Ebrewu 3:1 - MUKANDA WA MYIDI MUKULU

¹ Nanku, bana hetu bena ditaba, nuenu batata Mvidi Mukulu mubikile kabidi, nutangile Yezu utata Mvidi Mukulu mutume bua kuikalaye mutuangaji munene utudi tutonda mu ditaba dietu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nunku, bana betu ba tshijila, babanyanganyi ba dibikila dia mu diulu, nuelangane meshi bua Mupostolo ne Muakuidi Munene wa dijukula dia ditabusha dietu, Yesu mene;

Ebrewu 3:1 교차 참조

Misambu 110:4

Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

Yeshaya 1:3

Nyama wa ngombe udi mumanye mfumuende, nyama wa mpunde mmumanye udi umudisha. Kadi bena Izrayele kabena basue kummanya. Tshisamba tshianyi katshiena tshinteleja.”

Yeshaya 41:20

Nenku bantu bonsu nebamone, bonsu nebamanye, bonsu nebajadike, nebajingulule ne: Maweja-Nangila wa tshijila wa bena Izrayele, ke udi muenze malu onsu aa. Yeye ke udi wandamuna malu.

Yeshaya 5:12

Bisanji, lunzenze, ngoma ne nshiba, bidi bidila, padibu banua maluvu, kabayi balekela. Kadi kabena belangana meji ku bidi Maweja-Nangila wenza, kabena bavuluka mudimu udiye ukuata.

Yezekiyele 12:3

Nanku, longolola bintu bua kuya nabi mu bupika. Ulongolole luendu luebe munda munya, bantu bonsu batangile. Umuke muaba uudi musombele, uye muaba mukuabu mu bupika. Umuke bantu bonsu batangile. Misangu mikuabu badi mua kudikonka, kuvuluka mudibu bena tshitunu.

Yezekiyele 18:28

Neashale ne muoyi, bualu mmumone nuwuaye wenza bibi, mudilengeje. Nanku kakufua to.

Agayi 1:5

Meme Maweja-Nangila wa bukole buonsu, ndi nnuambila ne: Dikonkayi pa malu adi anuenzekela.

Agayi 2:15

Maweja-Nangila kuamba kabidi ne: — Vulukayi bivua bienzeke ku kale. Kanuyi banji kukunguja mabue bua kuibakulula nzubu wanyi,

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 20:21

Yezu kubela muoyi tshiakabidi ne: — Bupole buikale nenu. Mudi Tatu muntume, meme kabidi ndi nnutuma.

Yowanane 20:27

Pashishe kuambilaye Tomase ne: — Teka munu webe apa. Tangila bianza bianyi. Tuma tshianza tshiebe, utshibueje mu lubadi luanyi. Lekela kuela mpata, itaba!

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Rome 11:17

Bena Izrayele badi bu mutshi wa olive, udibu balame mu budimi. Kukosabu matamba makuabu a mutshi awu. Wewe muntu wa ku bisamba bikuabu, udi bu ditamba dia mutshi wa olive uvua muitu. Wewe ke ditamba divuabu bakose ku mutshi wa olive awu, bua kudilamika ku mutshi wa olive uvuabu balame mu budimi, pa muaba wa matamba avuabu bakose. Ditamba adi mpindiewu didi dinua mayi ku miji ya mutshi uvuabu bakune mu budimi.

Rome 15:27

Bavua badijadikile bualu ebu nkayabu. Kadi bulelela bavua ne bua kuambuluisha bakengi aba. Bualu bena ditaba ba bena Yuda ba ku Yerushalayime bavua babanyangana ne bantu ba bisamba bikuabu ditaba diabu. Nanku bantu ba bisamba bikuabu badi ne bua kubambuluisha, kuabanyangana nabu bintu bia panu bidibu nabi.

Rome 15:8

Bualu ndi nnujadikila ne: Kristu mmudienze muena mudimu wa bena Yuda, bua kukumbaja malaya avua Mvidi Mukulu muambile bankambua babu, kabidi bua kuleja nanku mudi Mvidi Mukulu wa diyi dimue.

