Ebrewu 7:22 - MUKANDA WA MYIDI MUKULU

²² Nenku, Yezu ke muntu udi utujadikila ne: nudi batue ndondu mipite buimpe.

Mukanda wa Nzambi Dihungila Dikulukulu ne Dihungila Dihia-dihia 2003

²² nunku bua malu â kabidi, Yesu wakulua tshieya tshia dihungila didi ditamba buimpe.

Ebrewu 7:22 교차 참조

Genese 43:9

Ndi njadika ne: meme nkayanyi nemmulame. Umunkonke amu meme. Pandi tshiyi nkupingajilaye, nengikale muena tshibawu kashidi kumpala kuebe.

Genese 44:32

Bualu bukuabu: meme ke udi tatu mueyekele tshilumbu tshia muanende ewu. Mvua mujadikile tatu ne: “Meme tshiyi mupingane ne muana ewu, nenshale muena tshilumbu kashidi kuudi.”

Misambu 119:122

Unshindikile ne: malu onsu neajike bimpe; bena kapeja, kabakengeshi kabidi!

Nsumuinu 20:16

Pikala muntu mudieyeke kuudi bua dibanza dia muntu uudi kuyi mumanye, ukuate tshilamba tshiende lukole, bua muntu uudi kuyi mumanye.

Nsumuinu 6:1

Muananyi, udi mudieyeke bua dibanza dia mulunda webe anyi? Udi mulaye patoke bua kumuambuluisha anyi?

Yeshaya 38:14

Ndi ngela mbila mikole, bu kandindi, ntua mikemu ne kanyinganyinga, bu kamanda-nkutshi. Mesu anyi adi atangila mulu, apungila. Maweja-Nangila, ungambuluishe! Ndi nkenga, mioyi mminshikile munda.

Danyele 9:27

Mu bidimu muanda mutekete bia ku nshikidilu, mfumu ewu neakengeshe tshisumbu tshinene tshia bantu bikole. Kunyima kua bidimu bisatu ne tshitupa, nealekeshe difila dia milambu ya kuosha, ne dia bintu bia pa madimi. Muena tshinyangu ewu neenze malu mabi ne lukasa luonsu, too ne diba didiye ufua lufu luvua Mvidi Mukulu mujadike.’ ”

Matayi 26:28

Bualu mmashi anyi, adi ashindika ndondu udi Mvidi Mukulu utua ne bantu, adibu bapuekesha bua kujimijila bantu bonsu mibi yabu.

Marke 14:24

Yezu kubambila ne: — Etshi mmashi anyi, avua mapumuka bua ba bungi, bua kushindika ndondu uvua Mvidi Mukulu mutue ne bantu.

Luke 22:20

Balongi bamane kudia, Yezu kubapesha kabidi dikopu, wamba ne: — Dikopu edi ntshiovu tshipiatshipia tshia Mvidi Mukulu, tshidibu bashindika ne mashi anyi, adibu bapumuna bualu buenu.]

1 Korente 11:25

Momumue, bobu bamane kudia, kuangataye dikopu, wamba ne: “Dikopu edi didi ndondu mupiamupia wa Mvidi Mukulu, udi mashi anyi ajadika. Misangu yonsu inudi nunuinamu, nuenze nanku bua kumvuluka.”

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Ebrewu 7:23

Mudi dishilangana dikuabu kabidi: batuangaji bakuabu bavua ba bungi, bualu bavua ne bua kufua, kabayi mua kutungunuka ne mudimu wabu.

Ebrewu 8:13

Padi Mvidi Mukulu utela ndondu mipiamipia, udi wandamuna ndondu wa kumpala, ushala wa kale. Kadi tshintu tshidi tshishala tshia kale, tshikulakaja, tshikadi pa kujimina.