Ebrewu 11:7 - MUKANDA WA MYIDI MUKULU

⁷ Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

Ebrewu 11:7 교차 참조

Genese 19:14

Lote kuya kuambila baku bende, bavua babangile bana bende ba bakaji, ne: — Jukayi lukasa, numuke mu tshimenga etshi, bualu Maweja-Nangila mmusue kutshibutula. Kadi baku bende kuela meji ne: udi wamba bilele.

Genese 6:13

Nanku kuambilaye Nowa ne: “Tshikondu tshia kubutula bionsu bidi ne muoyi pa buloba tshiakumbanyi! Bualu buenzayi budi pa buloba bujima, mbufume anu kudi bantu. Nanku ndi musue kubabutula pa buloba.

Genese 6:22

Nowa kuitaba, kuenza bionsu bivua Mvidi Mukulu mumuambile.

Genese 6:9

Ndelanganyi ya Nowa idi nunku: Nowa nkayende munkatshi mua bantu ba tshikondu atshi, uvua muntu muakane, witaba Mvidi Mukulu, udisanga nende mu malu onsu.

Genese 7:23

Ke muvua Maweja-Nangila mubutule bionsu bivua ne muoyi pa buloba, kutuadija ku bantu ne ku bimuna, ku nyama minene ne mikese, ne ku nyunyi idi ibuka mulu. Bionsu kubutukabi. Anu Nowa ne bantu bavuaye nabu mu buatu kushala ne muoyi.

Genese 7:5

Nowa kuenza bionsu bivua Maweja-Nangila mumuambile.

Genese 8:16

“Patuka mu buatu, ne mukajebe ne bana bebe ba balume ne bakaji babu.

2 Bakalenga 4:5

Nanku, mukaji kuya. Ufika ku nzubu kuende, kudinjidilaye mu nzubu ne bana bende. Bana kutuadija kumupesha biasu, yeye welamu mafuta tente.

Yobe 35:8

Bimpe nansha bibi biudi wenza, bidi biambuluisha nansha bikengesha anu bantu nebe.

Nsumuinu 22:3

Muntu mudimuke udi umona dikenga diamba kumukuata, udiepuka. Bantu batatakane badi babuelamu musangu umue, badikengeshisha.

Nsumuinu 27:12

Muntu mudimuke udi umona dikenga diamba kumukuata, udiepuka. Bantu batatakane badi babuelamu, badikengeshisha.

Yezekiyele 14:14

Nansha bantu basatu aba, Nowa, Danele ne Yobe bikale munkatshi mua bantomboji aba, kadi amu basatu abu nkayabu nebasungidile mioyi yabu, bualu badi bangitaba. Meme Maweja-Nangila ndi ngamba nanku.

Yezekiyele 14:20

Nansha Nowa, Danele ne Yobe basombe munkatshi mua bena ditunga, anu bobu nkayabu nebashale ne muoyi, bualu badi bangitaba. Meme Maweja-Nangila Mvidi Mukulu wa muoyi, ndi njadika ne: kabena mua kusungidila nansha bana babu ba munda to.

Yezekiyele 33:5

Muntu awu mmufue bua tshilema tshiende, bualu uvua mumvue bamudimuja, yeye kulengulula. Bu yeye mudimuke, uvua mua kushala ne muoyi.

Matayi 2:12

Kadi Mvidi Mukulu kubadimuja mu tshilota bua kabapinganyi kudi Erode kabidi to. Nanku kupinganabu kuabu mu njila mukuabu.

Matayi 24:15

— Nenumone tshidibu binyike ne: “Tshinyangu tshipite bubi”, tshivua muambi Danyele mutele. Nebatshiteke muaba wa tshijila. (Udi ubala bualu ebu, abujingulule bimpe!)

Matayi 24:25

Ke meme awu nnumanyisha malu aa, kaayi manji kuenzeka!

