Ebrewu 3:6 - MUKANDA WA MYIDI MUKULU

⁶ Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Mukanda wa Nzambi Dihungila Dikulukulu ne Dihungila Dihia-dihia 2003

⁶ kadi Kilisto wakadi wa kueyemenyibua bu Muana ku mutu kua nsubu wa Nzambi; tuetu tudi nsubu wandi, bitualamata ku dikima dietu ne ku kutumbila kua ditekemena dietu bikole tô ne kunshikidilu.

Ebrewu 3:6 교차 참조

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

Yezekiyele 46:10

Mukalenga udi mua kubuela ne bantu, kupatuka kabidi nabu musangu umue.”

Matayi 10:22

Bantu bonsu nebanukine, bualu nudi nungitabe Kadi wananukila ne ku ndekelu, nebamusungidile.

Matayi 16:18

Kadi meme ndi nkuambila patoke ne: wewe udi Petro, dibue. Nanku pa dibue edi nengasepu Tshisumbu tshia bantu banyi. Nansha lufu mene kaluakutshibutula to.

Matayi 24:13

Kadi wananukila too ne ku ndekelu, nebamusungidile.

Rome 11:22

Tangilayi mudi Mvidi Mukulu ne luse, kabidi ne disu dikole. Udi ne disu dikole kudi bavua balenduka, ukufuila wewe luse. Kadi wewe udi ne bua kunanukila ne dimunanga. Tshianana udi mua kukukosa ne wewe kabidi, kukumusha ku mutshi.

Rome 12:12

Ikalayi ne disanka bua ditekemena dinudi nadi. Ikalayi ne lutuulu panudi mu dikenga. Tendelelayi Mvidi Mukulu ne munanunanu.

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Rome 5:2

Amu kudi Yezu, bualu bua ditaba, ke kumvua mua kusemena ku dinanga dia Mvidi Mukulu, kutudi bashindamene mpindiewu. Tshidi tshitusankisha, ke ditekemena ditudi nadi dia kudisanga ne Mvidi Mukulu mu butumbi buende.

1 Korente 3:16

Nudi bamanye bulelela ne: nudi nzubu wa Mvidi Mukulu; kabidi ne: Mueyelu wa Mvidi Mukulu udi usomba munda muenu.

1 Korente 6:19

Kanuena bamanye ne: mubidi wenu udi nzubu wa Mueyelu wa Tshijila anyi? Mueyelu awu udi munda muenu. Nuvua baupete kudi Mvidi Mukulu. Nuenu nudi bintu bia bende bia Mvidi Mukulu.

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

Ngalate 6:10

Patutshidi ne diba, tuenzelayi bantu bonsu bimpe, kadi nangananga bena ditaba netu.

Ngalate 6:9

Tuenze amu malu mimpe, katuyi tupungila, katuyi tuteketa mu maboku. Nanku pakumbana tshikondu, netunowe.

Efeze 3:12

Pamue ne Kristu, utudi tuitaba, tudi mua kusemena kudi Mvidi Mukulu, kumutekemena muetu muonsu.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

1 Tesalonike 5:16

Sankayi diba dionsu.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

1 Timote 3:15

Kadi bu meme munengakane mutantshi, mukanda ewu neukumanyishe bidi bantu ne bua kuenza mu diku dia Mvidi Mukulu, mbuena kuamba ne: mu Tshisumbu tshia bantu badi bitaba Mvidi Mukulu wa muoyi, udi dikunji ne nshindamenu wa bulelela.

Ebrewu 1:2

Kadi matuku a ndekelu aa, mmutuambidilewu kudi Muanende. Kudiye nkudi Mvidi Mukulu mufukile bintu bionsu. Yeye ke udi Mvidi Mukulu musungule bua apiane bintu bionsu.

Ebrewu 10:19

Nenku, bana hetu, ku bukole bua mashi a mulambu wa Yezu, tudi mua kubuela ne muoyi mushindame muaba wa tshijila menemene mutudi basue.

Ebrewu 10:21

Tudi ne mutuangaji munene udibu bateka ku mutu kua nzubu wa Mvidi Mukulu.

Ebrewu 10:23

Tulame bimpe ditekemena ditudi tuamba, bualu tudi bajadike ne: Mvidi Mukulu neakumbaje bivuaye mulaye.

Ebrewu 10:35

Nenku kanujimiji muoyi mushindame unudi nawu, neunupeteshe difutu dinene.

Ebrewu 11:1

Muntu udi ne ditaba ukadi ne bidiye utekemena, ukadi mumanye bidiye kayi umona.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Ebrewu 4:11

Nenku, tuenzayi muetu muonsu bua tupete muaba wa dikisha ewu. Tukuate mudimu bua muntu nansha umue wa Mvidi Mukulu kapangi kutumikila, muvua bantu ba mu tshipeta bapange. Bualu diba adi kakupeta muaba wa dikisha ewu.

Ebrewu 4:14

Nenku, tulaminayi momu ditaba ditudi tutonda. Bualu tudi ne mutuangaji mupite bunene, uvua mufike too ne ku mesu kua Mvidi Mukulu mene: ke Yezu, Muana wa Mvidi Mukulu.

Ebrewu 4:16

Nenku tusemenayi ne ditekemena dionsu ku nkuasa wa butumbi wa Mvidi Mukulu, muaba udiye utuleja ditunanga diende. Netupeteku dijimija dia mibi. Neatulejeku mudiye utunanga, bua tupete diambuluisha diba dionsu ditudi tudikengela.

Ebrewu 6:11

Kadi tudi tujinga ne: muntu yonsu wa kunudi atungunuke ne disuminyina dia momumue too ne ku ndekelu, bua binudi batekemena bikumbane menemene.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

1 Petro 4:17

Tshikondu ntshifike tshidi Mvidi Mukulu utuadija kulumbuluisha bantu. Neadianze kulumbuluisha bantu bende. Kadi padiye ubanga kutulumbuluisha tuetu nanku, ku ndekelu badi babenga kuitaba Lumu lua Disanka neabenzele tshinyi?

Didimanyisha 2:18

— Fundila mutumibue wa mu Tshisumbu tshia bena ditaba ba mu Tiyatira ne: “Muana wa Mvidi Mukulu udi ne mesu akenka bu kapia katema, makasa abalakana bu tshiamu tshikunze tshivuabu bengulule, bafinunuje, udi wamba ne:

Didimanyisha 2:25

Kadi nulame bimpe binudi nabi, too ne pangafika.

Didimanyisha 2:26

Badi batshimuna, bakumbaja bindi musue too ne ku ndekelu, nembapeshe bumfumu bua bisamba bikuabu bumvua mupete kudi Tatu wanyi.

Didimanyisha 3:11

Nkadi mu njila. Lama muebe muonsu biudi nabi. Tshianana bakuabu nebakunyenge nsala webe wa lumu.