Ebrewu 7:13 - MUKANDA WA MYIDI MUKULU

¹³ Kadi Mfumu wetu, muena malu adibu bamba aa, uvua wa tshisamba tshikuabu. Muena tshisamba tshiende nansha umue katshia kavua muenze mudimu wa butuangaji ku tshilambuilu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bua yeye muena malu â adibo bamba, udi muena tshisamba tshikuabo, kuditshi kakuakadi muntu wakukuata mudimu wa ku tshioshelu.

Ebrewu 7:13 교차 참조

Dibadika 17:5

Bitata abi bivua bivuluija bena Izrayele ne: muntu udi kayi wa ku ndelanganyi ya Arone, kena mua kuoshila Maweja-Nangila musenga wa kamonya to. Maweja-Nangila ukavua mumane kuambila Moshe bua kumanyisha Arone ne: “Pikala muntu mukuabu muoshile Maweja-Nangila musenga wa kamonya, neapete dinyoka bu dia Kora ne bonsu bavuaye nabu.”

Ebrewu 7:11

Butuangaji bua bena Levi ke mfuki wa mikenji ivuabu bapeshe bena Izrayele. Nanku bu batuangaji ba bena Levi bafike ku bujima buabu, katuvua tukengela mutuangaji mukuabu, mutuangaji wa mushindu wa Melkisedeke, kayi wa mushindu wa Arone.

Ebrewu 7:12

Padi butuangaji bushintuluka, mikenji kabidi idi ishintuluka.

Ebrewu 7:14

Tudi bamanye bimpe ne: bavua balela mfumu wetu mu tshisamba tshia Yuda. Pavua Moshe mufunde mikenji idi itangila batuangaji, kavua mutele tshisamba etshi ku bualu nansha bumue.