Ebrewu 7:19 - MUKANDA WA MYIDI MUKULU

¹⁹ Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ (bua mikenshi kayakavuisha tshintu tshimue tshiakane tshishiki), ne dibueshibua ha muaba wau dia ditekemena ditamba buimpe didiku, ditudi tusemena nʼadi ha buihi ne Nzambi.

Ebrewu 7:19 교차 참조

Misambu 73:28

Kuikala nebe pabuipi ndiakalenga dianyi. Maweja-Nangila, ndi ntekemena kuudi, mmanyisha bantu bionsu biudi muenze.

Muadi 3:57

Pamvua mukubikile uvua musemene pabuipi nanyi. Wewe kungambila ne: “Kutshinyi nansha.”

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Bienzedi 13:39

Muntu yonsu udi umuitaba, neapete dijimija dia mibi yonsu, dinuvua kanuyi mua kupeta kudi mikenji ya Moshe.

Rome 5:2

Amu kudi Yezu, bualu bua ditaba, ke kumvua mua kusemena ku dinanga dia Mvidi Mukulu, kutudi bashindamene mpindiewu. Tshidi tshitusankisha, ke ditekemena ditudi nadi dia kudisanga ne Mvidi Mukulu mu butumbi buende.

Rome 7:7

Kadi tshitudi mua kuamba kabidi ntshinyi? Mikenji idi mulongu umue ne bubi anyi? Nansha kakese! Kadi mikenji ivua mimmanyishe mudi bubi. Bualu tshivua mua kujingulula mudi lukuka, bu mikenji kayiyi miambe ne: “Kualakanyi to.”

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Ngalate 2:16

Kadi tudi bamanye ne: Mvidi Mukulu udi ubingisha muntu, amu bua padiye witaba Yezu Kristu, ki mbua padiye ulonda mikenji ya Moshe nansha. Ke patuvua bitabe Yezu Kristu, tuetu kabidi bena Yuda, bua Mvidi Mukulu atubingishe bualu bua ditaba dietu mu Kristu, ki mbua patuvua bakumbaje mikenji. Bualu Mvidi Mukulu kakubingisha muntu nansha umue, bua padiye ukumbaja mikenji.

Ngalate 3:21

Nanku mikenji mmibengangane ne malayaa Mvidi Mukulu anyi? Nansha kakese! Bu bobu bele mikenji ivua mua kupetesha bantu muoyi, Mvidi Mukulu uvua mua kuhingisha bantu bualu bua mikenji.

Ngalate 3:24

Nenku mikenji ivua ne bua kutuludika too ne pafika Kristu, bua Mvidi Mukulu amone mua kudibingisha, patudi tuitaba Kristu.

Efeze 3:12

Pamue ne Kristu, utudi tuitaba, tudi mua kusemena kudi Mvidi Mukulu, kumutekemena muetu muonsu.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

1 Timote 1:1

Meme ndi Polu, mupostolu wa Yezu Kristu ku diyi dia Mvidi Mukulu, Musungidi wetu, ne ku diyi dia Yezu Kristu utudi tutekemena.

Ebrewu 10:1

Mikenji ya bena Yuda kayena ileja menemene malu malelela nansha, kadi idi amu mundidimbi wa malu atshidi kumpala. Mmunyi mudiyi mua kufikisha bantu badi basemena pabuipi ne Mvidi Mukulu ku bujima buabu, padibu balambula milambu amu ya momumue matuku onsu, ku tshidimu ku tshidimu, kabayi balekela?

Ebrewu 11:40

Nanku, bu muvua Mvidi Mukulu mudianjile kutulongoluela malu mapite buimpe, kavua musue bua bafike ku bujima buabu tuetu katuyi nabu.

Ebrewu 11:6

Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Ebrewu 4:16

Nenku tusemenayi ne ditekemena dionsu ku nkuasa wa butumbi wa Mvidi Mukulu, muaba udiye utuleja ditunanga diende. Netupeteku dijimija dia mibi. Neatulejeku mudiye utunanga, bua tupete diambuluisha diba dionsu ditudi tudikengela.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Ebrewu 7:11

Butuangaji bua bena Levi ke mfuki wa mikenji ivuabu bapeshe bena Izrayele. Nanku bu batuangaji ba bena Levi bafike ku bujima buabu, katuvua tukengela mutuangaji mukuabu, mutuangaji wa mushindu wa Melkisedeke, kayi wa mushindu wa Arone.

Ebrewu 7:20

Mvidi Mukulu kabidi mmuditshipe! Bantu bakuabu mbapete butuangaji, kakuyi mutshipu wa nanku.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Ebrewu 8:6

Kadi mpindiewu, Yezu mmupete mudimu mupite wabu. Bualu Yezu udi mutuangaji wa ndondu mupite bunene, udi mushindame pa malaya mapite buimpe.

Ebrewu 9:9

Atshi ntshimfuanyi tshidi tshiumvuija malu a mu tshikondu tshitudi etshi. Tshidi tshileja ne: malambi ne milambu ya nyama ya kuosha bidibu balambula Mvidi Mukulu kabiena mua kufikisha muoyi wa muntu udi utendelela Mvidi Mukulu ku bujima buawu.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!