Ebrewu 4:13 - MUKANDA WA MYIDI MUKULU

¹³ Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.

Ebrewu 4:13 교차 참조

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

2 Kulondolola 16:9

Nanku, Maweja-Nangila udi utangila pa buloba, musue kuambuluisha badi bamunanga ne muoyi wabu mujima. Mpindiewu, udi muenze malu bu muntu mutomboke. Biangatshile ku lelu, mvita neyikukuate.

2 Kulondolola 6:30

wewe Maweja-Nangila udi musombe mu diulu, wikale muteleje. Ubafuile luse, wenzele muntu yonsu bilondeshile nsombelu wende. Bualu wewe nkayebe udi mumanye meji adi mu muoyi wa muntu. Bushuwa, wewe nkayebe udi mumanye malu adi mu mioyi ya bantu.

Yobe 26:6

Bualu kandondu ka bafue kadi amu patoke kumpala kua Mvidi Mukulu. Tshilamba katshiena mua kubuikila dijimba ku mesu ende to.

Yobe 34:21

Mvidi Mukulu udi ukenketa luendu lua bantu, bualu udi ukonkonona bionsu bidibu benza.

Yobe 38:17

Bakadi bakuleja tshiibi tshia mu kandondu ka bafue, muaba udi miidima kashidi anyi?

Misambu 139:4

Tshiyi muanji kuamba diyi mukana muanyi, wewe ukadi mumanye bionsu bindi musue kuamba.

Misambu 44:21

Bu tuetu bapue Mvidi Mukulu wetu muoyi, bu tuetu batendelela mvidie mikuabu,

Misambu 7:9

Maweja-Nangila, wewe mulumbuluishi wa bisamba, kosa tshilumbu tshianyi pa tshiotshi, leja buakane buanyi patoke ku bantu.

Misambu 90:8

Wewe udi muleje malu etu mabi patoke, butoke buebe budi bukenkesha malu etu masokome.

Nsumuinu 15:11

Maweja-Nangila mmumanye bionsu, nansha bidi mu kandondu ka buloba. Nanku mudi muntu mua kusokoka Mvidi Mukulu malu adi munda muende mmunyi?

Nsumuinu 15:3

Mesu a Maweja-Nangila adi atangila miaba yonsu. Udi ujooja bimpe ne babi.

Nsumuinu 5:21

Wamanya! Maweja-Nangila udi ujooja mudi muntu yonsu wenza. Udi umona bionsu bidi muntu wenza.

Muambi 12:14

Bualu Mvidi Mukulu nealumbuluishe muntu yonsu pa malu ende onsu, nansha mempe nansha mabi, nansha masokome mene.

Yirmeya 16:17

Bualu ndi ntangila bimpe tshidibu benza. Kakuena tshidi mua kunjimina. Tshilumbu tshiabu ndi mutshimanye.

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

Yirmeya 29:23

Malu awu avua mabenzekele, bualu bavua benza malu mabi mu Izrayele andi mbenga. Bavua benza malu a bundu, bambila bantu malu mu dina dianyi, meme tshiyi mubatume. Kadi meme ndi mumanye malu onsu awu. Mvua muamone ne mesu anyi. Meme Maweja-Nangila ndi njadika nanku.”

Danyele 2:22

Yeye udi utanduila bantu malu makole adi masokome. Udi mumanye malu adibu basokoke mu midima, bualu muaba udiye udi butoke.

Matayi 6:4

Nanku diambuluisha diebe dikale dia mu musokoku. Mvidi Mukulu, Tatu webe, udi umona biudi wenza mu musokoku, neakufute.

Yowanane 2:24

Kadi Yezu kasua mubatekemene nansha. Bualu usua mubamanye bonsu bikole.

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

Yowanane 4:16

Yezu kumuamba ne: — Uye kubikila bayebe, nufike nende apa.

Bienzedi 17:31

Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!

Rome 2:16

Lumu lua Disanka lundi ndongesha ludi luamba ne: dituku diakosa Mvidi Mukulu nsambu kudi Yezu Kristu, bionsu bidi bisokome mu mioyi ya bantu abi nebimueneke patoke.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

2 Korente 5:10

Bualu bonsu tudi ne bua kumueneka kumpala kua Kristu, bua atulumbuluishe. Diba adi muntu yonsu udi ne bua kupeta bidiye ne bua kupeta bilondeshile malu, nansha mimpe nansha mabi, avuaye muenze patshivuaye mu mubidi wende.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.

1 Samuele 16:7

Kadi, Maweja-Nangila kuambila Samuwele ne: “Kutangidi buimpe bua mpala, nansha bule bua muntu. Meme tshiena mumusungule to. Meme tshiena ntangila, mudi bantu batangila to. Bantu badi batangila amu mpala, ne mushindu udi muntu. Kadi meme ndi ntangila too ne munda mua muntu.”