Ebrewu 5:13 - MUKANDA WA MYIDI MUKULU

¹³ Utshidi unua mabele mmuana. Kena mua kujingulula bualu budi buimpe nansha budi bubi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bualu bua muntu yonso udi wamua mabele kena muanze kujalama mu dî dia buakane, bualu bua utshidi muana mukese.

Ebrewu 5:13 교차 참조

Misambu 119:123

Mesu anyi adi amona bilejileji, bualu ndi mpita kubala mukenji webe, ke pandi nkonka ne: “Neunsambe diba kaayi?”

Yeshaya 28:9

Badi baseka, bakonka ne: “Yeshaya ewu, udiye musue kulongesha nnganyi? Udiye musue kumvuija bidibu bamuleja nnganyi? Tudi bana ba mu tshiadi badibu balekesha dibele amu mpindiewu anyi?

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Marke 10:15

Ndi nnujadikila ne: udi kayi wanyisha Bukalenga bua Mvidi Mukulu bu mudi muana, kena mua kubuelamu nansha.

Rome 2:20

muudi muludiki wa badi kabayi bamanye malu, mulongeshi wa bana. Bualu udi mujadike ne: pandi mumanye mikenji ya Mvidi Mukulu, ndi mumanye malu onsu anu mudiwu mu bulelela.

1 Korente 13:11

Pantshivua muana, mvua ngakula, ngumvua malu, ngela meji amu bu muana. Kadi pankadi muntu mukole, meme kulekela malu onsu a buana.

1 Korente 14:20

Bana hetu, kanuikadi bu bana mu ngelelu wenu wa meji; nuikale bana bua bidi bitangila bubi. Kadi nuikale bantu bakole mu ngelelu wenu wa meji.

1 Korente 3:1

Bana hetu, tshivua musue kuyukila nenu, mudibu bayukila ne bantu badi Mueyelu wa Mvidi Mukulu ulombola nansha. Kadi mvua ne bua kunuyukidisha mudibu bayukila ne bantu batshidi ne meji a buntu, batshidi bana mu ditaba.

2 Korente 3:9

Bulongolodi buvua butupisha bukavua ne lumu. Nenku bulongolodi budi butubingisha kumpala kua Mvidi Mukulu nebuikale ne lumu lupite!

Efeze 4:14

Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.

2 Timote 3:16

Bualu bionsu bidi mu Mikanda ya tshijila mbabifunde ne meji a Mvidi Mukulu. Bidi biambuluisha bua kulongesha bulelela, kubenga ntupakanyi, kulengeja bilema, kufikisha bantu ku nsombelu muimpe.

1 Petro 2:2

Nufuane bana batekete badibu balela mpindiewu. Bu mudibu bajinga mabele, adibu kabayi basambakaja ne tshintu tshikuabu, nuenu kabidi nujinge kumanya muaku wa Mvidi Mukulu amu pa wowu, bua numone mua kukola nawu mu ditaba, kupeta lupandu.

2 Yone 1:11

Bualu muntu udi wela wa nanku muoyi, udi udisanga nende mu malu adiye wenza.