Ebrewu 10:29 - MUKANDA WA MYIDI MUKULU

²⁹ Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Mukanda wa Nzambi Dihungila Dikulukulu ne Dihungila Dihia-dihia 2003

²⁹ nudi nuela meshi ne muntu neabadibue muakanyine dikenga ditambe misangu bungi munyi, nyeye wakudiata Muana wa Nzambi munshi mua makasa andi, ne wakubala mashi a tshihungidi akadiye ujidibua nʼau bu tshintu tshia tshianana ne wakuhenda Nyuma wa ngasa?

Ebrewu 10:29 교차 참조

2 Bakalenga 9:33

Yehu kubela diyi ne: — Sakilayi mukaji awu panshi! Kusakilabu Yezabele pa dididishi. Kudishindaye panshi. Mashi ende kutampakana ku bimana ne ku nyama ya tubalu. Yehu kudiatakaja tshitalu atshi ne ditempu.

Misambu 143:10

Undongeshe mua kuenza tshiudi musue, bualu wewe ke Mvidi Mukulu wanyi. Mueyelu webe mulenga undudike mu njila udi kayi ne njiwu.

Misambu 91:13

Neudiate nyama wa ntambue, ne nyoka wa ntoka kabiyi bikuenzela bualu, neutue nyama wa muitu ne nyoka miseba.

Ekesode 24:8

Moshe kuangata kabidi mashi avua mashale mu dilongu, kuamiamina bena Izrayele pambidi, wamba ne: — Mashi aa, adi ajadika ndondu uvua Maweja-Nangila mutue nenu pavuaye nnumanyisha meyi ende.

Yeshaya 14:19

Kadi wewe mbakuimanshe pambelu, mbakupale lukita bua kukujikamu. Udi mufuanangane ne muana, udibu balela mufuile munda, ukuatshisha bowa. Udi mufuanangane ne tshitalu, tshidibu badiatakaja ku makasa. Mbakubuikile bitalu bia bantu, bavuabu bashipe ku muele. Kadi bobu bavua babajika mu lukita lua mabue,

Yeshaya 28:3

Tshikata tshia lumu tshivua bakuatshiki ba maluvu ba bena Efrayime baditambishila, nebatshidiatakaje ku makasa.

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Yirmeya 1:5

— Nkavua mukumanye, tshiyi muanji kukufumba munda mua mamuebe. Nkavua mukusungule, kabayi banji kukulela. Nkavua mukufundile mudimu wa kuya kuambila bisamba bionsu miaku yanyi.

Muadi 1:15

Maweja-Nangila uvua mupepeje bena mvita ba bukitu bonsu bamvua nabu. Uvua mundongoluele tshiluilu bua kunduisha, bua kuzaza nsongalume yanyi. Uvua munzaze, meme Siyone wa Yuda, bu mudibu bakama tumuma tua mvinyo mu tshikaminu.

Yezekiyele 16:6

Meme kupitshila pabuipi nebe, kusangana mulale amu mu mashi ebe. Nansha muuvua mudibonde mu mashi ebe pambidi ponsu, meme kukuambila ne: shala ne muoyi. Meme kuenza muanyi muonsu bua wikale anu ne muoyi.

Danyele 8:13

“Pashishe meme kumona mutumibue wa Mvidi Mukulu wakula. Mutumibue mukuabu kumukonka ne: ‘Malu adibu baleja aa neanenge matuku bungi munyi? Mulambu wa kuosha wa buatshia buatshia nebaubenge matuku bungi munyi? Bubi budi bubutula bintu bionsu nebushale kashidi anyi? Muaba wa tshijila ne bia mu diulu, nebabidiatakaje ku makasa too ne ku diba kaayi?’

Mika 7:10

Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Matayi 26:28

Bualu mmashi anyi, adi ashindika ndondu udi Mvidi Mukulu utua ne bantu, adibu bapuekesha bua kujimijila bantu bonsu mibi yabu.

Matayi 7:6

— Tshintu tshia tshijila, kanutshieledi mbua, bua kayinukudimukidi, ikebe kunusuma. Kanueledi ngulube busanga, bua kayibudiatakaji.

