Ebrewu 6:10 - MUKANDA WA MYIDI MUKULU

¹⁰ Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua Nzambi kena uhanga buakane bua kuhueye muoyo wa mudimu wenu ne wa dinanga dinuakalesha bua dina diandi, hanuakakuatshila basanto mudimu ne hanutshidi nubakuatshishau.

Ebrewu 6:10 교차 참조

Nehemya 13:22

Nanku, meme kuambila bena Levi, bua bumushe mikiya yabu, baye kulama biibi bia tshimenga, bua bantu banemeke dituku dia Dikisha. “Eyi, umvuluke Mvidi Mukulu wanyi, bua bualu ebu kabidi. Wewe udi muena dinanga, umfuile luse!”

Nehemya 13:31

Meme kulongolola kabidi mudimu wa kufila nkunyi matuku avuabu bafunde, kabidi wa kufila milambu ya bintu bia tshianyi bia mu madimi. “Eyi Mvidi Mukulu wanyi, umvuluke, ungenzele bimpe.”

Nehemya 5:19

“Eyi Mvidi Mukulu wanyi, umvulukeku, bua mudimu onsu undi muenzele bantu aba.”

Misambu 20:3

Akuambuluishe mu nzubu muende mudiye, akukuatshishe biangatshile mu Siyone!

Ekesode 1:20

Nanku bena Izrayele kuvulangana, kushala bantu bakole. Mvidi Mukulu kusankisha baleleshi abu,

Nsumuinu 14:31

Muntu udi ukengesha mupele, udi upenda Mvidi Mukulu wakamufuka. Kadi udi umuambuluisha, udi unemeka wakamufuka.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Muambi 11:1

Ela biudi nabi mu mayi manene. Bumue dituku dikuabu neubipete tshiakabidi.

Yirmeya 18:20

Badi mua kupingaja bubi pa buimpe anyi? Apu badi bateya buteyi bua kunkuata. Kadi vuluka mumvua muimane kumpala kuebe bua kubakuila, bua kaubafikidi munda.

Yirmeya 31:16

Kadi Maweja-Nangila udi umuambila ne: Lekela muadi, kupula binsonji biebe, bualu nenkufute bua bionsu biuvua wenzela bana bebe. Ke meme Maweja-Nangila udi wamba nanku! Bana bebe nebumuke kudi baluishi, kudi bena lukuna babu, bua kupingana kuabu.

Matayi 10:42

Ndi nnujadikila bulelela ne: muntu udi upa umue wa ku bakese banyi aba nansha dikopu dia mayi matalale, bua padiye mulongi wanyi, kakubula difutu diende to.

Matayi 20:7

Bobu kumuandamuna ne: “Bualu muntu ki mmutuangate ku mudimu to.” Ke yeye kubambila ne: “Nanku nuenu kabidi nuye kukuata mudimu mu budimi buanyi bua nwinyo.”

Matayi 25:17

Uvua mupete nkanu nkama ibidi, kuenza kabidi momumue. Kupetaye minga nkama ibidi.

Marke 9:41

Muntu wanupesha dikopu dia mayi a kunua mu dina dianyi, bualu nudi ba Kristu, ndi nnujadikila ne: neapete difutu diende.

Yowanane 13:20

Ndi nnujadikila ne: muntu wakidila muntu undi ntuma, udi ungakidila meme. Muntu udi ungakidila udi wakidila uvua muntume.

Bienzedi 10:31

Kungambilaye ne: “Korneliyuse, Mvidi Mukulu mmumvue muudi umutendelela, kabidi mmuvuluke muudi wambuluisha bapele.

Bienzedi 10:4

Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.

Bienzedi 11:29

Bena ditaba kumvuangana bua muntu yonsu afile tshiende tshidiye natshi, bua kuambuluisha bena ditaba ba mu Yudeya.

Rome 12:13

Ambuluishayi bana benu ne bidibu bakengela. Akidilayi bimpe badi bafika ku nzubu yenu.

2 Korente 9:1

Tshiena ne bua kunutumina mukanda bua kunulomba, bua nuambuluishe pamue netu bantu ba Mvidi Mukulu badi mu Yudeya.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Ngalate 6:10

Patutshidi ne diba, tuenzelayi bantu bonsu bimpe, kadi nangananga bena ditaba netu.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

1 Tesalonike 1:3

Bualu kumpala kua Mvidi Mukulu ne Tatu wetu, tudi tuvuluka munudi nukumbaja malu adi ditaba dienu dinulomba, mudi dinanga dienu dinukuatshisha midimu mikole, kabidi munudi nutekemena kudi Mfumu wetu Yezu Kristu ne muoyi umue.

1 Timote 6:18

Ubambile bua benze malu amu mimpe. Buabu buneme buikale mu midimu ya luse. Bikale bantu ba kalolu, badi bamanye mua kuabanyangana ne bakuabu bidibu nabi.

2 Timote 4:8

Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.

Ebrewu 10:32

Nuvuluke munuvua kale. Amu nuenu bamane kupeta butoke bua Mvidi Mukulu, nuvua bakenga bikole, nuvua balame muoyi mushindame mu mvita.

Ebrewu 13:16

Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.