Ebrewu 6:9 - MUKANDA WA MYIDI MUKULU

⁹ Kadi, bana hetu basuibue, nansha tuakula nanku, tudi batekemene bikole kunudi, bamanye ne: nudi nuenda mu njila muimpe wa lupandu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi, bananga betu, tudi tuitabushishibua malu mahite buimpe bua bualu buenu, malu adi alondangana ne luhandu, nasha tuetu tuamba nunku.

Ebrewu 6:9 교차 참조

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Marke 16:16

Muntu udi witaba, bamutue mu mayi, neapande. Kadi wabenga kuitaba neapete tshibawu.

Bienzedi 11:18

Miaku ayi kubatalaja. Kutumbishabu Mvidi Mukulu, bamba ne: — Bushuwa, Mvidi Mukulu mmupe kabidi bantu ba bisamba bikuabu bukole bua kudilengeja, bua bapete muoyi mulelela.

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

1 Korente 10:14

Nanku, balunda banyi bananga, lekelayi kutendelela mvidie.

2 Korente 12:19

Bumue nukadi nuela meji mpindiewu ne: Polu udi ukeba kudilumbuluila ku mesu etu. Nansha kakese! Tudi tudilumbuluila ku mesu a Mvidi Mukulu, badisange ne Kristu! Bana hetu basuibue, tudi tunuambila bionsu abi, bua nuenu kushindama, kuya kumpala mu ditaba.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

2 Korente 7:10

Padi Mvidi Mukulu ukuata mudimu ne dibungama dietu, udi utuambuluisha bua tudilengeje, tupete lupandu. Ke patudi katuyi mua kunyingalala nansha. Kadi patudi tubungama tujinga bia panu, tudi tukeba lufu.

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Ebrewu 10:34

Bualu nuvua badisange ne bavua mu lukanu mu makenga abu. Pavuabu banunyenga bintu, nuvua bitabe ne disanka bua kubijimija. Bualu nuvua bamanye ne: tudi ne bubanji bupite buimpe budi bushala kashidi.

Ebrewu 10:39

Tuetu katuena bantu badi bapingana tshianyima. Kadi tudi tuitaba, tulonda njila wa lupandu.

Ebrewu 2:3

Nanku, patualengulula lupandu bunene nenku, mutuapanduka dinyoka mmunyi? Maweja-Nangila nkayende uvua mudianze kutumanyisha lupandu elu. Pashishe bavua bumvue mudi lupandu elu kutujadikilabu bunene bualu.

Ebrewu 5:9

Bamane kumufikisha ku bujima buende, ukadi mpokolu wa lupandu lua tshiendelele bua bantu bonsu badi bamutumikila.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.

2 Petro 3:1

Bana hetu basuibue, ke mukanda muibidi undi nnufundila ewu. Mu mikanda yonsu ibidi, mvua musue kunutabuluja, bua nupete meji makane ku malongesha andi nnuvuluija.

1 Yone 2:7

Balunda banyi, tshiena nnufundila mukenji mupiamupia. Kadi udi mukenji wa kale unukavua bamane kupeta biangatshile ku ntuadijilu. Mukenji wa kale ewu ke muaku unukadi bamane kumvua.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.