Ebrewu 10:10 - MUKANDA WA MYIDI MUKULU

¹⁰ Bu mudi Yezu Kristu mukumbaje tshivua Mvidi Mukulu musue, bavua batujimijila mibi, ku mulambu wa mubidi wende uvuaye mufile musangu umue bua kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mu disua edi tuetu tuakujidikibua bualu bua kufila kua mubidi wa Yesu Kilisto musangu umue tshiendelele.

Ebrewu 10:10 교차 참조

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Yowanane 17:19

Ndi ndifila mujima kuudi bualu buabu, bua bobu kabidi bikale bebe menemene.

Yowanane 19:34

Kadi umue wa ku basolayi kumutua difuma diende mu lubadi. Mashi ne mayi kupatukamu diakamue.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

Ebrewu 10:12

Kadi Kristu uvua mufile mulambu anu umue bua mibi. Mulambu ewu udi ushala ne bukole kashidi. Pashishe udi muye kusomba ku dia balume dia Mvidi Mukulu.

Ebrewu 10:14

Nenku ku mulambu umue udi mufikishe tshisamba tshia bena ditaba ku bujima buatshi bua kashidi.

Ebrewu 10:20

Yezu mmutunzuluile njila mupiamupia, njila wa muoyi, bualu uvua upitshila mu tshilamba, mmomumue ne: mu mubidi wende wa muntu.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Ebrewu 10:5

Nenku pavua Kristu mufike mu bantu, uvua muambile Mvidi Mukulu ne: “Kuena musue milambu nansha malambi, kadi uvua mundongoluele mubidi.

Ebrewu 13:12

Ke pavua Yezu kabidi mufuile pa mpenga pa tshimenga, bua enze bena tshisamba tshiende bantu ba tshijila ku mashi ende.

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.

Ebrewu 2:14

Padi bana aba, mudiye ubabikila, ne mubidi ne mashi, Yezu mene uvua mudienze bu bobu, mudisange nabu mu buntu buabu. Uvua muenze nenku bua ku lufu luende, amone mua kubutula diabolu, uvua ne bumfumu bua kushipa bantu.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

Ebrewu 7:27

Yeye kena bu batuangaji banene bakuabu. Kena ne bua kulambula milambu ku dituku ku dituku, diambedi bua mibi yende, pashishe bua ya bantu bakuabu to. Uvua mulambule mulambu musangu umue bua kashidi, pavuaye mudilambule yeye mene.

Ebrewu 9:12

Pavua Kristu mubuele muaba wa tshijila menemene musangu umue bua kashidi, kavua mulambule mashi a mbuji ya mpumbu, nansha a bana ba ngombe. Uvua mulambule mashi ende nkayende, mutupetele lupandu lua tshiendelele.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

1 Yone 5:6

Yezu Kristu mmufike kutudi; mmufike ne mayi muvuabu bamutue, kabidi ne mashi a ku lufu luende. Kena mufike amu ne mayi nkayawu, kadi ne mayi, kabidi ne mashi. Ke bualu budi Mueyelu wa Tshijila ujadika. Bualu Mueyelu udi bulelela.