Ebrewu 6:17 - MUKANDA WA MYIDI MUKULU

¹⁷ Mvidi Mukulu uvua musue kuleja patoke bantu bonsu bavua ne bua kupeta bivuaye mulaye ne: kashidi tshiena mua kushintulula dipangadika dianyi. Ke pavuaye usakidila mutshipu ku dilaya divuaye ulaya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku, Nzambi, hakasueye kutamba kulesha bahianyi ha milayi disua diandi didi kadi mua kukudimuka, wakateka kuditshiha kuandi hankatshi habo;

Ebrewu 6:17 교차 참조

Genese 26:28

Abimeleke ne bavuaye nabu kuandamuna ne: — Tudi tukulonda bualu tudi bajadika ne: Maweja-Nangila udi nebe. Ke patuedi meji ne: mbimpe tumvuangane nebe, tutue ndondu.

Misambu 110:4

Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

Misambu 33:11

Kadi bulongolodi bua Maweja-Nangila mbua kashidi, meji ende adi ashala tshiendelele.

Misambu 36:8

Mvidi Mukulu wanyi, wewe udi utunanga bikole; ke patudi tusokomena mu mapuapua ebe.

Ekesode 22:11

Kadi pikalabu bamuibe bimuna abi ku nzubu kuende, mulami neafute muena bintu.

Nsumuinu 19:21

Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Yeshaya 14:24

Maweja-Nangila muena bukole buonsu, mmuditshipe, wamba ne: “Bushuwa, tshionsu tshindi muele meji netshienzeke, tshionsu tshindi mushindike netshikumbane!

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Yeshaya 55:11

Ke mudi kabidi muaku wanyi. Kawena upingana kundi patupu, kauyi upatula bipeta, kauyi ukumbaja bimvua muelele meji. Meme kutuma muaku wanyi, wowu kupeta amu tshimvua muipatshile.”

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Malaki 3:6

“Meme Maweja-Nangila tshiena nkudimuka. Kadi nuenu kabidi nudi basue kushala kashidi ndelanganyi menemene ya Yakobe.

Yowanane 10:10

Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.

Rome 11:29

Bualu Mvidi Mukulu kena unyenga tshintu tshidiye mumane kufila. Kena ukudimuna meji avuaye nawu pambidi pa ba-vuaye mubikile.

Rome 8:17

Patudi bana bende, netupiane bilenga bivua Mvidi Mukulu mulaye bantu bende. Netubipiane pamue ne Kristu. Bualu patudi tukenga badisange ne Kristu, netusanke nende pamue mu butumbi bua momumue.

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Ebrewu 11:9

Amu bua ditaba, kusombaye bu muenyi mu ditunga divua Mvidi Mukulu mumulaye. Kusombaye mu nzubu ya ntenta ne Izake kabidi ne Yakobe, bavua bapeta dilaya dia momumue kudi Mvidi Mukulu.

Ebrewu 6:12

Katuena basue bua nuikale bena lulengu, kadi nulonde tshilejilu tshia badi bitaba, bananukila ne lutulu, bapeta tshivua Mvidi Mukulu mulaye.

Ebrewu 6:16

Padi bantu baditshipa, badi batela dina dia muntu udi mubapite. Mutshipu awu ke udi ujadika bualu, ujikija mpata yonsu munkatshi muabu.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

1 Petro 3:7

Nuenu kabidi, balume, nusombe bimpe ne bakaji benu. Numanye ne: badi ne butekete. Nanku nubanemeke, bualu nebapete nenu dipa dia muoyi kudi Mvidi Mukulu. Nuenze nanku bua tshintu nansha tshimue katshieledi ditendelela dienu nkila.