Ebrewu 1:7 - MUKANDA WA MYIDI MUKULU

⁷ Bua batumibue, Mvidi Mukulu uvua muambe ne: “Mvidi Mukulu udi wenza batumibue bende mueyelu, bena mudimu bende, ndimi ya kapia.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye udi wamba bua banjelo ne, Udi ufuisha banjelo bandi mpehele, Ne bakuatshishi bandi ba mudimu ndimi ya kahia.

Ebrewu 1:7 교차 참조

Genese 3:24

Maweja-Nangila Mvidi Mukulu mumane kuipata muntu mu lupangu lua Edene, kutekaye Bakerubine mu lupangu amu ne muela utema kapia. Bavua bimane ku tshibuelelu tshia lupangu luseke ludi diba dipatukila, bakandika bua muntu kafiki muaba uvua njila wa ku mutshi wa muoyi.

1 Bakalenga 22:19

Mika kuamba kabidi ne: — Teleja anu tshidi Maweja-Nangila wamba ne: Ndi mumone Maweja-Nangila musombe mu nkuasa wende wa bukalenga, bena mudimu bende bonsu ba mu diulu, bimana, aba ku dia balume diende, bakuabu ku dia bakaji.

2 Bakalenga 2:11

Patshivuabu benda bayukila, kumonabu ditempu diela ndimi ya kapia. Nyama ya tubalu ivua ikoka ditempu adi, ivua yela kabidi ndimi ya kapia. Nanku, ditempu adi ne nyama ya tubalu, kupita pankatshi pa Eliya ne Elisha bua kubapandulula. Diakamue, tshipepela tshia mvunde kuambula Eliya mulu.

2 Bakalenga 6:17

Muambi Elisha kutendelela Maweja-Nangila, wamba ne: — Maweja-Nangila, tabaja mesu a muena mudimu ewu bua kumonaye. Maweja-Nangila kutabaja mesu a muena mudimu wa muambi Elisha. Muena mudimu kumona muambi Elisha, bamuela munkatshi kudi mikuna, pa mikuna apu pikala nyama ya tubalu ya bungi, ne matempu a mvita atema kapia.

Misambu 104:4

Udi utuma mpepele bu batumibue bebe, kapia ke webe muena mudimu.

Yeshaya 6:2

Baserafine bavua bimane ku mutu kuende. Serafine yonsu uvua ne mapuapua asambombu: abidi mabuikile mpala wende, abidi mabuikile mubidi wende, ne makuabu abidi a kubuka nawu.

Danyele 7:10

Musulu wa kapia kupatuka, kupueka kumpala kuende. Bantu bitotu, makumi a bitotu, kuimana kumpala kuende, bua kumuenzela mudimu. Pashishe bena tshilumbuluilu kusomba bua kulumbuluisha. Kubululabu mikanda.

Zekâya 6:5

Kungandamunaye ne: — Matempu aa adi mpepele inayi: ivua mimane muaba udi Maweja-Nangila wa buloba bujima; mmiumuke muaba awu amu mpindiewu.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.