Dielulula 9:7 - MUKANDA WA MYIDI MUKULU

⁷ Nuvuluke ne: mu tshipela nuvua bafikishe Maweja-Nangila Mvidi Mukulu wenu munda. Kanupu bualu ebu muoyi diba nansha dimue! Katshia numuka mu Ejipitu too ne munudi bafike muaba ewu, nutshidi amu numutombokela.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Vulukai, kanuhu muoyo bu munuakafuisha Yehowa, Nzambi wenu, tshiji mu tshihela; ku dituku dinuakahatuka mu buloba bua Ejipitu tô ne hanuakafika ku muaba eu, nuakahidia Yehowa.

Dielulula 9:7 교차 참조

Ekesode 14:10

Bena Izrayele bamone muvua bena Ejipitu babalonda ne mvita, kabidi muvua mukalenga wabu ufika, kutshinabu bikole. Kuelabu Maweja-Nangila mbila mikole bua abambuluishe.

Ekesode 14:11

Kukonkabu Moshe ne: — Uvua mutupatule mu Ejipitu bua tuetu kuluila mu tshipela bua tshinyi? Mu Ejipitu kamuvua nkita anyi? Tshiuvua mutupatuile mu Ejipitu ntshinyi?

Ekesode 16:2

Mu tshipela amu, bena Izrayele kujana Moshe ne Arone,

Ekesode 17:2

Kutandishabu Moshe, bambe ne: — Tupeshayi mayi a kunua! Moshe kubakonka ne: — Nudi nuntandisha bua tshinyi? Nudi nuteta Maweja-Nangila bualu kaayi?

Ekesode 23:21

Kadi, nudimuke! Pafika mutumibue wanyi, nuitabe bionsu bidiye unuambila. Kanumufikishi munda, kanumutombokedi. Bualu kena mua kunufuila luse ku bubi buonsu bunudi nuenza. Bionsu bidiye wenza, udi ubienza mu dina dianyi.

Yeshaya 48:8

Bushuwa kanuvua bateleje, kanuvua basue kumanya, kanuvua bateye matshi bua kumvua. Ndi munumanye ne: nudi bena lunsonge, biangatshile ku buana buenu. Bonsu badi bamanye munudi “bantomboji”.

Yirmeya 11:10

Badi benzamalu mabi avua bankambua babu benza, kabayi banteleja. Badi banemeka mvidie ya bantu ba bisamba bikuabu, bayitendelela. Nenku bena Yuda ne bena Izrayele mbanyange ndondu umvua mutue ne bankambua babu.

Yirmeya 32:30

Maweja-Nangila kuamba kabidi ne: biangatshile ku ntuadijilu, bena Izrayele ne bena Yuda bavua benze malu andi mubenge. Eyowa, bionsu bivua bena Izrayele benza bivua anu bitufikisha munda.

Yirmeya 44:9

Nukadi bapue muoyi malu mabi onsu avua bankambua benu, bakalenga ne balombodi ba mu bukalenga mu Yuda, nuenu mene, ne bakaji benu, benza mu ditunga dia Yuda ne mu misesu ya mu Yerushalayime anyi?

Yezekiyele 20:13

Kadi bena Izrayele bavua bantombokela mu tshipela. Bavua balengulula mikenji yanyi. Bavua bapepeja meyi anyi adi afikisha muntu udi walama ku muoyi. Bavua banyange bikole dituku dia Dikisha. Nanku meme kuela meji tshiakabidi a kubajikijila tshiji tshianyi mu tshipela bua kubabutula.

Yezekiyele 20:43

Muaba awu nenuvuluke malu enu a kale avua manupishe mikiya. Bundu nebunukuate bua malu mabi onsu anuvua benze.

Yezekiyele 20:8

“Kadi bena Izrayele kuntombokela, kubenga kungitaba. Muntu nansha umue kavua mubenge mvidie ya dishima ivuaye utendelela. Kavua muimanshe mpingu ya bena Ejipitu. Diba adi meme kushindika ne: nembanyoke ne tshiji. Nkavua musue kubabutuila mu Ejipitu mene.

Yezekiyele 36:31

Nanku nenuvuluke munuvua basombe bibi, benza malu mabi. Nenunyingalale bua bilema bienu, ne bua malu enu mabi anuvua benza.

Dibadika 11:4

Dituku dikuabu bantu benyi ba mishindu yonsu bavua basombe munkatshi mua bena Izrayele kukuatshika lukuka lua munyinyi. Bena Izrayele mene kutuadija kudiabakena, bebejangana ne: “Udi mua kutupesha munyinyi wa tuetu kudia nnganyi?

Dibadika 14:22

muntu nansha umue wa ku ndelanganyi eyi kakubuela mu Kenaane to. Bualu bantu aba mbamane kumona butumbi buanyi, ne malu a dikema andi mubenzele mu Ejipitu ne mu tshipela. Kadi nansha bobu bamone nanku, kabavua bangitaba to. Bavua bantete misangu ne misangu!

Dibadika 17:10

— Umukayi muaba udi bantu aba bimane. Ndi musue kubabutula bonsu amu mpindiewu. Moshe ne Arone kudiela mpala panshi.

Dibadika 21:5

Kujanabu Mvidi Mukulu ne Moshe, bamba ne: — Nuvua batumushe mu Ejipitu bua tshinyi? Bua tuetu kufuila nzala mu tshipela! Apa katuena ne mampa, katuena ne mayi a kunua! Tudi tudia anu mana bua dikenga. Kadi akadi matutonde.

Dibadika 25:2

Bakaji abu kuibidija bena Izrayele bua kulambuila mvidie ya mu ditunga diabu. Bena Izrayele kudia nabu minyinyi milambuila mvidie, kukukuila ne mvidie yabu mene.

1 Korente 15:9

Bulelela, ndi mushadile kudi bapostolu bonsu, tshiena nansha mukumbane bua bambikile mupostolu, bualu mvua mukengeshe Tshisumbu tshia bena ditaba.

Efeze 2:11

Kabavua banulele bena Yuda. Bena Yuda bavua banuamba ne: “ki mbabateke panshi.” Kadi bobu mene bavua babateka panshi amu mushindu udi bantu batekangana panshi. Nenku, vulukayi munuvua kale.

Dielulula 31:27

Meme Moshe ndi mumanye ne: bena Izrayele badi ne tshitunu, badi bonsu bantomboji. Mpindiewu pantshidi ne muoyi munkatshi muabu, bakabenga Maweja-Nangila. Kadi pambafua, nebamubenge bikole.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Dielulula 9:24

Katshia tumanyangana nenu, nudi amu nutombokela Maweja-Nangila.

Dielulula 9:4

Maweja-Nangila Mvidi Mukulu wenu mumane kuipata bantu aba, kumpala kuenu, kanuditambishi ne: “Maweja-Nangila mmutupe ditunga edi, bualu tudi bantu ba nsongu.” Kadi numanyene: Maweja-Nangila mmuipate bantu aba kumpala kuenu, bualu mbena buenzayi.