Ebrewu 8:11 - MUKANDA WA MYIDI MUKULU

¹¹ Muntu nansha umue wa kudibu kakulongesha muena kuabu, nansha muanabu, umuambila ne: ‘Umanye Maweja-Nangila!’ Bualu bonsu nebamumanye, kubangila ku muana mutekete too ne ku muntu mukole.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Ne kabena bayîshangana muntu ne muntu ne mukuandi, Ne muntu ne muntu ne muanʼabo, bamba ne, Umanye biebe Mukelenge; Bua bonso nebanmanye, Kudi udi mutambe kuhuekela tô ne kudi udi mutambe bunene munkatshi muabo.

Ebrewu 8:11 교차 참조

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

2 Kulondolola 30:22

Izkiya kukolesha bena Levi ku muoyi, bualu bavua bakuatshila Maweja-Nangila mudimu muabu muonsu. Lumingu lujima bantu bavua badia pamue biakudia bia tshibilu, balambula milambu ya bobumue, batumbisha Maweja-Nangila, Mvidi Mukulu wa bankambua babu.

Ezela 7:25

“Kadi wewe Ezra, bilondeshile mikenji mimpe ya Mvidi Mukulu iudi nayi mu mukanda, usungule balumbuluishi ne balombodi, bua bikale bakosa nsambu ya bantu badi mu buloba ebu, kabidi badi bamanye mikenji ya Mvidi Mukulu webe. Badi kabayi bayimanye, neubalongesheyi.

Yeshaya 2:3

Bantu bavule nebayemu, benda bamba ne: “Tuyayi! Tubande pa mukuna wa Maweja-Nangila. Tubuele mu nzubu wa Mvidi Mukulu wa Yakobe. Atulongeshe tshidiye musue bua tuetu kuenza. Netulonde njila udiye utuleja.” Eyowa, dilongesha dia Maweja-Nangila didi difumina mu Siyone, muaku wende udi upatukila mu Yerushalayime.

Yeshaya 54:13

Bana bebe bonsu nembalongeshe meyi anyi. Nebasombe mu bupole.

Yirmeya 24:7

Nembapeshe bukole bua kumanyabu ne: meme ndi Maweja-Nangila. Nebapingane kundi ne muoyi wabu mujima. Nanku, nebikale bantu banyi, meme nengikale Mvidi Mukulu wabu.

Yirmeya 31:34

Maweja-Nangila udi wamba ne: muntu nansha umue kakulomba balunda bende, nansha bana babu, bua bamulongeshe bua ammanye. Bualu bonsu, bakulumpe ne bana, nebammanye. Nembafuile luse bua mibi yabu. Tshiakuvuluka kabidi bilema biabu.

Yirmeya 42:1

Pashishe balombodi ba bena mvita, nangananga Yowanane, muana wa Kareya, Azarya, muana wa Oshaya, ne bantu bonsu bavua muaba awu kuyabu bonsu,

Yirmeya 42:8

Yirmeya kubikidisha Yowanane, muana wa Kareya, ne balombodi bakuabu ba bena mvita bavuaye nabu, too ne bantu bonsu bavua muaba awu.

Yirmeya 44:12

‘Nengangate bena Yuda bavua bashale, baye kusokoma mu Ejipitu. Bonsu nebafue. Mu ditunga edi ke muafuilabu bonsu nansha ku mvita, nansha ku tshiyole tshia nzala. Muntu kakushala ne muoyi to. Eyowa, nebafue nanku. Bantu nebabateke tshilejilu tshia kutshipa natshi, tshia kukuatshisha natshi bowa, tshia kufuisha natshi bundu.

Yirmeya 6:13

Bualu bantu aba bonsu, bana ne bantu bakole, badi amu ne lukuka lua bintu, bakeba biuma ne buivi. Bambi ne batuangaji mene badi amu badinga bantu.

Yezekiyele 34:30

Bantu bonsu nebamanye ne: meme Maweja-Nangila Mvidi Mukulu wabu, ndi mubalame bimpe. Bena Izrayele mbantu banyi menemene. Meme Maweja-Nangila ndi njadika nanku.

Abakuke 2:14

Tshikondu netshifike tshidi bantu mu buloba bujima, bamanye amu kumanya munda muabu muonsu, butumbi bua Maweja-Nangila, amu mudi mayi muwule mu mayi manene tente.

Yowanane 6:45

Bambi bavua bafunde ne: “Mvidi Mukulu neabalongeshe bonsu buabu.” Muntu yonsu udi uteleja Tatu, ulonga malu ende, udi ufika kundi.

Bienzedi 8:10

Bantu bonsu, bana ne bakulumpe, bavua bamuteleja ne ntema, bamba ne: — Muntu ewu ke bukole bua Mvidi Mukulu. “Bukole bunene,” mutudi tuamba, ke budi munda muende.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.