Ebrewu 12:25 - MUKANDA WA MYIDI MUKULU

²⁵ Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Nudimuke bua nuenu kanubidi udi wakula nʼenu. Bikalabo kabai bahanduke, hakahidiabo wakabadimusha ha buloba, kudi kutamba kumueneka ne tuetu katuena tuhanduka, badi bumuka kudi udi utudimusha mu diulu.

Ebrewu 12:25 교차 참조

1 Bakalenga 12:16

Bena Izrayele ba ku mutu, bamane kumvua ne: mukalenga Robowame kena muitabe dilomba diabu, kuandamunabu ne: — Davide katuena nende bualu, katuena basue kulonda muana wa Ishayi to! Bena Izrayele, tupinganayi ku nzubu yetu; wewe muntu wa ku ndelanganyi ya Davide, shala ne bukalenga buebe mpindiewu! Ke bena Izrayele kumuka muaba awu.

2 Kulondolola 7:19

Kadi, wewe muntombokele, kuyi ukumbaja meyi ne mikenji bianyi bimvua mukupeshe, wewe mutendelele mvidie mikuabu, wewe muyituile binu bua kuyikukuila,

Ekesode 16:29

Nuvuluke ne: ndi munupeshe dituku dia muanda mutekete bua dikale dia dikisha. Ke pandi munupeshe muladilu wa dituku adi, biakudia bikumbane bua nuenu kudia matuku abidi. Nanku, lekelayi kuendakana dituku dia muanda mutekete. Muntu yonsu asombe ku mbelu kuende.

Ekesode 20:22

Nanku, Maweja-Nangila kutuma Moshe kabidi bua kuambila bena Izrayele ne: — Nuadimuenyi nkayenu mundi nyukila nenu, meme muikale mulu.

Nsumuinu 1:24

Kadi pandi nnubikila, nudi nubenga kufika kundi. Ndi nnuoluela tshianza bua kunuambuluisha, kadi kanuena basue nansha kuntangila.

Nsumuinu 1:32

Bualu tshibulengenyi udi ubutuka padiye ubenga meji. Kalengu ka bantu bapote kadi kabajimija.

Nsumuinu 13:18

Muntu udi ubenga kuteleja badi bamukolesha, neashale mupele udibu bapetula. Kadi udi uteleja mubelu, neapete lumu.

Nsumuinu 15:32

Muntu udi kayi musue kulonga malu, neadikengeshe yeye nkayende. Kadi udi uteleja mibelu neasombe biakane.

Nsumuinu 8:33

Telejayi malongesha anyi, nukuate nawu mudimu, nanku nenupete meji.

Yeshaya 48:6

Nuenu nuvua bumvue tshimvua mudianze kuamba. Nudi bajadike mpindiewu ne: bionsu bivua amu bikumbane mumvua muambe. Kabiena nanku anyi? Ndi nshima anyi? Kadi bituadije ku lelu, ndi nnumanyisha malu mapiamapia, amvua mulame munda, audi kuyi muelele meji.

Yeshaya 64:9

Bimenga biebe bia tshijila mbishale dikolu. Yerushalayime mmushale tshipela, ne Siyone mmubutuke.

Yirmeya 11:10

Badi benzamalu mabi avua bankambua babu benza, kabayi banteleja. Badi banemeka mvidie ya bantu ba bisamba bikuabu, bayitendelela. Nenku bena Yuda ne bena Izrayele mbanyange ndondu umvua mutue ne bankambua babu.

Yezekiyele 5:6

Bena tshimenga etshi mbabenge meyi ne mikandu bimvua mubambile. Bavua benza kabidi bibi bivua bena mutumba nabu kabayi mua kuenza. Badi bantu ba muoyi mubi, bapite matunga avua mabanyungulukile ku bubi. Bualu kabena bitabe ku mikenji yanyi, mbabenge kulonda meyi anyi.