Matayi 24:38

Mvula mukole awu kayi muanji kuloka, bantu bavua badia, banua, baselangana, baselesha bana babu ba bakaji, too ne ku dituku divua Nowa mubuele mu buatu.

Matayi 3:7

Yowanane umona baparushe ne basaduke bavule bafike kudiye bua abatue mu mayi, kubambilaye ne: — Nuenu, nudi nyoka! Udi munulongeshe munudi mua kupanduka ku dinyoka dia Maweja-Nangila dikadi pabuipi nnganyi?

Luke 17:26

Bivua bienzeka mu tshikondu tshia Nowa, nebienzeke mu tshikondu tshidi Muana wa muntu ufika.

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

Rome 10:6

Kadi umvuayi mudibu bamba bua bantu badi bakeba kubinga ku mesu kua Mvidi Mukulu bua ditaba: “Kudiedi lukonku mundamunda ne: Wabanda mu diulu nnganyi?” (mbuena kuamba ne: bua kutulula Kristu panshi).

Rome 3:22

Mvidi Mukulu udi ubingisha bantu kumpala kuende amu bua ditaba diabu mu Yezu Kristu. Bonsu badi bitaba Yezu Kristu, udi ubenzela nanku, bualu bonsu badi mushindu umue.

Rome 4:11

Kunyima kua matuku mavule bakateka Abrahame panshi, bua bikale bu tshimanyinu tshidi tshileja ne: Mvidi Mukulu mmumutue tshitampi, bualu mmumubingishe amu bua ditaba, pavuabu kabayi banji kumuteka panshi. Nenku Abrahame udi tatu wa bantu bonsu badi bitaba Mvidi Mukulu, nansha kabayi babateka panshi, kabidi badi Mvidi Mukulu ubingisha.

Rome 4:13

Mvidi Mukulu uvua mulaye Abrahame ne ndelanganyi yende ne: nenupete buloba. Kavua mumulaye dilaya edi, bualu Abrahame uvua mukumbaje mikenji nansha, kadi amu bualu Mvidi Mukulu uvua mumubingishe bua ditaba divuaye nadi.

Rome 9:30

Nenku netuambe bishi? Bantu bavua kabayi bena Yuda, kabayi bakeba kubinga ku mesu kua Mvidi Mukulu, Mvidi Mukulu mmubabingishe kumpala kuende bua ditaba.

Ngalate 5:5

Kadi tuetu ku bukole bua Mueyelu wa Tshijila, udi ukuata mudimu patudi tuitaba, tudi bindile, batekemene se: Mvidi Mukulu neatubingishe.

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.

Ebrewu 11:1

Muntu udi ne ditaba ukadi ne bidiye utekemena, ukadi mumanye bidiye kayi umona.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

Ebrewu 8:5

Kadi mudimu udi batuangaji aba benza udi amu tshidikijilu ne mundidimbi bia bidi mu diulu. Bidi bifuanangana ne bivua bienzekela Moshe. Pavuaye ne bua kuasa ntenta, Mvidi Mukulu kumuambila ne: “Wenze bionsu bilondeshile tshilejilu tshimvua mukuleje pa mukuna.”

1 Petro 3:20

Ke bantu bavua babenge kutumikila Mvidi Mukulu ku kale. Mvidi Mukulu uvua windila ne lutuulu, mu tshikondu tshivua Nowa muenze buatu. Bantu bakese, bonsu basanga amu muanda mukulu, ke bavua babuele mu buatu, bapandile ku mayi.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.

2 Petro 2:5

Bantu ba kale, Mvidi Mukulu kavuamubafuile luse. Wakalokeshila benji ba malu mabi aba mvula wa tshipupu. Kusungidilaye amu bantu muanda mukulu. Ke Nowa uvua ulongesha malu mimpe, kabidi ne bantu bakuabu muanda mutekete.

2 Petro 3:6

Kabidi ku mayi a mvula wa tshipupu, ke kuvuabu babutule buloba bua kumpala abu.