Ebrewu 13:15 - MUKANDA WA MYIDI MUKULU

¹⁵ Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nunku bua bualu buandi, tufilafile kudi Nzambi mulambu wa kumutumbisha nʼau, udi biau mamuma a mishiku idi ijukula ditabusha dia dina diandi.

Ebrewu 13:15 교차 참조

2 Kulondolola 29:31

Mukalenga Izkiya kuambila kabidi bantu ne: — Mpindiewu, nuenu badi ne milambu ya kulambula Maweja-Nangila, nuye nayi mu nzubu wa Mvidi Mukulu bua kumulambula milambu ya bobumue, ne ya kuela Mvidi Mukulu tuasakidila! Bantu kuya ne nyama ya milambu ayi. Bantu ba kalolu kusakidila kabidi milambu mikuabu ya kuosha.

2 Kulondolola 33:16

Uvua mulongolole tshilambuilu tshia Maweja-Nangila, mulambule milambu ya bobumue ne ya ditumbisha Maweja-Nangila. Uvua mutumine bena Yuda diyi bua batendelele Maweja-Nangila Mvidi Mukulu wa bena Izrayele.

2 Kulondolola 7:6

Batuangaji bavua anu pa miaba Kuabu benzela mudimu. Bena Levi bavua bimba biombelu bia tshijila, bivua mukalenga Davide muenzeje. Bavua batumbisha Maweja-Nangila, bua dinanga diende didi kadiyi ne ndekelu, bilondeshile musambu uvua Davide mubalongeshe. Batuangaji bavua bela mpungi, batangilangane ne bena Levi aba. Bantu bonsu bavua amu bimane kulu.

Ezela 3:11

Bavua bimba, batumbisha Maweja-Nangila, bapunguluja ne: “Maweja-Nangila udi muimpe, mmunange bena Izrayele kashidi!” Bena Izrayele kabidi bavua batumbisha Maweja-Nangila, bela mbila mikole. Bavua basanka, bualu bantu bavua bibaka tshitaku tshia nzubu wa Mvidi Mukulu.

Nehemya 12:40

Bisumbu bionsu bibidi bia bena misambu, meme Nehemya ne balombodi bavua benda nanyi, tuetu bonsu kuimana ku nzubu wa Mvidi Mukulu.

Nehemya 12:43

Bavua bafila nyama ya milambu ya bungi dituku adi. Bavua basanka, bualu Mvidi Mukulu uvua musankishe bantu bende bikole. Nansha bakaji ne bana ba mu Yerushalayime bavua basanka bikole, bela mbila ya disanka, ivuabu mua kumvua mutantshi mule.

Misambu 118:19

Ngunzuluilayi biibi bidi bitabi ba Maweja-Nangila babuela, bua mbuele, nye kutumbisha Maweja-Nangila!

Misambu 119:108

Maweja-Nangila, anyisha ditendelela dianyi bu mulambu, undongeshe tshiuvua mupangadike.

Misambu 18:49

Maweja-Nangila, udi unsungidila kudi bena lukuna banyi. Ndi ntshimuna badi banduisha, mpatuka mu bianza bia bena tshinyangu.

Misambu 50:14

Tshindi ntekemena kuudi, ki mbiakudia nansha, kadi amu bua untumbishe, meme Mvidi Mukulu webe, ne bua ukumbaje malaya auvua mundaye meme, Muena kulu.

Misambu 50:23

Muntu udi ungela tuasakidila, ke udi untumbisha! Udi untumikila, ke undi mpandisha!

Yeshaya 57:19

nembeleshe mbila ya disanka. Nempandishe, bushuwa nempandishe bantu bonsu, badi kule ne badi pabuipi. Ke mundi ngamba meme, Maweja-Nangila.”

Yirmeya 33:11

misambu ne mbila ya disanka. Nebumvue kabidi meyi a bantu batshidi babuela mu dibaka. Nebumvue kabidi bantu bimbe musambu ewu ne: Tumbishayi Mvidi Mukulu wa bukole buonsu, bualu udi mulenga. Dinanga diende ndia kashidi. Nebumvue kabidi musambu wa bantu badi baya ne milambu yabu mu nzubu wa Mvidi Mukulu. Bushuwa, Maweja-Nangila udi wamba ne: nempingajile ditunga edi lumu luadi lua kale.

Yirmeya 33:18

Kabidi bantu ba ku ndelanganyi ya bena Levi nebashale kashidi batuangaji badi bangenzela mudimu, bandambula milambu yakuosha, ya bia pa madimi, ne ya ditua ndondu.

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

Lewitiki 7:12

“Padi muntu ulambula Maweja-Nangila nyama wa mulambu, wimba ne musangu bua kumutumbisha, asakidile kabidi milambu eyi: mulambu wa mikata mikanga kayiyi miela buanga bua mampa, wa tuampa tukese tulaba mafuta, katuyi tuela buanga bua mampa, ne wa mikata mienza ne bukula busambakaja ne mafuta.

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Luke 10:21

Diba adi Yezu kuwula ne disanka dia kudi Mueyelu wa Tshijila, kuamba ne: — Tatu, Mfumu wa diulu ne buloba, ndi nkuela tuasakidila, bualu udi mumanyishe bantu bashadile malu, audi musokoke bena meji, ne bantu bavua balonge mikanda. Eyowa, Tatu, ke muuvua musue ne: bienzeke nanku!

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Rome 6:19

Ndi ngumvuija ne tshimfuanyi tshia bupika, musombele bantu bamba, bua numvue bimpe bindi ndongesha. Kale nuvua nufila bidimba bienu ne muoyi wenu mujima bua bikale bapika ba malu mabi ne ba buenzayi, bua nuenze nabi bidi Mvidi Mukulu ubenga. Momumue mpindiewu nubifile ne muoyi wenu, bua bikale bia tshijila, bua nuenze nabi bidi Mvidi Mukulu musue.

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Ebrewu 12:28

Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.