Dielulula 9:26 - MUKANDA WA MYIDI MUKULU

²⁶ Meme kulomba Maweja-Nangila ne: “Mvidi Mukulu Maweja-Nangila, kubutudi bantu badi bebe, baudi mupikule, mupatule mu Ejipitu ku bukole ne ku bumfumu buebe.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Nakatendelela Yehowa, nakamba ne, Mukelenge Yehowa, kushihi bantu bebe ne buhianyi buebe buwakahikula ne bukole buebe, bantu bawakahatula mu Ejipitu ne tshianza tshikole.

Dielulula 9:26 교차 참조

2 Samuele 7:23

Kakuena tshisamba tshikuabu pa buloba tshidi tshifuanangane ne tshia bena Izrayele. Wewe Maweja-Nangila uvua mufike bua kupikula amu bena Izrayele ku bupika bua bena Ejipitu, ne mu bianza bia mvidie yabu, bua bikale tshisamba tshiebe wewe. Nanku udi mupeteshe bena Izrayele lumu, bualu udi mubenzele malu a dikema, nansha adi akuatshisha bowa mu ditunga diebe.

1 Bakalenga 8:51

Bualu bena Izrayele mbantu bebe, biangatshile tshikondu tshiuvua mubapatule mu Ejipitu, muaba wa dikenga dikole.

1 Bakalenga 8:53

Bualu wewe ke uvua mutusungule munkatshi mua bisamba bionsu, bua tuikale bantu bebe, bu muuvua mumane kuambila Moshe, muntu webe, tshikondu tshiuvua mupatule bankambua betu mu bupika mu Ejipitu.”

Nehemya 1:10

Maweja-Nangila, tudi bena mudimu bebe. Tudi bantu bebe! Uvua mutusungidile ku bukole buebe, bualu wewe udi muena bukole buonsu.

Misambu 106:23

Mvidi Mukulu kuamba ne: Ndi mbabutula, kadi Moshe, muntu uvuaye musungule, kuimanaye pankatshi, umukandika bua kayi kubutula bantu bonsu mu tshiji.

Misambu 107:2

Ke mudibu mua kuamba nanku, kudi bantu badi Maweja-Nangila mupikule, kudi bantu bavuaye musungidile mu bianza bia baluishi,

Misambu 28:9

Maweja-Nangila, sungidila bantu bebe, ubele lupemba, wikale mulami wabu, ubakube kashidi.

Misambu 57:1

Musambu wa mu mukanda wa mulombodi wa bena misambu. Wa kuimba ne meyi a musambu wa “Kunyangi…”. Kasala ka mu mukanda wa misambu ya Davide. Uvua muusake pavuaye munyeme Shawule, muye kusokoma mu lubuebue.

Misambu 77:15

Wewe nkayebe ke udi wenza malu a dikema, udi muleje bisamba bikuabu bumfumu buebe,

Misambu 78:35

Kuvulukabu ne Mvidi Mukulu uvua lubuebue luabu, Mvidi Mukulu Muena kulu uvua musungudi wabu.

Misambu 99:6

Moshe ne Arone, ba munkatshi mua batuangaji bende, Samuwele wa munkatshi mua bavua babikila dina diende, bonsu aba kubikilabu Maweja-Nangila. Yeye uvua ubitaba.

Ekesode 15:13

Wewe kupikula bantu bebe! Wewe kubananga, kubalombola ne bukole! Wewe kubafikisha mu ditunga dia tshijila!

Ekesode 33:13

Nanku, bu muudi mungendeshe diakalenga, ungambile bionsu biudi wela meji, bua meme nkumanye nkujadike, ngikale muena diakalenga kashidi. Uvuluke ne: bena Izrayele mbantu bebe.

Ekesode 34:9

wamba ne: — Maweja-Nangila wanyi, ndi mujadike ne bena Izrayele mbantu ba tshitunu, kadi bu muudi munnange, ndi nkusengelela bua wikale munkatshi muetu. Utufuileku luse ku bionsu bitudi bakuenzele, bualu tudi bantu bebe.

