Ebrewu 12:23 - MUKANDA WA MYIDI MUKULU

²³ Nudi basemena pabuipi ne tshisangilu tshia tshibilu tshia banabute ba Mvidi Mukulu badi ne mena abu mafunda mulu. Nudi basemena pabuipi ne Mvidi Mukulu, mulumbuluishi wa bantu bonsu. Nudi basemena pabuipi ne mieyelu ya bantu batata benze bidi Mvidi Mukulu musue, bafike ku bujima buabu.

Mukanda wa Nzambi Dihungila Dikulukulu ne Dihungila Dihia-dihia 2003

²³ ne ku disangisha dinene ne ekelesia bia banʼa bute badi ne mena abo mafunda mu diulu, ne kudi Nzambi, Mulumbuludi wa bonso, ne ku nyuma ya bantu bakane bakvuishabo bakane tshishiki,

Ebrewu 12:23 교차 참조

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Misambu 111:1

Aleluya, Maweja-Nangila ikale ne muoyi! Nensakidile Maweja-Nangila ne muoyi wanji mujima, munkatshi mua bantu bakane badi basangile.

Misambu 69:28

Badika malu mabi abu onsu, kubafuidi luse ku kalu nansha kamue.

Misambu 89:27

Neambikile ne: ‘Wewe udi Tatu wanyi, Mvidi Mukulu wanyi, dibue dia lupandu luanyi.’

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Misambu 94:2

Mulumbuluishi wa bantu, juka umonangane ne bena kapeja, ubapingajile bubi buvuabu benze.

Misambu 96:13

kumpala kua Maweja-Nangila, bualu udi ufika, udi ufika bua kulumbuluisha bantu ba pa buloba. Udi mukoshi mulelela wa bilumbu bia bantu.

Misambu 98:9

kumpala kua Maweja-Nangila, bualu udi ufika. Udi ufika bua kukosa nsambu ya badi pa buloba, neikale mukoshi wa nsambu muakane wa bantu, mulumbuluishi wa bukua bisamba, kayi kansungansunga.

Ekesode 13:2

— Muanabute yonsu wa balume wa bena Izrayele, udi mukaji ulela, nansha wa tshimuna, umujidile, ashale wanyi.

Ekesode 32:32

Ndi nkusengelela bua ubafuile luse, bua tshilema etshi. Kadi pawabenga, ukupule dina dianyi mu mukanda wa muoyi, uudi mufunde mena a bantu bebe.

Ekesode 4:22

Wewe umanyishe mukalenga wa bena Ejipitu ne: Maweja-Nangila udi wamba ne: “Izrayele udi muananyi wa balume muanabute.

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Yirmeya 31:9

Badi bapingana badila muadi, kadi meme ndi ngenda nabu, mbasamba. Nembafile ku misulu idi ne mayi mavule. Ndi mbafile mu njila muimpe, udi kayi ne biniina, bua kabayi kudishinda. Bualu meme ndi tatu wa bena Izrayele. Efrayime ke muananyi muanabute.

Luke 10:20

Kadi kanusanki nangananga bualu mikishi mibi idi inutumikila. Nusanke amu, bualu mbamane kufunda mena enu mu diulu.

Yowanane 5:27

Udi mupeshe Muana mudimu wa kulumbuluisha bantu, bualu udi Muana wa muntu.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

1 Korente 13:12

Mpindiewu bitudi tumona bidi bifuanangane ne tshimfuanyi tshibuitshidile tshidi tshimueneka mu lumuenu. Kadi diba adi netumonangane ne Mvidi Mukulu mpala ne mpala. Lelu ndi mumanye amu nankunanku. Kadi diba adi nemmanye Mvidi Mukulu muonsu mudiye, mudiye mummanye kabidi muonsu mundi.

1 Korente 15:49

Nanku bu mutuvua bafuane muntu uvuabu benza ne buloba, netufuanangane ne udi mufuma mu diulu.

1 Korente 15:54

Pikala tshidi tshibola tshimana kuandamuka tshienza tshidi tshishala kashidi, pikala tshidi tshifua tshimana kuandamuka tshienza tshidi katshiyi mua kufua, muaku ewu wa mu Mukanda wa tshijila udi ukumbana ne: “Mbabutule lufu, mbalutshimune kashidi!”

2 Korente 5:8

Tudi bakole muoyi, tujinga kushiya mubidi ewu diakamue, bua kuya kusomba mu nzubu mudi Mfumu.

Efeze 1:22

Mvidi Mukulu mmuteke bionsu ku makasa a Kristu. mMumuteke kabidi Mfumu munene wa Tshisumbu tshia bena ditaba.

Dielulula 21:17

Nanku bua kuleja ne muana wa mukaji udiye kayi mupite kunanga ke muanabute, amupeshe bintu misangu ibidi, bualu mmuanende wa kumpala udi ne bua kuangata bumpianyi bua bumuanabute.

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

1 Timote 3:5

Bualu padi muntu kayi mumanye mua kulombola nzubu wende, udi mua kuludika Tshisumbu tshia bena ditaba munyi?

Ebrewu 11:4

Amu bua ditaba, Ebele uvua mulambule Mvidi Mukulu mulambu mupite wa Kayine ku buimpe. Bua ditaba diende Mvidi Mukulu uvua mumubingishe bualu Mvidi Mukulu uvua muanyishe malambi ende. Amu bua ditaba diende, Ebele utshidi wakula nansha yeye mumane kufua.

Ebrewu 11:40

Nanku, bu muvua Mvidi Mukulu mudianjile kutulongoluela malu mapite buimpe, kavua musue bua bafike ku bujima buabu tuetu katuyi nabu.

Ebrewu 2:12

Bualu udi wamba ne: “Eyi! Mvidi Mukulu wanyi, nengambile bana hetu bualu buebe, nenkutumbishe bantu bonsu bateleje.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.

Yakobe 1:18

Ku disua diende mmutupe muoyi ku muaku wende mulelela, bua tupete muaba wa kumpala munkatshi mua bifukibua biende bionsu.

1 Petro 2:23

Pa wabu bamupende, kavua mupingaje bipendu. Pavuaye ukenga, kavua ukanyina bantu. Kadi uvua utekemena amu kudi Mvidi Mukulu, udi ukosa nsambu pa yoyi.

Didimanyisha 13:8

Bantu bonsu ba pa buloba nebamukukuile. Ke bonsu bavuabu kabayi bafunde mena abu, mu mukanda wa muoyi katshia bafuka buloba; ke mukanda udi Muana wa mukoku udibu bashipe nawu.

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.

Didimanyisha 6:11

Kupeshabu yonsu wa kudibu muntumpu mutoke, babambila ne: indilayi kabidi katupa. Banji kushipa bana benu bakuabu, banutua benzele nabu Mvidi Mukulu mudimu, buonsu buabu, bu muyuabu banushipe nuenu.

Didimanyisha 6:9

Pashishe Muana wa mukoku kulamuna tshitampi tshitanu. Ke meme kumona muinshi mua tshilambuilu mioyi ya bantu bavuabu bashipe, bualu bavua balongesha muaku wa Mvidi Mukulu, baujadika muabu muonsu.