Ebrewu 5:1 - MUKANDA WA MYIDI MUKULU

¹ Mutuangaji munene yonsu mmusungule munkatshi mua bantu, bua kuenzela Mvidi Mukulu mudimu ne bua kuakuila bantu. Udi ulambula malambi ne milambu bua kujimija mibi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bualu bua muakuidi mimene yonso, muangatshibue munkatshi mua bantu, udi ubueshibua mu mudimu bua kukuatshisha bantu mu malu a kudi Nzambi bua yeye afile bintu bihebua ne milambu mishiha bua mibi,

Ebrewu 5:1 교차 참조

Lewitiki 8:2

— Ubikidishe Arone ne bana bende ba balume ku mushiku wa ntenta wa kusambakena. Ulombeshe bilamba biabu bia tshijila, ne mafuta a kubalaba. Batuale kabidi ngombe mulume wa kubakobolola nende, mikoku ibidi ya bimpanga, ne tshisaka tshia mampa kaayi mela buanga.

Lewitiki 9:7

Pashishe kuambilaye Arone ne: — Semena ku tshilambuilu, ulambule mulambu wa kudikobolola nawu, ne mulambu wa kuosha. Wenze bionsu bidi bikengela bua wewe kudikobolola, kukobolola ne bena Izrayele bonsu. Pashishe ulambule milambu ya bena Izrayele. Wenze kabidi ne bionsu bidi bikengela bua kukobolola bantu, bu muvua Maweja-Nangila muambe.

Rome 15:17

Nanku ndi ndisanga ne Kristu, nditemba bua mudimu wanyi undi nkuatshila Mvidi Mukulu.

1 Korente 15:3

Mvua munulongeshe malu avuabu bandongeshe: Bualu bupite bunene mbobu ebu: Kristu mmufue bua mibi yetu, muvua Mikanda ya tshijila midianza kuamba.

Ebrewu 10:11

Ku dituku ku dituku, mutuangaji yonsu uvua wimana kulu bua kuenzela Mvidi Mukulu mudimu wende. Udi ulambula misangu mivule milambu ya momumue idi kayiyi mua kujimija mibi musangu nansha umue.

Ebrewu 10:12

Kadi Kristu uvua mufile mulambu anu umue bua mibi. Mulambu ewu udi ushala ne bukole kashidi. Pashishe udi muye kusomba ku dia balume dia Mvidi Mukulu.

Ebrewu 11:4

Amu bua ditaba, Ebele uvua mulambule Mvidi Mukulu mulambu mupite wa Kayine ku buimpe. Bua ditaba diende Mvidi Mukulu uvua mumubingishe bualu Mvidi Mukulu uvua muanyishe malambi ende. Amu bua ditaba diende, Ebele utshidi wakula nansha yeye mumane kufua.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Ebrewu 7:27

Yeye kena bu batuangaji banene bakuabu. Kena ne bua kulambula milambu ku dituku ku dituku, diambedi bua mibi yende, pashishe bua ya bantu bakuabu to. Uvua mulambule mulambu musangu umue bua kashidi, pavuaye mudilambule yeye mene.

Ebrewu 8:3

Mutuangaji munene yonsu mmuteka bua kulambula malambi ne milambu. Nanku bidi bimpe bua mutuangaji wetu munene kabidi ikale ne tshintu tshia kulambula.

Ebrewu 8:4

Bu yeye mutshikale pa buloba, kavua mua kuikala nansha mutuangaji to. Bualu pa buloba batuangaji badi balambula milambu mudi mikenji ya bena Yuda yamba.

Ebrewu 9:9

Atshi ntshimfuanyi tshidi tshiumvuija malu a mu tshikondu tshitudi etshi. Tshidi tshileja ne: malambi ne milambu ya nyama ya kuosha bidibu balambula Mvidi Mukulu kabiena mua kufikisha muoyi wa muntu udi utendelela Mvidi Mukulu ku bujima buawu.