Yeshaya 44:23

Eyowa, Maweja-Nangila udi muenze bualu. Diulu, leja disanka diebe patoke. Bidi mu kandondu ka buloba, imbayi ne meyi makole. Nuenu mitshi idi mu metu, nuenu kabidi mikuna, elayi mbila ya disanka. Bualu Maweja-Nangila udi upandisha bantu bende. Udi uleja lumu luende, padiye usungidila bena Izrayele.

Yeshaya 63:19

Kukadi bidimu bivule, tudi amu bamueneke bu bantu baudi kuyi uludika, baudi kuyi muinyike dina diebe. Eyi! Bu wewe mua kupanda diulu, bu wewe mua kupueka panuapa! Mikuna ivua mua kuzakala kumpala kuebe.

Yirmeya 14:21

Kadi, vulukabiuvua mutulaye. Bua lumu lua dina diebe, kupepeji Yerushalayime, tshimenga tshidi ne nkuasa webe wa butumbi.

Yirmeya 15:1

Kadi Maweja-Nangila kungambila ne: — Nansha Moshe ne Samuwele bandombe bua kufuila bantu aba luse, tshiena mua kuanyisha to. Yirmeya, ubipate, ubumushe kundi, baye!

Muadi 2:20

Maweja-Nangila, tangila umone bantu baudi ukengesha. Bakaji badi mua kufika ku didia dia bana bavuabu balele, bavuabu bakongoluele mu maboku ne dinanga, anyi? Bantu badi mua kushipa batuangaji ne bambi, too ne mu muaba webe wa tshijila anyi?

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Dielulula 15:15

Nuvuluke ne: nuvua bapika mu ditunga dia Ejipitu. Maweja-Nangila Mvidi Mukulu wenu kunupatula. Ke pandi nnupesha mukenji ewu mpindiewu.

Dielulula 21:8

Nanku wewe Maweja-Nangila, utufuile tuetu bena Izrayele luse. Udi mumane kutupikula. Kututangidi tuetu bu badi ne tshilumbu tshia lufu lua muntu ewu to.” Diba adi, Mvidi Mukulu neabafuile luse.

Dielulula 32:9

Udi mudisunguile bena Izrayele, muenze ndelanganyi ya Yakobe bantu bende.

Dielulula 7:8

Kadi Maweja-Nangila mmununange. Mmunukumbajile bionsu bivuaye mulaye bankambua benu. Ke padiye munupatule ku bupika, mununyenge ku bianza bia mukalenga wa bena Ejipitu anu ku bukole buende.

Dielulula 9:12

kungambilaye ne: “Tuluka lukasa. Bantu bauvua mupatule mu Ejipitu mbenze bualu bupite bubi. Kabena bitabe ku bionsu bimvua mubambile. Mbadienzele lupingu lua tshiamu tshiengulula.”

Dielulula 9:27

Uvuluke bantu bebe: Abrahame, Izake ne Yakobe. Kuedi meji ku bubi bua bena Izrayele, padibu bakutombokela, babenga diyi diebe.

Dielulula 9:29

Maweja-Nangila, bena Izrayele aba mbantu bebe, baudi mudisunguile, bauvua mupikule, mupatule mu Ejipitu ku bukole ne ku makanda ebe mapite.”

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 9:12

Pavua Kristu mubuele muaba wa tshijila menemene musangu umue bua kashidi, kavua mulambule mashi a mbuji ya mpumbu, nansha a bana ba ngombe. Uvua mulambule mashi ende nkayende, mutupetele lupandu lua tshiendelele.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.

1 Samuele 7:9

Samuwele kuangata muana wa mukoku, kuulambula Maweja-Nangila, kuoshaye mujima. Pashishe kulombaye Maweja-Nangila bua afuile bena Izrayele luse. Maweja-Nangila kuitaba dilomba adi.