Ebrewu 11:25 - MUKANDA WA MYIDI MUKULU

²⁵ Utata muanyishe bua banukengeshe pamue ne bantu ba Mvidi Mukulu pa mutu pa kusankaye mu malu mabi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ musungula kukengeshibua hamue ne bantu ba Nzambi ku mpala kua masanka a malu mabi a tshituha tshihi;

Ebrewu 11:25 교차 참조

Yobe 20:5

bantu babi kabatu basanka mutantshi mule to. Diakalenga diabu kadiena dinenga nansha.

Yobe 36:21

Kadi kupinganyi ku malu mabi, bualu ke avua makukebele dikenga.

Misambu 47:9

Mvidi Mukulu udi uludika bisamba bionsu, musombe mu nkuasa wende wa tshijila.

Misambu 84:10

Eyi, Mvidi Mukulu, mukalenga wetu ne ngabu wetu, akidila muntu webe uudi mujidile.

Yeshaya 21:4

Tshiena kabidi ne dikanda. Bowa budi bungenza. Mvua muindile kapepa katalale ka ku dilolu, kadi dilolu kumfikila amu ne bowa.

Danyele 3:18

Nansha yeye kayi musue kutusungidila, Mukalenga, umanye ne: katuena mua kukuatshila mvidie yebe mudimu, nansha kutendelela lupingu lua tshiamu tshia mpawungi luudi muenzeje to.

Matayi 13:21

Kadi muaku awu kawena wasa miji munda muabu. Badi bawakidila amu tshitupa tshikese. Padi dikenga dibakuata, nansha bantu babakengesha bua muaku wa Mvidi Mukulu awu, badi bateketelamu diakamue.

Luke 16:25

Kadi Abrahame kumuandamuna ne: “Muananyi, vuluka ne: uvua mupete biuma bia bungi, pautshivua ne muoyi panu. Diba adi Lazare uvua ne makenga mavule. Mpindiewu badi bamusamba munemu, kadi wewe udi mu dikenga.

Bienzedi 7:34

Ndi mumone mudi bantu banyi bakenga mu Ejipitu. Ndi mumvue mudibu batua mikemu. Ke pandi mupueke bua kubasungidila. Mpindiewu, luaku! Ndi nkutuma ku Ejipitu.”

Rome 5:3

Nanku nansha tuetu mu makenga, tudi amu tusanka. Bualu tudi bamanye ne: dikenga didi dipetesha lutulu,

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

2 Timote 1:8

Nanku kuikadi ne bundu bua kujadikila bantu malu a Mfumu wetu, nansha bua kuntela meme, udi mu lukanu bualu buende. Kadi anyisha, ukenge nanyi bua Lumu lua Disanka, bilondeshile bukole budi Mvidi Mukulu nkupesha.

Ebrewu 10:32

Nuvuluke munuvua kale. Amu nuenu bamane kupeta butoke bua Mvidi Mukulu, nuvua bakenga bikole, nuvua balame muoyi mushindame mu mvita.

Ebrewu 11:37

Bavua bashipe bamue ne mabue, bapanda bakuabu ne nsele bipesa bibidi, anyi babashipa ne muele. Bavua baya eku ne eku bavuale biseba bia mikoku anyi bia mbuji. Bavua bapele. Bavua babakengesha, babanyanga bibi.

Ebrewu 4:9

Nenku, dikisha difuanangane ne divua Mvidi Mukulu muikishe dituku dia muanda mutekete, ditshidi dindila bantu ba Mvidi Mukulu.

Yakobe 1:20

Bualu muntu ne tshiji, kena wenza malu adi Mvidi Mukulu musue.

Yakobe 5:5

Nuvua basombe pa buloba mu biuma ne masanka. Nudi nudia nuondoloka. Kadi dituku dia kunushipa dikadi pabuipi.

1 Petro 2:10

Kale kanuvua bantu ba Mvidi Mukulu. Mpindiewu nudi bantu bende. Kale kanuvua bamanye luse lua Mvidi Mukulu. Kadi mpindiewu nudi balupete.

Didimanyisha 18:7

Numubungamije, munukengeshe, bilondeshile muvuaye uditemba bua lumu ne bubanji bivuaye nabi. Uvua udiamba ne: ‘Meme apa ndi Mukalenga mukaji. Tshiena mukamba to. Makenga kaakunkuata to.’