Ebrewu 10:22 - MUKANDA WA MYIDI MUKULU

²² Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Mukanda wa Nzambi Dihungila Dikulukulu ne Dihungila Dihia-dihia 2003

²² tusemene bietu ha buihi nʼandi ne mutshima mulelela mu dimanya dijalame dia ditabusha, ne mitshima yetu mimiamina bua kulengesha kua muoyo-mukese mubi, ne mibidi yetu miuvue ne mai mimpe.

Ebrewu 10:22 교차 참조

1 Bakalenga 15:3

Abiyame kuenza kabidi buenzayi anu bu bua tatuende Robowame. Kavua muenze malu mimpe, avua nkambua wende Davide muenze to. Kawa munange Maweja-Nangila Mvidi Mukulu wende ne muoyi mujima to.

1 Kulondolola 12:33

Kuvua kabidi balombodi ba mvita 200 ba mu tshisamba tshia Isakare, pamue ne bena mvita babu. Ke bantu bavua bamanye mua kujingulula diba didi bena Izrayele ne bua kuenza bualu, ne mudibu mua kubukumbaja.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Misambu 111:1

Aleluya, Maweja-Nangila ikale ne muoyi! Nensakidile Maweja-Nangila ne muoyi wanji mujima, munkatshi mua bantu bakane badi basangile.

Misambu 119:10

Wewe ngundi nkeba bua kuitaba ne muoyi wanji mujima, kundekedi bua nsesuke ku meyi ebe.

Misambu 119:145

Maweja-Nangila, ndi nkubila ne muoyi wanyi mujima, ungitabe nendonde njila yebe.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Misambu 119:34

Ungunwuije mikenji yebe, nenyilonde, nenyilame ne muoyi wanyi mujima.

Misambu 119:58

Ndi musue kukusankisha ne muoyi wanyi mujima, ungambuluishe bu muuvua mulaye.

Misambu 119:69

Bena kapeja badi bannyanga ne malu a didinga, kadi meme ndi ndama mikenji yebe ne muoyi mujima.

Misambu 119:7

Nenkutumbishe ne muoyi umue, ndonge malu malelela audi mupangadike.

Misambu 119:80

Nengenze biudi musue ne muoyi wanyi mujima, nanku tshiakufua bundu ku mesu kuebe to.

Misambu 32:11

Maweja-Nangila anusankishe nuenu, bantu bende. Nuenu badi bamuitaba, katshilayi, tuayi tshianga.

Misambu 51:10

Ungambile muudi mumfuile luse, bua ngende kabidi ne musangelu. Nansha wewe mumane kunzaza, nensanguluke.

Misambu 73:28

Kuikala nebe pabuipi ndiakalenga dianyi. Maweja-Nangila, ndi ntekemena kuudi, mmanyisha bantu bionsu biudi muenze.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Misambu 9:1

Musambu wa mu mukanda wa mulombodi wa bena misambu, wa kuimba ne meyi matue. Musambu wa mu mukanda wa misambu ya Davide.

Misambu 94:15

Muntu muakane neabinge tshiakabidi, ne bantu bonsu ba muoyi mujalame, nebamulonde.

Ekesode 29:4

“Uye ne Arone ne bana bende ba balume ku mushiku wa mbelu wa ntenta wa kusambakena, uboweshe mayi.

Nsumuinu 23:26

Muananyi, ngitaba. Sanka bua umfuane meme.

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Yeshaya 52:15

Kadi mpindiewu, bantu ba bungi ba mu matunga a bende, nebakeme bualu buende. Bakalenga nebakatshile, kabayi bamanye tshia kuamba. Bualu nebamone malu adi kaayi umvuangana ne avuabu babalondele. Nebumvue malu avuabu kabayi banji kumvua.”

Yirmeya 24:7

Nembapeshe bukole bua kumanyabu ne: meme ndi Maweja-Nangila. Nebapingane kundi ne muoyi wabu mujima. Nanku, nebikale bantu banyi, meme nengikale Mvidi Mukulu wabu.

Yirmeya 3:10

Yuda ntomboji, muanabu ne Izrayele, yeye mumane kuenza bionsu ebi, kena mupingane kundi ne muoyi mujima to, kadi amu ne miaku patupu. Meme Maweja-Nangila ndi njadika nanku.

Yirmeya 30:21

Mfumu wenu neikale muntu wa mu tshisamba tshienu. Eyowa, muntu wa munkatshi muenu neanulombole. Nengitabe bua asemene pabuipi nanyi. Bualu, muntu udi mua kufika kundi, meme tshiyi mumubikile anyi? Meme Maweja-Nangila ndi njadika nanku.

Yezekiyele 16:9

“Meme kuangata mayi, kukowesha bua kumusha mashi auvua nawu pambidi. Pashishe, meme kukufita mafuta masambakaja ne manananshi.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Lewitiki 14:7

Pashishe amiamine mashi awu pambidi pa muena nsudi misangu muanda mutekete bua kumukobolola, wamba ne: ‘Muntu ewu kena ne mikiya.’ Nenku mutuangaji alekele nyunyi uvua mushale ne muoyi, aye mu tshisuku.

