Ebrewu 11:16 - MUKANDA WA MYIDI MUKULU

¹⁶ Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ kadi katataka badi bajinga muaba mutambe buimpe, udi muaba mene wa mu diulu; nunku Nzambi kena ufua bundu bua bualu buabo bua kumubikilabo Nzambi wabo, bualu bua wakabalongoluela musoko.

Ebrewu 11:16 교차 참조

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Genese 28:13

Kumonaye kabidi Maweja-Nangila muimane kumpala kuende, umuambila ne: — Yakobe, ndi Maweja-Nangila, Mvidi Mukulu wa kakuebe Abrahame, kabidi Mvidi Mukulu wa Izake. Ndi nkulaya ne: “Nenkupeshe, wewe ne ndelanganyi yebe, buloba buudi mulale ebu.”

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

Ekesode 4:5

Maweja-Nangila kuambila Moshe ne: — Enza tshishima etshi bua bena Izrayele bitabe, bajadike ne: meme Mvidi Mukulu wa bankambua babu, wa Abrahame, wa Izake ne wa Yakobe, ndi mukumuenekele.

Yirmeya 31:1

Maweja-Nangila udi wamba ne: “Pakumbana tshikondu, nengikale Mvidi Mukulu wa meku onsu a bena Izrayele. Bobu nebikale bantu banyi.”

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Marke 12:26

Kadi bua bantu bafue, ne bua dibiika diabu ku lufu. Kanuena babale mu mukanda wa Moshe bivua Mvidi Mukulu muambe mu tshipuka tshitema kapia anyi? Mbafundemu ne: Mvidi Mukulu uvua muambile Moshe ne: “Ndi Mvidi Mukulu wa Abrahame, Mvidi Mukulu wa Izake, ne Mvidi Mukulu wa Yakobe.”

Marke 8:38

Pikala muntu ufua bundu bualu buanyi ne bua miaku yanyi munkatshi mua bena lelu, badi babenga Mvidi Mukulu, benza malu mabi, nenku Muana wa muntu kabidi neafue bundu bualu buende pafikaye mu butumbi bua Tatuende pamue ne batumibue ba tshijila.

Luke 12:32

— Nudi amu kasumbu kakese. Kadi kanutshinyi nansha! Bualu Tatu wenu mmusue kunupa Bukalenga.

Luke 20:37

Moshe udi wamba patoke ne: bantu nebabiike ku lufu. Muaba udiye utela tshipuka tshitema kapia, udi winyika Maweja-Nangila ne: “Mvidi Mukulu wa Abrahame, Mvidi Mukulu wa Izake, ne Mvidi Mukulu wa Yakobe.”

Yowanane 14:2

Mu nzubu mua Tatu wanyi mudi miaba ya bungi ya kusomba. Ndi nya kunulongoluela muaba. Bu bualu ebu kabuyi bulelela, tshivua mua kumuambilabu nansha.

Bienzedi 7:32

“Meme ndi Mvidi Mukulu wa bankambua bebe, Mvidi Mukulu wa Abrahame, wa Izake ne wa Yakobe.” Moshe kuzakala ne bowa. Nanshaye kukimina kubanduluka kabidi.

Filipe 3:20

Buetu tuetu, musoku wetu udi mu diulu. Tudi tuindila, tutekemena ne muoyi mujima, Musungidi wetu, Mfumu Yezu Kristu, udi ne bua kutuluka mu diulu.

2 Timote 4:18

Mfumu neansungidile ku malu mabi onsu. Neambueje buludi mu Bukalenga buende bua mu diulu. Butumbi buikale kudi Mfumu kashidi! Amene.

Ebrewu 10:34

Bualu nuvua badisange ne bavua mu lukanu mu makenga abu. Pavuabu banunyenga bintu, nuvua bitabe ne disanka bua kubijimija. Bualu nuvua bamanye ne: tudi ne bubanji bupite buimpe budi bushala kashidi.

Ebrewu 11:10

Bualu Abrahame uvua mutekemene tshimenga tshivua ne tshitaku tshishindame tshidi Mvidi Mukulu muase bilondeshile meji ende.

Ebrewu 11:14

Bantu badi bakula nanku, badi baleja patoke mudibu bakeba ditunga diabu.

Ebrewu 11:40

Nanku, bu muvua Mvidi Mukulu mudianjile kutulongoluela malu mapite buimpe, kavua musue bua bafike ku bujima buabu tuetu katuyi nabu.

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Ebrewu 13:14

Bualu katuena ne tshimenga panuapa tshidi tshishala kashidi. Kadi tudi tukeba tshimenga tshidi kumpala.

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.

Didimanyisha 21:2

Ke meme kumona tshimenga tshia tshijila, Yerushalayime mupiamupia, utuluka mu diulu, ufuma kudi Mvidi Mukulu. Uvua muvuale bilenga biende bia tshibilu, muindile bayende bua kubuela mu dibaka.