Ebrewu 12:22 - MUKANDA WA MYIDI MUKULU

²² Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Mukanda wa Nzambi Dihungila Dikulukulu ne Dihungila Dihia-dihia 2003

²² Kadi nuenu nuakulua ku mukuna wa Siona ne ku musoko wa Nzambi udi ne muoyo, Yelushalema wa mu diulu, ne ku misumba ya banjelo idi kayi mua kubadibua,

Ebrewu 12:22 교차 참조

2 Bakalenga 19:4

Mukalenga wa bena Ashure mmutume mulombodi wa beledi ba mukalenga maluvu, bua kupenda Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua umupenda! Wewe, lombaku Maweja-Nangila, wakuile bantu bende badi bashala aba.”

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 42:2

Bu mudi ngulungu udila, ukeba mayi mimpe a musulu, ke mudi muoyi wanyi ukujinga wewe Mvidi Mukulu wanyi.

Misambu 48:2

Maweja-Nangila udi munene. Mbimpe tutumbishe Mvidi Mukulu wetu mu tshimenga tshiende, pa mukuna wende wa tshijila.

Misambu 68:17

Kadi wewe mukuna udi ne nsongu mivule, udi ubaba mukuna udi Mvidi Mukulu musue kusomba, mukuna udi Maweja-Nangila muase, bua tshinyi?

Misambu 84:2

Maweja-Nangila wa bukole buonsu, ndi munange nzubu webe bikole!

Misambu 87:3

Wewe tshimenga tshia Mvidi Mukulu, Mvidi Mukulu udi ukutumbisha wamba ne:

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 14:32

Bantu badi bena Peleshete batume, tubandamune tshinyi? Tubandamune ne: — Maweja-Nangila nkayende mmuase Siyone. Ke muaba udi bapele bende baye kusokomena.

Yeshaya 24:23

Pashishe ngondu neakunzubile, diba nedibuitshidile ne bundu. Bualu Maweja-Nangila muena bukole buonsu, neadie bumfumu mu Yerushalayime pa mukuna wa Siyone. Bakulu ba ditunga, nebamone butumbi buende.

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Yeshaya 51:11

Maweja-Nangila neapikule bantu bende. Bantu abu nebapingane mu Yerushalayime. Nebabuelemu, benda bela bibingu bia disanka. Disanka didi kadiyi dijika nedikenkeshe mpala yabu. Musangelu ne diakalenga ne biuwule mu muoyi wabu tente. Ntatu ne makenga nebijike.

Yeshaya 51:16

Ndi mbalula tshiakabidi diulu, ndi nshindika kabidi buloba. Nengambile bena mu Yerushalayime ne: “Nuenu nudi bantu banyi. Ndi nnupesha mikenji yanyi. Nennusokoke mu tshianza tshianyi.”

Yeshaya 59:20

Maweja-Nangila nealue bua kupikula Yerushalayime, ne bena Izrayele bonsu badi bakudimuna nsombelu yabu. Ke yeye mene udi ujadika bualu ebu.

Yeshaya 60:14

Bantu bavua bakukengesha, nebasemene kuudi, nebiname panshi. Bantu bonsu bavua bakulembakaje, nebadiele ku makasa ebe. Nebakuinyike ne: “Ke tshimenga tshia Maweja-Nangila”, “Ke Siyone musoku wa wa tshijila wa bena Izrayele.”

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Yirmeya 17:25

Diba adi, bakalenga badi mu nkuasa wa Davide, badi babanda pa nyama ya tubalu nansha pa matempu, balombodi babu ba mu bukalenga, bena Yuda ne bantu badi basomba mu Yerushalayime, bonsu nebapitshile amu kupitshila ku biibi bia bimenga. Tshimenga atshi netshikale kashidi ne bantu badi basombamu.

Danyele 6:26

Matuku apita, mukalenga wa bakalenga kutumina bantu ba matunga onsu, ba bisamba bionsu, ba miakulu yonsu, badi basomba pa buloba bujima, mukanda ubambila ne: “Ndi nnujingila ditalala dijima!

Danyele 7:10

Musulu wa kapia kupatuka, kupueka kumpala kuende. Bantu bitotu, makumi a bitotu, kuimana kumpala kuende, bua kumuenzela mudimu. Pashishe bena tshilumbuluilu kusomba bua kulumbuluisha. Kubululabu mikanda.

Matayi 16:16

Simone Petro kuandamuna ne: — Wewe udi Kristu, Muana wa Mvidi Mukulu udi ne muoyi.

Matayi 5:35

Kanutedi buloba, bualu mmuaba udiye udiata. Kanutedi Yerushalayime, bualu ntshimenga tshia Mukalenga munene.