Rome 9:24

Bualu tuetu ke bantu badiye mubikile. Ki mmutubikile amu munkatshi mua bena Yuda nkayabu nansha, kadi kabidi munkatshi mua bantu ba bisamba bikuabu.

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

1 Korente 10:17

Diampa didi amu dimue epele. Nanku nansha tuetu bikale bavule, tudi tuenza mubidi amu umue, bualu tudi tudisanga bonsu mu diampa dimue adi.

1 Korente 9:23

Ndi ngenza bionsu ebi bua Lumu lua Disanka, bua mmone mua kupeta bidi Lumu alu lutulaya.

2 Korente 1:7

Ke mutudi katuyi dipampakana bualu buenu nansha kakese. Bualu tudi bamanye ne: munudi nukenga pamue netu, nebanusambe kabidi pamue netu.

2 Korente 9:13

Panudi nukumbaja mudimu ewu ne muoyi umue, bantu ba bungi nebatumbishe Mvidi Mukulu bualu buenu. Nebanuele tuasakidila, bua panudi nuitaba Lumu lua Disanka lua Kristu muenu muonsu, kabidi bua muoyi wa kalolu unudi nuabanyangana nabu, kabidi ne bantu bakuabu bonsu, bintu bienu.

Efeze 3:6

Bualu busokome ebu budi nenku: ku bukole bua Lumu lua Disanka, bantu ba bisamba bikuabu nebapete pamue ne bena Yuda bilenga bidi Mvidi Mukulu mulamine bantu bende. Bonsu badi bidimba bia mubidi umue. Nebapete bonsu pamue bidi Mvidi Mukulu utulaya munda mua Yezu Kristu.

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Efeze 4:4

Bualu mubidi udi umue, Mueyelu wa Tshijila amu umue. Ke mudi Mvidi Mukulu munubikidile kabidi ku ditekemena amu dimue.

Filipe 3:14

Nanku ntshidi mu njila, nyema lubilu, bua mpete nsala wa kalumbandi. Nsala awu ke muoyi mupiamupia udi Mvidi Mukulu mutubikidile, bua tuupetele mu diulu kudi Yezu Kristu.

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Kolose 1:22

Kadi mpindiewu Mvidi Mukulu mmutue nenu ndondu, ku lufu luvua Muanende mufue bu bantu bonsu. Ke muvuaye munuenze kumpala kuende bantu ba tshijila, bakane, kabayi kalema.

Kolose 3:12

Nudi bena Tshisumbu tshia bantu ba Mvidi Mukulu. Mvidi Mukulu mmununange; mmunusungule bua nuikale bende. Nanku nudi ne bua kuikala ne muoyi wa luse, wa dinanga, wa bupuekele, wa bupole, ne wa lutuulu.

1 Tesalonike 2:12

Tuvua banukoleshe mu maboku, banubele. Tuvua banusengelele bikole, bua nuenze amu bidi Mvidi Mukulu musue. Yeye udi unubikila, bua nupete butumbi mu Bukalenga buende.

1 Tesalonike 5:27

Mu dina dia Mfumu, ndi nnusengelela ne: nubadile bena ditaba netu bonsu mukanda ewu.

2 Tesalonike 1:11

Ke patudi tunulombela, katuyi tupungila. Tudi tulomba Mvidi Mukulu wetu, bua anuenze bantu bakanyine muoyi udiye munubikidile. Tudi tulomba bua akumbaje ku bukole buende bilenga bionsu binudi nuipatshila, ne malu mimpe onsu adi ditaba dienu dinusaka bua kuenza.

2 Tesalonike 2:14

Bualu bua Lumu lua Disanka lutuvua banumanyishe, Mvidi Mukulu mmunubikile, bua nupete penu butumbi bua Mfumu wetu Yezu Kristu.

