Ebrewu 13:17 - MUKANDA WA MYIDI MUKULU

¹⁷ Nutumikile balombodi benu, nubakokele. Bualu diba dionsu badi balame mioyi yenu, bualu Mvidi Mukulu neabalumbuluishe, neabele nkonku pa mudimu wabu. Panuikala babatumikile nebakumbaje mudimu wabu ne disanka. Tshianana nebaukumbaje ne dibungama. Abi kabiena mua kunupetesha kantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nutumikile badi banukokesha, nubakokele; bua bobo badi bikale ne tshitabala bua mioyo yenu, bu bantu balua kubadila Nzambi bintu; bua bobo benze bualu ebu ne disanka, kabai ne manunganyi, bua bualu ebu kabuena bamukuatshisha.

Ebrewu 13:17 교차 참조

Genese 16:9

Mutumibue wa Maweja-Nangila kumubela wamba ne: — Pingana anu kudi Sarayi, mfumuebe wa mudimu. Witabe bionsu bidiye ukuambila.

Ekesode 32:31

Ke Moshe kubanda ku mukuna, kuambilaye Maweja-Nangila ne: — Bantu aba mbenze tshilema tshipite bunene, mbadienzele mvidie wa tshiamu tshia mpawungi.

Nsumuinu 5:13

Tshivua muteleje diyi dia balongeshi banyi. Mvua mubenge kubateleja pavuabu bambela.

Yeshaya 62:6

Ndi muteke batentekedi pa bimana biebe wewe Yerushalayime. Kabena ne bua kupuwa, nansha munya nansha butuku. “Nuenu badi bavuluija Maweja-Nangila malaya avuaye mulaye bena Yerushalayime, kanuladi nansha kakese.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Yezekiyele 33:2

— Yezekiyele, vuluija bena Izrayele malu adi enzeka misangu yonsu indi nduisha ditunga. Bantu ba mu ditunga badi basungula muntu munkatshi muabu bua ikale mutentekedi.

Luke 16:2

Nanku muena biuma kubikila muntu awu, umukonka ne: “Bualu bundi ngumvua bakuamba ebu budi bishi? Badika bintu bianyi bionsu, bualu kuakundamina kabidi bintu to.”

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Rome 14:12

Nenku yonsu wa kutudi neadilumbuluile nkayende kudi Mvidi Mukulu.

1 Korente 16:16

nutumikile bantu ba nenku, nutumikile bonsu badibu bakuate nabu mudimu.

Efeze 5:21

Bu munudi nunemeka Mfumu, nutumikilangane.

Filipe 1:4

Diba dionsu dindi ntendelela Mvidi Mukulu bualu buenu, ndi ngumvua disanka.

Filipe 2:12

Bana hetu bananga, pamvua munkatshi muenu, nuvua bantumikile misangu yonsu. Kadi nupite kuntumikila lelu, pandi tshiyipu! Nukuate mudimu, nutshine Mvidi Mukulu, numuzakele, bua nupande.

Filipe 2:16

diba dinudi nubalongesha muaku udi utupetesha muoyi. Nuenu benze nanku, nemmone mua kuditemba bualu buenu, dituku diafika Kristu. Bualu dituku adi nebimueneke ne: mudimu wanyi, ne lutatu luanyi, kabivua tshianana to.

Filipe 2:29

Nanku numuakidile ne disanka dia bungi, bualu mmuanenu mu ditaba. Nudi ne bua kunemeka bantu ba nanku.

Filipe 3:18

Mvua mumane kunuambila misangu ne misangu, ndi nnuambuluila kabidi mpindiewu ne binsonji ku mesu ne: bantu ba bungi kabena balonda njila muimpe ewu to. Ke mudibu baluisha mutshi mutshiamakane wa Yezu Kristu.

Filipe 4:1

Bana hetu basuibue, ke munudi mua kuikala bantu bashindame, badi badisanga ne Mfumu. Ndi njinga bikole kumonangana nenu. Nudi nunsankisha. Ndi nditemba kabidi bualu buenu.

2 Tesalonike 3:14

Padi muntu kayi muitabe mikenji itudi bafunde mu mukanda ewu, numumanye. Kanuendakanyi nende, bua bundu bumukuate.

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.

Ebrewu 13:24

Nuele balombodi benu bonsu muoyi, kabidi ne bantu bakuabu bonsu ba Mvidi Mukulu. Bana hetu ba mu Italiya badi banuela mioyi.

Ebrewu 13:7

Vulukayi balombodi benu ba kale, bavua banumanyishe muaku wa Mvidi Mukulu. Nuvuluke muvuabu basombe panu, nuvuluke lufu luabu. Nuidikije ditaba diabu.

Yakobe 4:7

Nanku tumikilayi Mvidi Mukulu. Tuilayi diabolu nkanana, bua anunyeme, aye kule!

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

1 Samuele 8:19

Bena Izrayele kabawa bitaba bionsu bivua Samuwele ubambila abi to. Kumuandamunabu ne: — Nansha wewe muambe nanku, tudi basue anu mukalenga,