Zekâya 7:11

Kadi bantu bavua babenga kuteleja. Bawa bangela nyima, bajibika ne matshi, bua kabumvu.

Dibadika 32:15

Nuenu bena Rubene ne bena Ngade, panudi nutombokela Maweja-Nangila, yeye neashiye bena Izrayele bonsu mu tshipela, babutukilamu ku tshilema tshienu.

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 8:4

Pashishe Yezu kumuambila ne: — Teleja bimpe: kuambidi muntu bualu ebu to. Kadi uye kudileja kudi mutuangaji bua ajadike muukadi. Pashishe ulambule mulambu uvua Moshe muambe, bua bantu bonsu bajadike ne: disama diebe ndijike.

Bienzedi 7:35

Bena Izrayele bavua babenga Moshe, bamuamba ne: “Udi mukuteke mfumu ne mukoshi wa nsambu yetu nnganyi?” Kadi yeye Moshe, ke muntu uvua Mvidi Mukulu mutume, bua alombole bantu bende, abapikule ku diambuluisha dia mutumibue wende, uvua mumumuenekele mu tshipuka.

Dielulula 18:19

Muntu yonsu udi ubenga kuitaba malu adi muambi awu umuambila mu dina dianyi, meme Maweja-Nangila nkayanyi nemmunyoke.

Dielulula 30:17

Kadi panuabenga kutumikila Maweja-Nangila, panuikala basue kutendelela mvidie, kuyenzela mudimu,

Dielulula 4:36

Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

1 Tesalonike 5:15

Enzayi muenu muonsu, bua muntu kapingajidi mukuende bubi ku bubi. Kadi nukebe diba dionsu munudi mua kuenzelangana bimpe, kuenzela kabidi ne bantu bakuabu bonsu bimpe.

2 Timote 4:4

Kabakuteleja kabidi malu malelela to. Nebaabenge bua kuteleja ne ntema yonsu mianu.

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Ebrewu 12:19

Kanuena bumvue muadi wa mpungi nansha tshiona tshia diyi. Pavua bena Izrayele bumvua diyi edi, bavua balomba bua kababambidi kabidi malu.

Ebrewu 3:12

Bana hetu, dimukayi! Muntu wa kunudi nansha umue kikadi ne muoyi mubi, wa kuvila ditaba, mufuane kulamuka kudi Mvidi Mukulu wa muoyi.

Ebrewu 3:17

Bavua Mvidi Mukulu mufikile munda bidimu makumi anayi mbanganyi? Ke bonsu bavua benze bibi. Kufuabu mu tshipeta.

Ebrewu 8:5

Kadi mudimu udi batuangaji aba benza udi amu tshidikijilu ne mundidimbi bia bidi mu diulu. Bidi bifuanangana ne bivua bienzekela Moshe. Pavuaye ne bua kuasa ntenta, Mvidi Mukulu kumuambila ne: “Wenze bionsu bilondeshile tshilejilu tshimvua mukuleje pa mukuna.”

Yoshua 22:15

Kuyabu mu ditunga dia Ngilaade, muaba uvua bisamba bia bena Izrayele bivua luseke ludi diba dipatukila lua Yardene. Kuyukilabu nabu,

Yoshua 22:16

mu dina dia bena Izrayele bonsu, babakonka ne: — Nudi benzele Mvidi Mukulu wa bena Izrayele tshilema tshinene nenku bua tshinyi? Mpindiewu, nudi balekele kutumikila Maweja-Nangila bua tshinyi? Panudi base tshilambuilu etshi mu dina dienu, nudi batombokele Maweja-Nangila.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.

Didimanyisha 22:9

Kadi yeye kungambila ne: — Kuenji nanku to! Ndi muntu wa Mvidi Mukulu bu wewe, bu bana benu bambi, bu bonsu badi bitaba miaku ya mu mukanda ewu. Kukuila Mvidi Mukulu nkayende!