1 Timote 6:12

Mu mvita ya kukolesha ditaba diebe, uluangane bimpe, bua upete muoyi wa kashidi. Mvidi mukulu mmukubikile ku muoyi ewu, pauvua mujukule ditaba diebe ne miaku milenga, bantu ba bungi bumvue, bajadike muuvua wamba.

1 Timote 6:2

Bapika badi ne bamfumu bena ditaba, kabena ne bua kubapetula, bamba ne: bualu mbana hetu mu ditaba. Kadi badi ne bua kubakuatshila mudimu bimpe bipite, bualu bantu badibu benzela mudimu, mbena ditaba nabu badibu bananga. Ke tshiudi ne bua kumanyisha bantu, kubumvuija kabidi.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.

2 Timote 2:7

Umvua bindi ngamba ebi. Mfumu neakuambuluishe bua ubijingulule bionsu.

Ebrewu 10:19

Nenku, bana hetu, ku bukole bua mashi a mulambu wa Yezu, tudi mua kubuela ne muoyi mushindame muaba wa tshijila menemene mutudi basue.

Ebrewu 10:21

Tudi ne mutuangaji munene udibu bateka ku mutu kua nzubu wa Mvidi Mukulu.

Ebrewu 10:23

Tulame bimpe ditekemena ditudi tuamba, bualu tudi bajadike ne: Mvidi Mukulu neakumbaje bivuaye mulaye.

Ebrewu 13:22

Bana hetu, ndi nnulomba ne: nuteleje ne lutulu miaku eyi ya kunukolesha nayi ku muoyi, bualu malu andi munufundile mu mukanda ewu kaena matambe bule.

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Ebrewu 3:12

Bana hetu, dimukayi! Muntu wa kunudi nansha umue kikadi ne muoyi mubi, wa kuvila ditaba, mufuane kulamuka kudi Mvidi Mukulu wa muoyi.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Ebrewu 6:20

Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Ebrewu 7:28

Mikenji ya Moshe idi iteka bantu badi ne bilema mulongu wa batuangaji banene. Kadi miaku ya mutshipu wa Mvidi Mukulu ivuaye muambe kunyima kua mikenji, mmiteke Muana udi mufike ku bujima buende bua kashidi bu mutuangaji munene.

Ebrewu 9:11

Kadi Kristu mmufike bu mutuangaji munene wa bintu bitukadi nabi mpindiewu. Ntenta udiye wenzela mudimu, mmupite wa kumpala bua mushinga, kabidi udi mulenga tshishiki. Kabavua bamuasa kudi bantu. Mbuena kuamba ne: kena wa pa buloba ebu budibu bafuke nansha.

Ebrewu 9:15

Ke padi Kristu mutuangaji bua ndondu mupiamupia, bua badi Mvidi Mukulu mubikile bapete bilenga bia kashidi bivuaye mulaye bantu bende. Badi mua kubipeta, bualu muntu mumane kufila. Ku lufu luende elu, mutupikule bantu ku bilema bivuabu benze, patshivuabu mu tshikondu tshia ndondu wa kumpala.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

1 Petro 3:5

Ke muvua bakaji ba tshijila ku kale, bavua batekemena kudi Mvidi Mukulu, badilengeja bimpe, bualu bavua batumikila babayabu.

1 Petro 5:1

Bindi ngakula mpindiewu, bidi bitangila bantu ba munkatshi muenu badi bakulu ba Tshisumbu tshia bena ditaba. Meme kabidi ndi mukulu. Mvua mumone ne anyi abidi makenga a Kristu. Nendisange kabidi nende mu butumbi buende bukadi pa kumueneka. Nanku ndi ngambila bakulu ne:

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

1 Yone 1:3

Bituvua bamone, bituvua bumvue, tudi tunumanyishabi ne nuenu kabidi, bua nudisange netu mu bobumue butudi nabu ne Tatu, kabidi ne Muanende Yezu Kristu.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!