Dielulula 9:5 - MUKANDA WA MYIDI MUKULU

⁵ Nanku Maweja-Nangila kena unupa ditunga edi bua buakane buenu to. Neipate bantu aba, bualu mbena buenzayi. Udi musue kabidi kukumbaja bionsu bivuaye mulaye bankambua benu, Abrahame, Izake ne Yakobe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kanuena nuhiana buloba buabo bualu bua buakane buenu anyi bua dijalama dia mitshima yenu: kadi Yehowa, Nzambi wenu, udi ubihata ku mpala kuenu bualu bua bubi buabo; bualu bua kuakasha nʼenu dî diakalaya Yehowa kudi batatu benu, Abalahama ne Isaka ne Yakoba.

Dielulula 9:5 교차 참조

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 13:15

Buloba ebu buonsu nenkupeshabu kashidi ne ndelanganyi yebe.

Genese 15:16

Amu tunkanunuina tuebe tua tshikondu tshinayi netupingane mu ditunga edi kashidi. Bualu nengipate bena Amore anu pambamona ne bubi buabu budi bukengela dinyoka.

Genese 15:7

Pashishe Maweja-Nangila kuambila Abrame ne: — Meme Maweja-Nangila ke uvua mukupatule mu Ure wa bena Babilone, bua kukupesha ditunga edi, dishale diebe.

Genese 17:8

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Genese 19:29

Pavua Mvidi Mukulu ubutula Sodome ne Ngomore, uvua anu muvuluke Abrahame. Ke nuwuaye mupandishe Lote.

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Genese 28:13

Kumonaye kabidi Maweja-Nangila muimane kumpala kuende, umuambila ne: — Yakobe, ndi Maweja-Nangila, Mvidi Mukulu wa kakuebe Abrahame, kabidi Mvidi Mukulu wa Izake. Ndi nkulaya ne: “Nenkupeshe, wewe ne ndelanganyi yebe, buloba buudi mulale ebu.”

Ekesode 32:13

Uvuluke meyi ebe ne mitshipu biuvua mulaye bantu bebe Abrahame, Izake ne Yakobe bua kuvudija ndelanganyi yabu, bu mitotu ya mulu, kabidi bua kupianabu ditunga edi dionsu kashidi.

Yezekiyele 20:14

Kadi tshiena muenze nanku to, bualu bantu bavua bammone mpatula bena Izrayele mu tshipela, bavua mua kumpepeja.

Yezekiyele 36:22

Nanku ubamanyishe tshindi meme Maweja-Nangila Mvidi Mukulu ngamba ne: “Malu andi musue kuenza, tshiena ngenza buenu nuenu bena Izrayele to. Kadi ndi ngenza bua bantu banemeke dina dianyi dia tshijila, dinuvua bapepeja mu bisamba munuvua baye.

Yezekiyele 36:32

Numanye bimpe ne: tshiena ngenza bionsu ebi, bualu nuenu nudi bantu bimpe to. Meme Maweja-Nangila Mvidi Mukulu, ndi njadika nanku. Nuenu bena Izrayele, tshienu nkumvua bundu bua malu mabi anuvua benza.

Lewitiki 18:24

“Kanuena ne bua kupia mikiya ku ngenzelu ya nanku to. Bualu bisamba bindi ngipata kumpala kuenu ebi, mbipie mikiya anu ku ngenzelu ya bundu ya mushindu ewu.

Lewitiki 18:25

Nenku ditunga kabidi divua dimane kupia mikiya. Ke mumvua mudinyoke. Dikadi dibenga benadi.

Mika 7:20

Neuleje ndelanganyi ya Abrahame ne ya Yakobe, dinanga diebe didi kadiyi dijika, bu muuvua mulaye bankambua betu ku kale.

Bienzedi 3:25

Nuenu nudi bantu bavua Mvidi Mukulu mulaye kudi bambi. Nudi bantu bavua Mvidi Mukulu mutuile ndondu ne bankambua babu, pavuaye muambile Abrahame ne: “Bisamba bionsu bia pa buloba nebipetele diakalenga ku ndelanganyi yebe.”

Rome 11:28

Patudi lutangila mushindu uvua bena Yuda babenge Lumu lua Disanka, badi baluishi ba Mvidi Mukulu, kadi amu bua nuenu kutuuta dikasa dimpe. Kadi patudi bitangila mushindu uvua Mvidi Mukulu musungule bankambua babu, badi bashala bantu badiye unanga.

Rome 15:8

Bualu ndi nnujadikila ne: Kristu mmudienze muena mudimu wa bena Yuda, bua kukumbaja malaya avua Mvidi Mukulu muambile bankambua babu, kabidi bua kuleja nanku mudi Mvidi Mukulu wa diyi dimue.

Dielulula 1:8

Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Dielulula 12:31

Nanku panudi nutendelela Maweja-Nangila Mvidi Mukulu wenu, kanuenji muvua bena ditunga benza to. Bualu mu ditendelela diabu, bavua benza bivua Maweja-Nangila mubenge. Bavua balambula mvidie yabu too ne bana babu ba balume ne ba bakaji!

Dielulula 18:12

Bualu Maweja-Nangila udi udiula bikole bantu badi benza buenzayi bua mushindu ewu. Bua bualu ebu, Maweja-Nangila neabanyenge ditunga diabu panuafikamu.

Dielulula 18:9

Panuafika mu ditunga dikala Maweja-Nangila Mvidi Mukulu wenu munupe, kanulondi buenzayi bua bena ditunga adi.

Dielulula 20:18

Bualu bantu aba, badi mua kunulongesha buenzayi, budibu benza bua kusankisha mvidie yabu. Nuenu balonde buenzayi ebu, nudi nuenzela Maweja-Nangila Mvidi Mukulu wenu bibi.

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.