

Efeze 1:10

Neabikumbaje ku nshikidilu wa bidimu. Neasangishe bionsu bidi mu diulu ne bidi pa buloba. Neabiteke ku bukalenga bua Mfumu umue epele, Kristu.

Efeze 2:15

Uvua mushipe mikenji ya bena Yuda, meyi ne mikandu biayi. Ke muvuaye mufile bupole munkatshi mua bantu ba bisamba bibidi ebi, mubenze muntu umue epele mupiamupia munda muende.

Dielulula 21:6

Nanku bakulu bonsu ba mu tshimenga atshi, bavua bafika ku tshitalu tshia muntu awu, nebowele bianza pambidi pa muana wa ngombe uvuabu banyongoboje nshingu awu,

Dielulula 23:11

Tshilejilu, pikala muena mvita wa munkatshi muenu mutatakane butuku, muele biana panshi, neapatuke mu mitanda dituku dijima.

Kolose 2:16

Kanuteleji badi banujana, bua binudi nudia nansha nunua, nansha bua bibilu, bua ngondu mupiamupia, nansha bua dituku dia Dikisha.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

Ebrewu 2:5

Bualu Mvidi Mukulu kena mupeshe batumibue bende bumfumu bua buloba butshidi kumpala butuvua batele to.

Ebrewu 6:2

muvuabu balongeshe mishindu mishilangane ya kutua bantu mu mayi, ne mishindu idibu batenteke bianza, muvuabu banumanyishe dibika dia bafue ne tshilumbuluilu tshia tshiendelele.

Ebrewu 6:5

Bavua bamane kumvua ne: muaku wa Mvidi Mukulu udi mulenga, bamanye bukole bua malu atshidi kumpala.

Ebrewu 7:12

Padi butuangaji bushintuluka, mikenji kabidi idi ishintuluka.

Ebrewu 7:16

Kabena bamuteke mutuangaji bilondeshile mikenji idi itangila ndelanganyi ya bantu. Kadi mmupete butuangaji ebu ku bukole bua muoyi udi kauyi ndekelu.

Ebrewu 9:1

Ndondu wa kumpala uvua ne mikenji milongolola bua kutendelela Mvidi Mukulu, uvua kabidi ne nzubu wa Mvidi Mukulu wa pa buloba.