Ebrewu 3:16 - MUKANDA WA MYIDI MUKULU

¹⁶ Bavua bumvue diyi dia Mvidi Mukulu, bamutombokele mbanganyi? Ke bantu bonsu bavua Moshe mupatule mu Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bua banganyi, hakunvuabo dî dia Nzambi, bakafikisha munda muandi? Kabobo bonso bakaluhuka mu Ejipitu ne Mose kabakenza nunku, anyi?

Ebrewu 3:16 교차 참조

Misambu 78:17

Kadi kuenzabu malu mabi mu tshipela, kutombokelabu Mvidi Mukulu Muena kulu.

Misambu 78:40

Mmisangu bungi munyi kuabu bamutombokele mu tshipela! Mmisangu bungi munyi kuabu bamunyingalaje mu muaba awu uvua kauyi mayi!

Yirmeya 32:29

Bena Babilone badi batshiluisha mpindiewu, nebabuelemu. Nebatshinyenge, batshioshe. Neboshe nangananga nzubu eyi ivuabu bampendele pa kuosha musenga wa kamonya bua kutendelela Baale, ne pa kulambula milambu ya maluvu bua kutendelela mvidie ya bantu ba bisamba bikuabu.

Yirmeya 44:3

Bualu bantu badi basombamu bavua bangenzele bibi, bamfikishe munda. Bavua baye kulambula ne kutendelela mvidie ya bantu ba bisamba bikuabu. Kadi mvidie ayi, nansha nuenu, nansha bankambua benu, kanuvua bayimanye to.

Yirmeya 44:8

Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?

Dibadika 14:11

Maweja-Nangila kuambila Moshe ne: — Ndi muenzele bantu aba bishima bia bungi bua kubaleja bukole buanyi. Kadi nebambenge too ne ku diba kaayi? Nebabenge kashidi bua kungitaba anyi?

Dibadika 14:2

badiwula Moshe ne Arone, bamba ne: — Bivua bimpe tuetu kufuila mu Ejipitu, nansha mu tshipela emu!

Dibadika 14:24

Kadi, muntu wanyi Kalebe, uvua uleja muoyi muimpe. Yeye utshidi wanyi meme. Nemmufikishe mu ditunga edi divuaye muye kutentekela. Kabidi ndelanganyi yende neisombemu.

Dibadika 14:30

Ndi nditshipa ne: kanuakufika mu ditunga dia Kenaane, dimvua munulaye to! Amu Kalebe, muana wa Yefune, ne Yoshuwa, muana wa Nune, nebabuelemu.

Dibadika 14:38

Nanku, ku batentekedi bonsu bavua Moshe mutume, anu Yoshuwa ne Kalebe ke bavua bashale ne muoyi.

Dibadika 14:4

Kuambilanganabu ne: — Tusungulayi mfumu mukuabu, tupingane mu Ejipitu!

Dibadika 26:65

Bualu Maweja-Nangila uvua mumane kubamanyisha ne: nenuluile bonsu mu tshipela. Amu Kalebe, muana wa Yefune, ne Yoshuwa, muana wa Nune, ke bavua bashale ne muoyi.

Dielulula 1:38

Anu Yoshuwa, muana wa Nune, muena mudimu webe, ke wafikamu. Umukankamike, bualu yeye ke wafikisha bena Izrayele mu ditunga edi.”

Yuda 1:5

Nansha nuenu bamanye bimpe bualu abu, ndi musue kunuvuluija muvua Maweja-Nangila musangu umue mupikule bena Izrayele mu ditunga dia Ejipitu. Kadi kunyima kua matuku uvua mubutule bavua babenga kumuitaba.