Ebrewu 9:1 - MUKANDA WA MYIDI MUKULU

¹ Ndondu wa kumpala uvua ne mikenji milongolola bua kutendelela Mvidi Mukulu, uvua kabidi ne nzubu wa Mvidi Mukulu wa pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

¹ Tshihungidi tshia kumudilu mene tshiakadi ne mikenshi ya kulonda mu kutendelela kuabo ne tshitendelelu tshiatshi, tshiakadi tshitendelela tshia ha buloba ebu.

Ebrewu 9:1 교차 참조

Ekesode 25:8

Nanku, bena Izrayele bandongoluele muaba wa tshijila, bua ngikale munkatshi muabu.

Yezekiyele 43:11

Padibu bumvua bundu menemene bua malu mabi avuabu benza, ubaleje dibeji didi dibumvuija mudibu ne bua kuibaka nzubu wa Mvidi Mukulu, kabidi mudibu ne bua kukosolola nzubu: kushiya miaba ya kubuelela ne kupitshila, kulongolola nzubu mujima. Ubafundile, ubaleje bua badimuene meyi ne mikenji bidibu ne bua kukumbajamu, bua babilonde.

Lewitiki 18:30

“Nenku Meme Maweja-Nangila Mvidi Mukulu wenu, ndi ngamba ne: ‘Nutumikile mikenji yanyi, anu bu mundi munupayi. Kanuenji malu mabi, avuabu benza kudi bantu bavua badianjile kuasa mu ditunga edi. Nudilame bua kanupi mikiya.’ ”

Lewitiki 22:9

“Batuangaji bakumbaje muabu muonsu bindi mubambile. Tshianana nebikale bena tshibawu, amu bua biakudia. Nebafue, bualu kabena balonda mikenji idi itangila bintu bia tshijila. Bualu meme ndi Maweja-Nangila, udi ujidila batuangaji bua bankuatshile mudimu.

Dibadika 9:12

Munyinyi awu, nebaujikije dituku anu dimue. Kabena mua kuboza mufuba wa mukoku to. Nebalonde amu mikenji ya tshibilu tshia Dipita dia Maweja-Nangila.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Rome 9:4

Badi bena tshisamba tshia Izrayele. Mvidi Mukulu mmubenze bana bende. mMumueneke munkatshi muabu ne butumbi buende. mMutue nabu ndondu yende, mubapeshe kabidi mikenji yende. Uvua mubaleje muyuabu mua kutendelela. mMubalaye ne malaya.

Kolose 2:8

Dimukayi bua muntu kanushimi ne malongesha a patupu a mu meji a bantu. Ke meji adi mafume ku malu adi bantu balongeshangana, ne kudi makole a mulu. Kadi kaena mafume kudi Kristu to.

Ebrewu 8:13

Padi Mvidi Mukulu utela ndondu mipiamipia, udi wandamuna ndondu wa kumpala, ushala wa kale. Kadi tshintu tshidi tshishala tshia kale, tshikulakaja, tshikadi pa kujimina.

Ebrewu 8:2

Udi wenza mudimu wa butuangaji muaba wa Tshijila, mbuena kuamba ne: mu ntenta mulelela uvuabu kabayi base kudi bantu, kadi kudi Maweja-Nangila.

Ebrewu 8:7

Bu ndondu wa kumpala kayi ne tshilema, kabavua ne bua kupingaja ndondu muibidi pa mutu pende to.

Ebrewu 9:24

Bualu Kristu kena mubuele muaba wa tshijila muasa kudi bantu, uvua amu tshimfuanyi tshia muaba mulelela. Kadi mmubuele mu diulu menemene, mudiye udileja kumpala kua Mvidi Mukulu bualu buetu.