Ebrewu 6:6 - MUKANDA WA MYIDI MUKULU

⁶ Kadi nansha biobi nanku, badi bapingana mu nsombelu mubi. Kabena mua kukudimuna nsombelu wabu musangu muibidi. Bualu badi bapopela Muana wa Mvidi Mukulu tshiakabidi pa mutshi mutshiamakane, banyishe bua bamupende patoke.

Mukanda wa Nzambi Dihungila Dikulukulu ne Dihungila Dihia-dihia 2003

⁶ ne hashishe bakalekela malu â, kubahingasha tshiakabidi kudi dikudimuna dia mutshima kakuena mua kuenjibua tshiendelele, bualu bua badi badishihela kabidi Muana wa Nzambi ku mutshi mutshiamakane, ne badi bamufuisha bundu ku mesu kua bantu.

Ebrewu 6:6 교차 참조

Misambu 51:10

Ungambile muudi mumfuile luse, bua ngende kabidi ne musangelu. Nansha wewe mumane kunzaza, nensanguluke.

Yeshaya 1:28

Padibu batombokela Maweja-Nangila, bamubenga, benzelangana bibi, nebabutuke.

Matayi 19:26

Yezu ubatangila, kubambilaye ne: — Ebi bidi bikolela bantu. Kadi bionsu bidi biteketela Mvidi Mukulu.

Luke 11:48

Ke munudi nuleja munudi banyishe malu avua bankambua benu benze. Bobu bavua bashipe bambi! Nuenu kuibaka nkita yabu!

2 Timote 2:25

Udi ne bua kulongesha bantu badi bamuela mpata, kayi ufika munda. Bumue nebapete kudi Mvidi Mukulu mushindu wa kudilengeja, ne wa kumanya bulelela.

Ebrewu 10:26

Bualu tuetu tukadi bamane kumanya bulelela. Nanku patudi tutungunuka ku bukole ku dienza malu mabi, kakuena mulambu mukuabu udi mua kujimija mibi.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Ebrewu 4:14

Nenku, tulaminayi momu ditaba ditudi tutonda. Bualu tudi ne mutuangaji mupite bunene, uvua mufike too ne ku mesu kua Mvidi Mukulu mene: ke Yezu, Muana wa Mvidi Mukulu.

Ebrewu 6:4

Tshidi mua kuenzekela badi bapingana tshiakabidi mu nsombelu mubi ntshinyi? Bakaya bamane kupeta butoke bua Mvidi Mukulu. Bavua balabule dipa dia mulu, badisange ne Mueyelu wa Tshijila.

2 Petro 2:21

Bivua bimpe bipite bua kabamanyi njila mululame, pa mutu pa kumumanya, kadi kushisha kubenga mikenji ya tshijila ivuabu babamanyishe.

1 Yone 5:16

Padi muntu umona muanabu wenza bualu bubi, budi kabuyi mua kumufikisha ku lufu, mbimpe atendelele Mvidi Mukulu. Nanku Mvidi Mukulu neapeshe muanabu awu muoyi. Ebi bidi amu bua bantu badi benza malu mabi, adi kaayi abafikisha ku lufu. Kadi kudi bubi budi bufikisha ku lufu. Tshiena ngamba bua nutendelele bua bualu bubi bua nanku to.