Ebrewu 2:17 - MUKANDA WA MYIDI MUKULU

¹⁷ Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku buakadiye nʼabu mbua kufuanyishibua bu bana babo mu malu onso, bua yeye alue muakuidi munene wa luse ne wa kueyemenyibua mu malu adi a Nzambi, bua kufileye milambu ya kubuikidila nʼai bantu mibi yabo.

Ebrewu 2:17 교차 참조

2 Kulondolola 29:24

Batuangaji kukosa mbuji ayi muminu, kumiamina mashi ayi ku tshilambuilu, bua kukobolola bantu bonsu bena Izrayele. Bualu mukalenga Izkiya uvua muele diyi ne: balambule milambu yonsu, ya kuosha ne ya kukobolola bantu, bua bena Izrayele bonsu.

Yeshaya 11:5

Bu mudi muntu ne mukaba musuike mu tshimonu diba dionsu, udi ne muoyi umue, wenza amu bidi bimpe kayi ulekela.

Yezekiyele 45:15

Pashishe, mu mpata ya bena Izrayele, pa mikoku nansha pa mbuji nkama ibidi, numushe tshimuna tshimue. Tshimuna atshi, nutshilambule bu mulambu wa bintu bia mu madimi, nansha bu mulambu wa kuosha, nansha bu mulambu wa bobumue, bua kupeta dijimija dia mibi yenu. Meme Maweja-Nangila Mvidi Mukulu, ndi ntuma diyi edi.

Yezekiyele 45:17

Nanku, yeye ke udi ne mudimu wa kufila milambu ya kuosha, milambu ya bukula, ne milambu ya maluvu a mvinyo, bidibu bafila mu bibilu. Udi wenza nanku nangananga bua tshibilu tshia ngondu mupiamupia, bua matuku a Dikisha, ne bua matuku makuabu adi bena Izrayele basangile. Mukalenga udi ne bua kufila milambu bua kudikobolola, milambu ya bintu bia pa madimi, milambu ya kuosha, ne ya bobumue, bua bakobolole bena Izrayele.”

Yezekiyele 45:20

Dituku dia muanda mutekete dia ngondu, nebalambule kabidi ngombe mushindu awu, bua bantu bavua benza bibi mu mpukapuka, kabayi basue, kabayi nansha bamanye. Ke mudibu mua kumusha mikiya ku nzubu wa Mvidi Mukulu.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Lewitiki 14:18

Kadi mafuta makuabu adi mashale mu tshianza, mutuangaji neaele muntu awu mu mutu bua kumukobolola, kumpala kua Maweja-Nangila.

Lewitiki 16:16

Padi Arone ufika muaba wa tshijila menemene, udi wenza bionsu bidi bikengela bua kujikija mikiya ivua muaba awu, bua buntomboji ne bubi bua bena Izrayele. Pashishe muaba udi mushale wa ntenta wa kusambakena, Arone neenze anu mushindu umue, bualu ntenta mmuase munkatshi mua bantu badi bapia mikiya.

Lewitiki 8:15

Moshe kukosa ngombe awu muminu, kutua munu mu mashi, kualaba ku matumba matalame avua ku tshilambuilu bua kumbusha mikiya. Pashishe kuitshikijaye mashi avua mashale kuinshi kua tshilambuilu. Ke muvua Moshe mujidile tshilambuilu bua tshikale muaba wa kulambuila milambu ya kukobolola nayi bantu.

Dibadika 15:25

Nanku, mutuangaji neakobolole bena Izrayele bonsu basange ntete bu pa tshibidilu. Ke Maweja-Nangila kubafuila luse. Bualu bavua batupakane mu mpukapuka, bafila kabidi mulambu wa kuosha ne wa kubakobolola nawu.

Rome 15:17

Nanku ndi ndisanga ne Kristu, nditemba bua mudimu wanyi undi nkuatshila Mvidi Mukulu.

Rome 5:10

Tuvua baluishi ba Mvidi Mukulu. Kadi ku lufu lua Muanende, Mvidi Mukulu mmupingaje diulu vuangana pankatshi petu nende. Nanku mpindiewu bamane kupingaja diumvuangana pankatshi petu nende, netupete lupandu ku muoyi wa Muanende.

