Dielulula 9:21 - MUKANDA WA MYIDI MUKULU

²¹ Meme kuangata lupingu lua kana ka ngombe ka tshiamu, lunuvua badienzele bua bubi buenu. Meme kulosha mu kapia. Bivua kabiyi bipie, meme kubizaza, kushalabi butu. Meme kuimansha butu abu mu musulu uvua upueka mu mukuna.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Nakangata bualu bubi bunuakenza, kana ka ngombe mene, nakakosha ne kahia, nakakadiata munda mua dikasa, nakakabotesha bu dinfuenkenya dia buloba: nakela dinfuenkenya diaku mu kasulu kakadi kafuma ku mukuna.

Dielulula 9:21 교차 참조

1 Bakalenga 15:13

Asa kukandikaye bantu bua kababikidi kakuende Maaka ne: “Mukalenga muadi,” bualu Maaka uvua mupete meji mabi a kuenza lupingu lua mvidie mukaji Ashera. Asa kutuma diyi bua banyangakaje lupingu alu, baloshile ku muelelu wa musulu wa Sedrone.

2 Kulondolola 34:7

Yoshiya kupula bilambuilu, kuzaza makunji ne mpingu bia kutendelela mvidie. Kutshibulaye ne mbabula ya kuosha manananshi mu bisamba bionsu bivua ku mutu mu ditunga. Pashishe, Yoshiya kupingana mu Yerushalayime.

Ekesode 32:20

Moshe kubakula lupingu lua kana ka ngombe alu, kuluosha, kuvingutukalu. Kuelaye butu abu mu mayi, kumushaye bena Izrayele mayi awu.

Yeshaya 30:22

Nenutangile mpingu, inudi balamike tshiamu tshitoke tshia mushinga mukole, nansha tshia mpawungi. Nenuyimanshe bu bintu bidi bipia mikiya. Nenuele lubila ne: “Umushayi bintu bibi ebi.”

Yeshaya 31:7

Nudi bena tshibawu, bualu nudi badifudile mpingu ne tshiamu tshitoke tshia mushinga mukole, nansha ne mpawungi. Kadi dituku dikuabu, yonsu wa kunudi neimanshe mpingu idiye nayi.

Osheya 8:11

Bena Efrayime bavua bavudije bilambuilu, kadi biobi abi bidi bibafikisha ku buenzayi bupite bungi. — Kia! Bilambuilu bidi bifikisha ku bubi! Ke bualu budi muntu mua kumvua anyi? —

Mika 1:7

Mpingu yende yonsu nebayishimbule. Neboshe bintu bia disanka bivuaye mupete. Nentshibule mpingu ya mvidie yende yonsu bitupa, bualu uvua musumbe bintu ebi bionsu, ne makuta avuabu bamufuta mu buendenda. Bionsu abi nebabiangate, bua kufuta bena buendenda bakuabu.”

Dielulula 9:20

Maweja-Nangila uvua mupite kufikila Arone munda, musue kumushipa. Kadi dituku adi, meme kumulombela ne yeye kabidi.