Marke 7:2

Kumonabu bamue ba ku balongi bende badia biakudia kabayi bowa bianza, bu muvuabu bafunde mu mikenji ya Mvidi Mukulu.

Luke 12:10

“Muntu yonsu udi usendeka Muana wa muntu, nebamufuile luse. Kadi udi usendeka Mueyelu wa Tshijila, kabakumufuila luse to.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Yowanane 17:19

Ndi ndifila mujima kuudi bualu buabu, bua bobu kabidi bikale bebe menemene.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Rome 16:20

Mvidi Mukulu, udi utupa bupole, neaboze amu mpindiewu diabolu muinshi mua makasa enu. Dinanga dia Mfumu wetu Yezu Kristu dishindame munda muenu!

1 Korente 11:27

Kadi padi muntu udia diampa dia Mfumu, unuina mu dikopu diende, kayi mubiakanyine, nebamuase tshilumbu tshia mubidi ne mashi bia Mfumu.

1 Korente 11:29

Bualu padi muntu udia diampa, nansha unuina mu dikopu edi, kayi mujingulule mubidi wa Mfumu, udi udikebela tshilumbu padiye udia, nansha unua.

1 Korente 15:25

Bualu Kristu udi ne bua kuikala mukalenga too ne padi Mvidi Mukulu utshimuna bena lukuna bonsu, ubateka kuinshi kua makasa ende.

1 Korente 15:27

Bualu Mukanda wa tshijila udi wamba ne: “Mvidi Mukulu mmumutekele bionsu kuinshi kua makasa.” Kadi padibu bamba ne: “Mmumutekele bionsu kuinshi kua makasa ende,” muaku ewu: “bionsu” kawena musue kuamba ne: Mvidi Mukulu, udi muteke bionsu ku bumfumu bua Kristu mmuditeke ne yeye mene nanku.

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

Efeze 4:30

Kanubungamiji Mueyelu wa Tshijila wa Mvidi Mukulu. Mueyelu udi tshitampi tshia Mvidi Mukulu, tshidi tshileja munudi bantu bende. Mueyelu udi ujadika kabidi ne: dituku nedifike didi Mvidi Mukulu unupikula kashidi ku bubi buonsu.

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

Ebrewu 10:10

Bu mudi Yezu Kristu mukumbaje tshivua Mvidi Mukulu musue, bavua batujimijila mibi, ku mulambu wa mubidi wende uvuaye mufile musangu umue bua kashidi.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.

Ebrewu 2:3

Nanku, patualengulula lupandu bunene nenku, mutuapanduka dinyoka mmunyi? Maweja-Nangila nkayende uvua mudianze kutumanyisha lupandu elu. Pashishe bavua bumvue mudi lupandu elu kutujadikilabu bunene bualu.

Ebrewu 4:14

Nenku, tulaminayi momu ditaba ditudi tutonda. Bualu tudi ne mutuangaji mupite bunene, uvua mufike too ne ku mesu kua Mvidi Mukulu mene: ke Yezu, Muana wa Mvidi Mukulu.

Ebrewu 6:4

Tshidi mua kuenzekela badi bapingana tshiakabidi mu nsombelu mubi ntshinyi? Bakaya bamane kupeta butoke bua Mvidi Mukulu. Bavua balabule dipa dia mulu, badisange ne Mueyelu wa Tshijila.

Ebrewu 6:6

Kadi nansha biobi nanku, badi bapingana mu nsombelu mubi. Kabena mua kukudimuna nsombelu wabu musangu muibidi. Bualu badi bapopela Muana wa Mvidi Mukulu tshiakabidi pa mutshi mutshiamakane, banyishe bua bamupende patoke.

Ebrewu 9:13

Mashi a mbuji ya mpumbu, ne a ngombe milume ne butu bua ngombe mukaji moshe, bidibu bamiamina pambidi pa bantu badi ne mikiya, bidi bibumusha mikiya ayi pambidi.

Ebrewu 9:20

Uvua wamba ne: “Etshi mmashi adi ajadika ndondu udi Mvidi Mukulu unutumina diyi bua munulaye.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.