Lewitiki 16:4

Arone udi ne bua kuvuala muntumpu muenza ne buanda bua ndanda, kaputula ka muinshi ka buanda bua ndanda. Neasuike kabidi mukaba wa buanda bua ndanda, uvuala ne tshifulu tshienza ne buanda bua ndanda. Kadi, mudi bilamba ebi bia tshijila, udi ne bua kubivuala amu yeye muanji kuowa mayi.

Lewitiki 8:6

Moshe kubikila Arone ne bana bende ba balume, kubowesha mayi bu muvua Maweja-Nangila mumuambile.

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Dibadika 8:7

Newenze nunku: ubamiamine mayi bua kubakobolola nawu. Pashishe bakungule boya bonsu mubidi mujima, basukule bilamba biabu. Nanku kabakuikala kabidi ne mikiya to.

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Luke 1:1

Bantu ba bungi mbidikije mua kufunda malu manene avua menzeke munkatshi muetu.

Yowanane 3:5

Yezu kuandamuna ne: — Ndi nkuambila bulelela ne: muntu nansha umue kena mua kubuela mu Bukalenga bua Mvidi Mukulu kabayi bamulele ku mayi ne ku Mueyelu wa Tshijila.

Yowanane 8:9

Bobu bamane kumvua miaku ayi, kulamukabu ku muntu ku muntu, bituadije ku bakulumpe. Yezu kushala nkayende pamue ne mukaji. Mukaji awu utshivua anu muimane kumpala kuende.

Bienzedi 22:16

Kadi mpindiewu tshiudi windila kabidi ntshinyi? Jukaku, bakutue mu mayi, utonde mu dina dia Yezu, bua mibi yebe ijimine.”

Bienzedi 8:21

Wewe kuena mua kukuata netu mudimu nansha kakese, bualu muoyi webe kawena mululame kumpala kua Mvidi Mukulu.

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

Efeze 3:12

Pamue ne Kristu, utudi tuitaba, tudi mua kusemena kudi Mvidi Mukulu, kumutekemena muetu muonsu.

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

Efeze 6:5

Bapika, tumikilayi bamfumu benu ba panu, batshinayi, banemekayi. Enzayi nanku ne muoyi umue, bu munudi mua kuenzela Kristu.

1 Timote 4:2

Nebabapambule kudi bena mpala ibidi, ne kudi bena dishima, badi ne kabu kondu ka munda kamane kufua, bu kosha ne tshiamu tshipatula mu kapia kakunze kunzuu.

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.

Ebrewu 10:1

Mikenji ya bena Yuda kayena ileja menemene malu malelela nansha, kadi idi amu mundidimbi wa malu atshidi kumpala. Mmunyi mudiyi mua kufikisha bantu badi basemena pabuipi ne Mvidi Mukulu ku bujima buabu, padibu balambula milambu amu ya momumue matuku onsu, ku tshidimu ku tshidimu, kabayi balekela?

Ebrewu 10:19

Nenku, bana hetu, ku bukole bua mashi a mulambu wa Yezu, tudi mua kubuela ne muoyi mushindame muaba wa tshijila menemene mutudi basue.

Ebrewu 11:28

Amu bua ditaba, kujadikaye bua kuenza tshibilu tshia Dipita dia Maweja-Nangila. Kutumaye diyi bua bamiamine mashi ku biibi, bua mutumibue wa lufu kashipi banabute ba bena Izrayele.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Ebrewu 4:16

Nenku tusemenayi ne ditekemena dionsu ku nkuasa wa butumbi wa Mvidi Mukulu, muaba udiye utuleja ditunanga diende. Netupeteku dijimija dia mibi. Neatulejeku mudiye utunanga, bua tupete diambuluisha diba dionsu ditudi tudikengela.

Ebrewu 6:11

Kadi tudi tujinga ne: muntu yonsu wa kunudi atungunuke ne disuminyina dia momumue too ne ku ndekelu, bua binudi batekemena bikumbane menemene.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

Ebrewu 9:19

Diambedi, Moshe uvua muambile bantu meyi ne mikandu bionsu, mudiye mubifunde mu mukanda wa mikenji. Pashishe kuangataye mashi a bana ba ngombe, kabidi ne mayi, ditamba dia mutshi wa nsompu pamue ne buanda bukunze, kumiaminaye mashi pa mukanda wa mikenji, kabidi pa mitu ya bantu bonsu.

Yakobe 1:6

Kadi aalombe ne ditaba, kayi wela mpata. Bualu muntu udi wela mpata mmufuanangane ne mavuala a mayi manene adi lupepele lujula, lutuma eku ne eku.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

1 Petro 1:2

Mvidi Mukulu Tatu mmunusungule, muvuaye mumane kujadika. Ku bukole bua Mueyelu wende nudi bantu bende, bua nutumikile Yezu Kristu, kabidi bua banulengeje ku mashi ende, nuikale zezeze. Dinanga ne bupole bishindame bikole munda muenu.

1 Petro 3:21

Mayi aa adi tshimfuanyi tshia mayi mudibu banutua mpindiewu bua kunusungidila. Kabena batua muntu mu mayi aa, amu bua kumusha manyanu a pambidi. Kadi badi balomba Mvidi Mukulu bua umushe mibi yonsu idi kondu kenu ka munda kanupisha. Padibu banutua mu mayi, Mvidi Mukulu udi unusungidila, bualu Yezu Kristu mmubike ku bafue,

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.