Rome 11:26

Ke muasungidilabu bena Izrayele bonsu. Bualu Mukanda wa tshijila udi wamba ne: “Mupikudi neafume mu Siyone. Neumushe buntomboji kudi ndelanganyi ya Yakobe.

Rome 9:26

Muaba menemene uvuabu babambile ne: ‘Kanuena bantu banyi’, nebababikile ne: mbana ba Mvidi Mukulu udi ne muoyi.”

Ngalate 4:26

Kadi Yerushalayime wa mu diulu kena mu bupika; yeye ke mamuetu!

Efeze 2:19

Nanku nuenu bantu ba bisamba bikuabu, kanutshiena benyi, nansha bantu bafume kule. Nukadi bena tshisamba tshia Mvidi Mukulu, bamane kubuela mu diku diende.

Dielulula 33:2

Maweja-Nangila mmufume ku mukuna wa Sinayi, mmujuke mu ditunga dia Seyire, bu diba, mmubande pa mukuna wa Parane, bua kuleja bantu butumbi buende. Batumibue binunu badi benda nende. Mmufike kudi bena diende, mukuate ku bianza mikenji idi ikenka bu kapia.

Dielulula 5:26

Kakuena muntu ukadi mumvue Mvidi Mukulu wa muoyi wakula munkatshi mua kapia, bu mutudi tuetu bena Izrayele bumvue, kushalaye ne muoyi.

Filipe 3:20

Buetu tuetu, musoku wetu udi mu diulu. Tudi tuindila, tutekemena ne muoyi mujima, Musungidi wetu, Mfumu Yezu Kristu, udi ne bua kutuluka mu diulu.

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

2 Timote 4:18

Mfumu neansungidile ku malu mabi onsu. Neambueje buludi mu Bukalenga buende bua mu diulu. Butumbi buikale kudi Mfumu kashidi! Amene.

Ebrewu 10:31

Kupona mu bianza bia Mvidi Mukulu wa muoyi, mbualu budi bukuatshisha bowa!

Ebrewu 11:10

Bualu Abrahame uvua mutekemene tshimenga tshivua ne tshitaku tshishindame tshidi Mvidi Mukulu muase bilondeshile meji ende.

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

Ebrewu 13:14

Bualu katuena ne tshimenga panuapa tshidi tshishala kashidi. Kadi tudi tukeba tshimenga tshidi kumpala.

Ebrewu 3:12

Bana hetu, dimukayi! Muntu wa kunudi nansha umue kikadi ne muoyi mubi, wa kuvila ditaba, mufuane kulamuka kudi Mvidi Mukulu wa muoyi.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.

Yuda 1:14

Enoke, muntu wa muanda mutekete wa ku ndelanganyi ya Adame, ukavua muambe kale mu dina dia Mvidi Mukulu bualu buabu ne: “Maweja-Nangila neafike ne batumibue bende ba tshijila binunu makumi ne makumi,

Didimanyisha 14:1

Pashishe nkenzakana, meme kumona Muana wa mukoku muimane kulu pa mukuna wa Siyone. Uvua ne bantu binunu lukama ne makumi anayi ne binayi, bavuabu bafunde dina diende, ne dia Tatu wende, pa mpala.

Didimanyisha 21:10

Mueyelu wa Mvidi Mukulu kumvulula. Mutumibue wa Mvidi Mukulu kungambula, kumfikisha ku lusongu lua mukuna mupite bule. Kundejaye Yerushalayime, tshimenga tshia tshijila, tshivua Mvidi Mukulu mutulule mu diulu.

Didimanyisha 21:2

Ke meme kumona tshimenga tshia tshijila, Yerushalayime mupiamupia, utuluka mu diulu, ufuma kudi Mvidi Mukulu. Uvua muvuale bilenga biende bia tshibilu, muindile bayende bua kubuela mu dibaka.

Didimanyisha 22:19

Kadi pikala muntu mumbushe umue wa ku miaku ya muambi ya mu mukanda ewu, Mvidi Mukulu neamumbushile tshiende tshitupa tshia tshimuma tshia mutshi wa muoyi, ne tshiende tshitupa tshia tshimenga tshia tshijila, mudibu babifunde mu mukanda ewu.

Didimanyisha 3:12

Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.

Didimanyisha 7:2

Meme kumona mutumibue mukuabu ubuuka, utumina kudi diba dipatukila, ne tshitampi tshia Mvidi Mukulu udi ne muoyi mu bianza. Kuelaye diyi dikole kudi batumibue banayi bavua ne bumfumu bua kunyangakaja buloba ne mayi manene, ubambila ne: