Ebrewu 7:27 - MUKANDA WA MYIDI MUKULU

²⁷ Yeye kena bu batuangaji banene bakuabu. Kena ne bua kulambula milambu ku dituku ku dituku, diambedi bua mibi yende, pashishe bua ya bantu bakuabu to. Uvua mulambule mulambu musangu umue bua kashidi, pavuaye mudilambule yeye mene.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ udi kai ne bualu, bu muakadi nʼabu bakuidi banene aba, bua kufila milambu ku dituku ne ku dituku, diambedi bua mibi yandi yeye, hashishe bua mibi ya bantu; bua yeye wakenza bualu ebu musangu umue tshiendelele hakadifileye.

Ebrewu 7:27 교차 참조

Yezekiyele 43:19

Neufile kudi batuangaji ba bena Levi ba ku ndelanganyi ya Sadoke ngombe mulume. Anu bobu, ke bamvua muitabe bua bangenzele mudimu, meme Maweja-Nangila Mvidi Mukulu. Neboshe mulume a ngombe awu bua meme kubajimijila mibi yabu.

Lewitiki 16:11

“Arone neafike ne ngombe mulume udiye udikobolola nende. Neenze bionsu bidi bikengela bua kudikobolola, kukobolola ne bena diku diende. Pashishe neakose ngombe awu muminu.

Lewitiki 16:15

Pashishe neakose muminu wa mbuji wa mpumbu bua mulambu wa kukobolola nawu bantu. Angata mashi a mbuji awu, aye nawu muaba wa tshijila menemene, panyima pa tshilamba tshidi tshilembeleja. Aamiamine pa tshibuikidiji tshia mushete ne kumpala kua mushete, bu nuwuaye muenze ne mashi a ngombe mulume.

Lewitiki 16:6

“Arone nealambule ngombe mulume bua kudikobolola, pashishe neakobolole kabidi bena diku diende.

Rome 6:10

Lufu luvuaye mufue ndumumushe ku bubi musangu umue bua kashidi. Kadi muoyi udiye nawu mpindiewu, udi nawu bua Mvidi Mukulu.

Efeze 2:22

Badisange nende, nudi penu bidibu bibaka nabi nzubu, bua, pamue ne bantu bakuabu bonsu, nuenze nzubu umue, muaba udi Mvidi Mukulu usomba mu Mueyelu wende.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 5:1

Mutuangaji munene yonsu mmusungule munkatshi mua bantu, bua kuenzela Mvidi Mukulu mudimu ne bua kuakuila bantu. Udi ulambula malambi ne milambu bua kujimija mibi.

Ebrewu 5:3

Bu mudiye mene muena butekete, udi ne bua kulambula milambu, ya kayiyi amu bua kujimija mibi ya bantu bakuabu, kadi kabidi ne bua kujimija yende mene.

Ebrewu 8:4

Bu yeye mutshikale pa buloba, kavua mua kuikala nansha mutuangaji to. Bualu pa buloba batuangaji badi balambula milambu mudi mikenji ya bena Yuda yamba.

Ebrewu 9:12

Pavua Kristu mubuele muaba wa tshijila menemene musangu umue bua kashidi, kavua mulambule mashi a mbuji ya mpumbu, nansha a bana ba ngombe. Uvua mulambule mashi ende nkayende, mutupetele lupandu lua tshiendelele.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

Ebrewu 9:25

Mutuangaji munene wa bena Yuda udi ubuela muaba wa tshijila ku tshidimu ku tshidimu ne mashi a nyama ya milambu. Kadi Kristu kavua mubuele bua kudilambula misangu ya bungi nansha.

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

Ebrewu 9:7

Kadi amu mutuangaji munene nkayende ke udi ubuela mu ntenta muibidi. Udi ubuelamu amu musangu umue ku tshidimu. Udi uyamu ne mashi a nyama udiye ulambula Mvidi Mukulu bua mibi yende ne bua mibi idi bantu benze mu mpukapuka.