Ebrewu 6:4 - MUKANDA WA MYIDI MUKULU

⁴ Tshidi mua kuenzekela badi bapingana tshiakabidi mu nsombelu mubi ntshinyi? Bakaya bamane kupeta butoke bua Mvidi Mukulu. Bavua balabule dipa dia mulu, badisange ne Mueyelu wa Tshijila.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bua muanda wa bantu aba bakatokeshibua mu munya wa Nzambi musangu umue tshiendelele ne bakalabula diha dia mu diulu, bakavuishibua babanyanganyi ba Nyuma Muimpe,

Ebrewu 6:4 교차 참조

Lewitiki 13:55

Pashishe, mutuangaji neatshikenkete kabidi. Padiye umona ne: dikeji adi ndishale anu mushindu umue, nansha kadiyi ditampakane, udi wamba ne: tshintu etshi ntshipie mikiya. Mutuangaji neatshioshe, nansha butu bukuate luseke lumue.

Lewitiki 14:43

“Kadi padibu bamane kulamuna mabue a nzubu awu ne matoba avuaku, bakone bimana babishinguila, kadi nzubu awu mukuate kabidi butu,

Dibadika 24:3

Kuelaye kasala, wimba ne: “Meme, ndi Balaame muana wa Beyore, umvuayi tshindi ngamba. Ndi mmona malu masokome, telejayi diyi dianyi!

Matayi 12:45

Nanku udi uya kuangata mikishi mikuabu muanda mutekete mimupite ku bubi. Udi upingana nayi pamue, bua kusomba mu nzubu amu. Nanku muntu ewu mpindiewu udi mubi, mupite muvuaye kumpala. Ke muenzekela bantu babi ba mu tshikondu etshi.

Matayi 5:13

— Bu mudi luepu mu biseki, ke munudi nuenu mu bantu. Kadi pikala luepu lutshipale, tshidi mua kulutuisha kabidi ntshinyi? Kaluena ne diambuluisha kabidi to. Badi baluimansha, bantu baludiata.

Yowanane 15:6

Muntu udi kayi ushala mudisange nanyi, nebamuimanshe pa mbelu bu ditamba. Neume. Matamba mume badi baangula, baela muiku, baosha.

Yowanane 3:27

Yowanane kubandamuna ne: — Muntu kena mua kudipetela tshintu padi Mvidi Mukulu kayi mumupeshetshi.

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Yowanane 6:32

Yezu kubandamuna ne: — Ndi nnujadikila ne: Moshe kavua munupe mampa a mu diulu nansha. Kadi Tatu wanyi ke udi unupa mampa malelela a mu diulu.

Bienzedi 10:45

Bena ditaba ba mu tshisamba tshia bena Yuda, bavua bafika ne Petro, kukema bikole pa kumona muvua Mvidi Mukulu mupuekeshile ne bantu ba mu bisamba bikuabu Mueyelu wa Tshijila.

Bienzedi 11:17

Mvidi Mukulu kubapa dipa dia momumue, divuaye mutupe, pamvua bitabe Mfumu Yezu Kristu. Nanku mumvua meme mua kujikila Mvidi Mukulu njila mbishi?

Bienzedi 15:8

Mvidi Mukulu udi mumanye mioyi ya bantu, mmuleje mudiye muanyishe bantu ba bisamba bikuabu, bualu mmubapeshe Mueyelu wa Tshijila mumue netu.

Bienzedi 8:20

Kadi Petro kumuandamuna ne: — Wewe ne makuta ebe, nubutuke! Bualu udi wela meji ne: dipa dia Mvidi Mukulu tudi mua kudisumba ku makuta!

Rome 1:11

Bualu ndi njinga bikole kunumona, bua kunutuadila mapa makuabu a Mueyelu wa Tshijila adi mua kunukolesha mu ditaba.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Ngalate 3:2

Ndi musue kunuela lukonku amu lumue: nuvua bapete Mueyelu wa Mvidi Mukulu bua tshinyi? Bualu nuvua bakumbaje mikenji, anyi bualu nuvua bumvue Lumu lua Disanka, baluitabe?

Ngalate 3:5

Padi Mvidi Mukulu unupesha Mueyelu wende, wenza malu a kukema munkatshi muenu, udi wenza nanku, bua panudi bumvue Lumu lua Disanka, baluitabe, ki mbua panudi bakumbaje mikenji.

Efeze 1:18

Ndi ndomba Mvidi Mukulu bua atokeshe lungenyi luenu, bua numanye tshinudi mua kutekemena kudi Mvidi Mukulu, bu mudiye munubikidile. Nanku nenumanye biuma bilenga bidiye mulamine bantu bende.

Efeze 2:8

Bualu Mvidi Mukulu mmutusungile amu ku luse luende patupu. Nuenu kanuvua ne tshia kuenza. Tshienu tshivua amu kuanyisha mu ditaba dipa edi dia lupandu dia kudi Mvidi Mukulu.

Efeze 3:7

Ndi nkuata mudimu bua kutantshisha Lumu lua Disanka, anu ku luse lua Mvidi Mukulu patupu, ne ku bukole budiye mumpeshe.

Efeze 4:7

Kadi yonsu wa kutudi mmupete dipa dia pa buadi, bilondeshile muvua Kristu mudifile.

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

2 Timote 2:25

Udi ne bua kulongesha bantu badi bamuela mpata, kayi ufika munda. Bumue nebapete kudi Mvidi Mukulu mushindu wa kudilengeja, ne wa kumanya bulelela.

2 Timote 4:14

Aleksandre, nsenda wa biamu, mmungenzele bibi be. Mfumu neamufute bilondeshile tshivuaye muenze.

Ebrewu 10:32

Nuvuluke munuvua kale. Amu nuenu bamane kupeta butoke bua Mvidi Mukulu, nuvua bakenga bikole, nuvua balame muoyi mushindame mu mvita.

Ebrewu 2:4

Mvidi Mukulu uvua kabidi mujadike bulelela bua bivuabu bambe ku bishima ne ku malu a kukema a mishindu yonsu. Uvua muabanye kabidi mapa a kudi Mueyelu wa Tshijila muvuaye musue.

1 Yone 5:16

Padi muntu umona muanabu wenza bualu bubi, budi kabuyi mua kumufikisha ku lufu, mbimpe atendelele Mvidi Mukulu. Nanku Mvidi Mukulu neapeshe muanabu awu muoyi. Ebi bidi amu bua bantu badi benza malu mabi, adi kaayi abafikisha ku lufu. Kadi kudi bubi budi bufikisha ku lufu. Tshiena ngamba bua nutendelele bua bualu bubi bua nanku to.