Ebrewu 2:8 - MUKANDA WA MYIDI MUKULU

⁸ wewe kumupesha bumfumu bua bintu bionsu.” Padibu bamba ne: Mvidi Mukulu “mmupeshe muntu bumfumu bua bintu bionsu,” mmomumue ne: mmumupeshe bumfumu bua bintu bionsu, kakuyi nansha tshimue tshidi tshishale. Kadi katuena tumona ne: bintu bionsu bikadi ku bumfumu bua muntu lelu to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Wakateka bintu bionso munshi mua makasa andi. Bualu bua mu dimutekela dia bintu bionso munshi muandi, kakashîa tshintu tshimue tshidi katshî tshitekibila munshi muandi. Kadi katataka katuena banze kutangila bintu bionso bitekibua munshi muandi.

Ebrewu 2:8 교차 참조

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 8:6

Udi mumuenze mushadile kakese ku batumibue bebe. Udi mumuase nsala wa lumu ne butumbi.

Danyele 7:14

Kumupeshabu bukokeshi, butumbi ne bukalenga bua bantu ba matunga onsu, ba bisamba bionsu ne ba miakulu yonsu. Bukokeshi buende nebushale kashidi, kabuena bujika. Bukalenga buende kabuena bufue.

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Yowanane 13:3

Yezu uvua mumanye muvuaye mutumine kudi Mvidi Mukulu, kabidi muvuaye ne bua kupingana kudi Mvidi Mukulu. Uvua mumanye kabidi nunua Mvidi Mukulu muteke bionsu ku bumfumu buende.

Yowanane 3:35

Tatu mmunange Muana; mmuteke bionsu ku bumfumu buende.

1 Korente 15:27

Bualu Mukanda wa tshijila udi wamba ne: “Mvidi Mukulu mmumutekele bionsu kuinshi kua makasa.” Kadi padibu bamba ne: “Mmumutekele bionsu kuinshi kua makasa ende,” muaku ewu: “bionsu” kawena musue kuamba ne: Mvidi Mukulu, udi muteke bionsu ku bumfumu bua Kristu mmuditeke ne yeye mene nanku.

Ebrewu 1:13

Mvidi Mukulu katshia kena muanji kuambila nansha umue wa ku batumibue bende ne: “Somba ku tshianza tshianyi tshia balume, too ne pangateka baluishi bebe bu tshidiatshilu tshia makasa ebe.”

Ebrewu 1:2

Kadi matuku a ndekelu aa, mmutuambidilewu kudi Muanende. Kudiye nkudi Mvidi Mukulu mufukile bintu bionsu. Yeye ke udi Mvidi Mukulu musungule bua apiane bintu bionsu.

Ebrewu 2:5

Bualu Mvidi Mukulu kena mupeshe batumibue bende bumfumu bua buloba butshidi kumpala butuvua batele to.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.

Didimanyisha 1:18

Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.