Ebrewu 4:11 - MUKANDA WA MYIDI MUKULU

¹¹ Nenku, tuenzayi muetu muonsu bua tupete muaba wa dikisha ewu. Tukuate mudimu bua muntu nansha umue wa Mvidi Mukulu kapangi kutumikila, muvua bantu ba mu tshipeta bapange. Bualu diba adi kakupeta muaba wa dikisha ewu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nunku tutshintai bietu bua kubuela mu dikisha adi, bua muntu kahonyi mu kulonda kua tshifuanyikishi tshiotshimue tshia buhidia.

Ebrewu 4:11 교차 참조

Matayi 11:12

Biangatshile tshikondu tshivua Yowanane-Batiste utuadija kulongesha, Mvidi Mukulu kutuadija kulongolola Bukalenga buende. Kadi too ne ku lelu, bena tshimvundu badi bakeba kukandika bantu, bua kababuitabi.

Matayi 7:13

— Buelelayi ku mushiku wa mbelu mubumbakane. Bualu mushiku wa mbelu mubaluluke, ne njila mualabale, ke bidi bifikisha bantu ku kabutu. Bantu bavule badi bendela mu njila amu.

Luke 13:24

Enzayi muenu muonsu bua nubuele ku tshiibi tshibulakane. Bualu ndi nnujadikila ne: bantu ba bungi nebakebe kubuela, kadi kabakubuela to.

Luke 16:16

Too ne ku tshikondu tshia Yowanane-Batiste, nuvua ne mikenji ya Moshe, kabidi ne mikanda ya bambi. Kutuadija ku Yowanane, badi balongesha Lumu lua Disanka lua Bukalenga bua Mvidi Mukulu. Muntu yonsu udi upatata bua kubuela mu Bukalenga abu.

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Bienzedi 26:19

— Nanku, mukalenga Agripa, tshivua mubenge bivua Mvidi Mukulu mundeje to.

Efeze 2:2

Nuvua benze malu mabi adibu benza pa buloba. Nuvua batumikile mfumu wa makole a mulu, mukishi mubi ewu utshidi ukuata mudimu munda mua bantu badi batombokela Mvidi Mukulu.

Efeze 5:6

Muntu kanudingi ne miaku ya bupote. Mvidi Mukulu neanyoke bantu badi benza malu mabi a nenku, babenga kumutumikila.

Filipe 2:12

Bana hetu bananga, pamvua munkatshi muenu, nuvua bantumikile misangu yonsu. Kadi nupite kuntumikila lelu, pandi tshiyipu! Nukuate mudimu, nutshine Mvidi Mukulu, numuzakele, bua nupande.

Kolose 3:6

Bilema bibi ebi ke bidi bijuula tshiji tshia Mvidi Mukulu, bua anyoke badi babenga kumutumikila.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Ebrewu 3:12

Bana hetu, dimukayi! Muntu wa kunudi nansha umue kikadi ne muoyi mubi, wa kuvila ditaba, mufuane kulamuka kudi Mvidi Mukulu wa muoyi.

Ebrewu 3:18

Pavua Mvidi Mukulu muditshipe ne: “Bantu aba kashidi kabena babuela mu ditunga, dimvua mubalongoluele bua kuikisha,” bavuaye wamba nanku mbanganyi? Uvua wamba bua bonsu bavua batomboke.

Ebrewu 4:6

Bantu bavua badianjila kumvua Lumu lua Disanka, kabavua babuele muaba wa kuikisha ewu, bualu kabavua bitabe. Nanku bakuabu batshidi ne mushindu wa kubuelamu.

Ebrewu 6:11

Kadi tudi tujinga ne: muntu yonsu wa kunudi atungunuke ne disuminyina dia momumue too ne ku ndekelu, bua binudi batekemena bikumbane menemene.

Yoshua 7:3

kupinganabu kudi Yoshuwa, bamuambila ne: — Kuena mua kutuma bena mvita bonsu bua kuya kuluisha bena Ayi to. Bena mvita binunu bibidi nansha bisatu mbakumbane. Kutatshishi bena mvita betu bonsu to. Bena tshimenga tshia Ayi kabena bavule to.

2 Petro 2:6

Mvidi Mukulu uvua mufundile tshimenga tshia Sodome ne tshia Ngomore tshibawu. Uvua mubinyoke, mubibutule ne kapia. Ke mudiye uleja bantu babi bidi ne bua kubenzekela.