Ebrewu 13:14 - MUKANDA WA MYIDI MUKULU

¹⁴ Bualu katuena ne tshimenga panuapa tshidi tshishala kashidi. Kadi tudi tukeba tshimenga tshidi kumpala.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bua katuena ne musoko kunoku udi wikalaku tshiendelele, kadi tudi tukeba musoko ulualua.

Ebrewu 13:14 교차 참조

Mika 2:10

Jukayi! Umukayi! Dikisha dienu diajiki! Malu mabi anuvua benze, neanukebele makenga makole mapite!”

1 Korente 7:29

Bana hetu, ndi musue kuamba nunku: matuku mmashale makese. Kutuadijila mpindiewu, bantu badi basele, basombe bu badi kabayi ne bakaji;

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Efeze 2:19

Nanku nuenu bantu ba bisamba bikuabu, kanutshiena benyi, nansha bantu bafume kule. Nukadi bena tshisamba tshia Mvidi Mukulu, bamane kubuela mu diku diende.

Filipe 3:20

Buetu tuetu, musoku wetu udi mu diulu. Tudi tuindila, tutekemena ne muoyi mujima, Musungidi wetu, Mfumu Yezu Kristu, udi ne bua kutuluka mu diulu.

Ebrewu 10:34

Bualu nuvua badisange ne bavua mu lukanu mu makenga abu. Pavuabu banunyenga bintu, nuvua bitabe ne disanka bua kubijimija. Bualu nuvua bamanye ne: tudi ne bubanji bupite buimpe budi bushala kashidi.

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Ebrewu 12:27

Miaku eyi: “Musangu wa ndekelu,” idi ileja ne: bintu bidibu bafuke nebizakale, bijimine, bua tshidi katshiyi tshizakala tshishale kashidi.

Ebrewu 2:5

Bualu Mvidi Mukulu kena mupeshe batumibue bende bumfumu bua buloba butshidi kumpala butuvua batele to.

Ebrewu 4:9

Nenku, dikisha difuanangane ne divua Mvidi Mukulu muikishe dituku dia muanda mutekete, ditshidi dindila bantu ba Mvidi Mukulu.

Ebrewu 9:11

Kadi Kristu mmufike bu mutuangaji munene wa bintu bitukadi nabi mpindiewu. Ntenta udiye wenzela mudimu, mmupite wa kumpala bua mushinga, kabidi udi mulenga tshishiki. Kabavua bamuasa kudi bantu. Mbuena kuamba ne: kena wa pa buloba ebu budibu bafuke nansha.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

Didimanyisha 3:12

Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.