Ebrewu 7:24 - MUKANDA WA MYIDI MUKULU

²⁴ Kadi Yezu udi ne muoyi kashidi. Nenku mudimu wende wa butuangaji kabena ne bua kuupiana kudi muntu mukuabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ kadi yeye, bualu bua udi ushala tshiendelele, udi ne buakuidi budi kabui bushintuluka.

Ebrewu 7:24 교차 참조

Yowanane 12:34

Bantu bavule kumuandamuna ne: — Tudi balonge mu Mikanda ya mikenji yetu ne: Meshiya neashale ne muoyi tshiendelele. Nanku muudi mua kuamba ne: Muana wa muntu nebamuele kulu mbishi? Awu Muana wa muntu nnganyi?

Rome 6:9

Nanku tudi bamanye ne: Kristu katshia wabika ku lufu, kena ne bua kufua kabidi to. Lufu kaluena kabidi ne bumfumu pambidi pende.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

Ebrewu 13:8

Yezu Kristu udi momumue makelela, lelu ne tshiendelele.

Ebrewu 7:28

Mikenji ya Moshe idi iteka bantu badi ne bilema mulongu wa batuangaji banene. Kadi miaku ya mutshipu wa Mvidi Mukulu ivuaye muambe kunyima kua mikenji, mmiteke Muana udi mufike ku bujima buende bua kashidi bu mutuangaji munene.

Didimanyisha 1:18

Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.

1 Samuele 2:35

Pashishe meme nendisunguile mutuangaji udi mua kuenza ne muoyi umue tshindi musue. Nemmupeshe ndelanganyi idi mua kuenza mudimu wa butuangaji kashidi kumpala kua mukalenga ungikala musungule.