Ebrewu 8:5 - MUKANDA WA MYIDI MUKULU

⁵ Kadi mudimu udi batuangaji aba benza udi amu tshidikijilu ne mundidimbi bia bidi mu diulu. Bidi bifuanangana ne bivua bienzekela Moshe. Pavuaye ne bua kuasa ntenta, Mvidi Mukulu kumuambila ne: “Wenze bionsu bilondeshile tshilejilu tshimvua mukuleje pa mukuna.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ badi benza mudimu wabo mu bintu bidi tshidikishilu ne mundidimbi bia bintu bia mu diulu; bu muakadi Mose mudimushibue hakambeye kuasa tshitendelelu, Nzambi wakamuambila ne, Tangila bua wewe wenza bintu bionso bu mudi tshidikishilu tshinakukulesha mu mukuna.

Ebrewu 8:5 교차 참조

1 Kulondolola 28:12

Davide kupesha kabidi Shelomu dibeji di-vuaye muzole lubanza lua ku nzubu wa Mvidi Mukulu, ne bibambalu bivua binyungulula lubanza alu, bibambalu bivuabu ne bua kutekela bintu bia kukuata nabi mudimu mu nzubu wa Mvidi Mukulu, ne bikuabu bivuabu ne bua kutekela milambu ya kulambula Maweja-Nangila Mvidi Mukulu.

1 Kulondolola 28:19

Davide kuamba ne: — Bionsu ebi bidi mu mukanda uvua Maweja-Nangila mumpeshe. Mu mukanda ewu, Maweja-Nangila mmumvuije ku tshintu ku tshintu munudi mua kuenza mudimu ewu.

Ekesode 25:40

Wewe Moshe, wenzeje bintu bionsu abi anu mushindu umvua mukuambile ku mukuna eku.

Ekesode 25:9

Nzubu awu, ne bintu bia kutekamu, bikale anu mushindu undi nkuleja.

Ekesode 26:30

Uvuluke mua kuasa nzubu ewu anu mushindu umvua mukuleje ku mukuna eku.

Ekesode 27:8

Tshilambuilu atshi, tshikale tshienza ne mabaya, kadi ushiye munda muatshi mutupu bu mumvua mukuambile ku mukuna eku.

Dibadika 8:4

Tshitekelu tshia miendu tshivua tshifula ne tshiamu tshia mpawungi nkayatshi, biangatshile ku dikasa diatshi too ne ku tshilongu tshiatshi tshia ndekelu. Bavua batshienze bilondeshile tshilejilu tshivua Maweja-Nangila muleje Moshe.

Matayi 2:12

Kadi Mvidi Mukulu kubadimuja mu tshilota bua kabapinganyi kudi Erode kabidi to. Nanku kupinganabu kuabu mu njila mukuabu.

Bienzedi 7:44

Mu tshipela, bankambua betu bavua ne ntente wa kusambakena, uvuabu benze mushindu uvua Mvidi Mukulu muambile Moshe, kabidi bilondeshile tshivua Mvidi Mukulu mumuleje.

Kolose 2:17

Bionsu abi bidi amu mundidimbi wa malu atshidi kumpala. Kadi bualu bulelela budi amu Kristu.

Ebrewu 10:1

Mikenji ya bena Yuda kayena ileja menemene malu malelela nansha, kadi idi amu mundidimbi wa malu atshidi kumpala. Mmunyi mudiyi mua kufikisha bantu badi basemena pabuipi ne Mvidi Mukulu ku bujima buabu, padibu balambula milambu amu ya momumue matuku onsu, ku tshidimu ku tshidimu, kabayi balekela?

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Ebrewu 13:10

Batuangaji badi benza mudimu muaba wa tshijila wa bena Yuda kabena mua kudia bidibu balambula pa tshilambuilu tshietu.

Ebrewu 9:9

Atshi ntshimfuanyi tshidi tshiumvuija malu a mu tshikondu tshitudi etshi. Tshidi tshileja ne: malambi ne milambu ya nyama ya kuosha bidibu balambula Mvidi Mukulu kabiena mua kufikisha muoyi wa muntu udi utendelela Mvidi Mukulu ku bujima buawu.

Yoshua 22:28

Tuvua bele meji ne: matuku adi kumpala, pikalabu mua kutuambila, nansha kuambila ndelanganyi yetu ne: kanuena ne tshinudi mua kuamba, nebandamune ne: “Monayi mudi bankambua betu base tshilambuilu etshi, anu mushindu umue ne tshilambuilu tshia Maweja-Nangila. Kadi kabavua batshiase bua kulambuilapu milambu ya kuosha, nansha milambu mikuabu. Bavua batshiase bua tshikale tshimanyinu pankatshi petu nenu.”

Didimanyisha 15:5

Ebi bimane kuenzeka, meme kumona nzubu wa Mvidi Mukulu unzuluka mu diulu. Mu nzubu amu muvua ntenta wa ndondu wa Mvidi Mukulu.