Efeze 2:16

Ku lufu luende lua ku mutshi mutshiamakane, Kristu mmujikije lukuna kashidi. Ku mutshi awu mmusuikakaje bisamba bibidi mu mubidi umue, mmubatuangaje kabidi ne Mvidi Mukulu.

Kolose 1:21

Ku kale nuenu kabidi nuvua kule ne Mvidi Mukulu. Nuvua baluishi bende, bua malu mabi onsu anuvua nuela meji, ne anuvua nuenza.

Ebrewu 10:21

Tudi ne mutuangaji munene udibu bateka ku mutu kua nzubu wa Mvidi Mukulu.

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.

Ebrewu 2:14

Padi bana aba, mudiye ubabikila, ne mubidi ne mashi, Yezu mene uvua mudienze bu bobu, mudisange nabu mu buntu buabu. Uvua muenze nenku bua ku lufu luende, amone mua kubutula diabolu, uvua ne bumfumu bua kushipa bantu.

Ebrewu 2:16

Bualu kena mutate bua kuambuluisha batumibue ba Mvidi Mukulu, kadi udi mutate bua kuambuluisha ndelanganyi ya Abrahame.

Ebrewu 3:1

Nanku, bana hetu bena ditaba, nuenu batata Mvidi Mukulu mubikile kabidi, nutangile Yezu utata Mvidi Mukulu mutume bua kuikalaye mutuangaji munene utudi tutonda mu ditaba dietu.

Ebrewu 3:2

Bualu Mvidi Mukulu utata mumusungule bua mudimu ewu, utata mumuanyishe kabidi bu mutataye muanyishe Moshe “mu nzubu wende mujima.”

Ebrewu 3:5

Kadi Mvidi Mukulu utata muanyishe Moshe mu nzubu wende mujima. Uvua muntu mutume bua kumanyisha bonsu malu avua Mvidi Mukulu musue kuamba.

Ebrewu 4:14

Nenku, tulaminayi momu ditaba ditudi tutonda. Bualu tudi ne mutuangaji mupite bunene, uvua mufike too ne ku mesu kua Mvidi Mukulu mene: ke Yezu, Muana wa Mvidi Mukulu.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

Ebrewu 5:1

Mutuangaji munene yonsu mmusungule munkatshi mua bantu, bua kuenzela Mvidi Mukulu mudimu ne bua kuakuila bantu. Udi ulambula malambi ne milambu bua kujimija mibi.

Ebrewu 5:10

Ke Mvidi Mukulu kumuteka mutuangaji munene mushindu uvua Melkisedeke.

Ebrewu 5:2

Bu mudiye yeye mene ne butekete bua bungi, udi mua kumvuila bena dipanga ne bena ntupakanyi luse.

Ebrewu 5:5

Mmomumue kabidi, Kristu kena mudipeshe nkayende lumu lua kuikala mutuangaji munene. Kadi Mvidi Mukulu mmumuambile ne: “Wewe udi muananyi, bituadije lelu meme ndi Tatuebe.”

Ebrewu 6:20

Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Ebrewu 7:28

Mikenji ya Moshe idi iteka bantu badi ne bilema mulongu wa batuangaji banene. Kadi miaku ya mutshipu wa Mvidi Mukulu ivuaye muambe kunyima kua mikenji, mmiteke Muana udi mufike ku bujima buende bua kashidi bu mutuangaji munene.

Ebrewu 8:1

Bualu butambe bunene butudi tukeba kumvuija, mbobu ebu: tudi ne mutuangaji munene wa nanku udi musombe mu diulu ku dia balume dia nkuasa wa butumbi wa Mvidi Mukulu, wa bukole buonsu.

Ebrewu 8:3

Mutuangaji munene yonsu mmuteka bua kulambula malambi ne milambu. Nanku bidi bimpe bua mutuangaji wetu munene kabidi ikale ne tshintu tshia kulambula.

Ebrewu 9:11

Kadi Kristu mmufike bu mutuangaji munene wa bintu bitukadi nabi mpindiewu. Ntenta udiye wenzela mudimu, mmupite wa kumpala bua mushinga, kabidi udi mulenga tshishiki. Kabavua bamuasa kudi bantu. Mbuena kuamba ne: kena wa pa buloba ebu budibu bafuke nansha.