Dielulula 8:8 - MUKANDA WA MYIDI MUKULU

⁸ Mu ditunga adi, mudi biakudia bia bungi: ntete mishilangane ya kuenza bukula, mitshi ya mfiku, maluvu a mvinyo, mitshi ya grenade, mafuta a olive ne buitshi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ buloba bua blê ne orge ne mionshi ya tumuma ne mitshi ya nfigi ne grenade; buloba bua mitshi ya olive ne buitshi;

Dielulula 8:8 교차 참조

Genese 49:11

Mionji ya maluvu a mvinyo neikale miaba yonsu, nansha muntu usuikaku nyama wa mpunde ki mbualu to. Neasukule bilamba biende ne maluvu, nansha tshinkutu tshiende mu mashi a tumuma tua mvinyo.

2 Samuele 4:6

Kubuelabu mu nzubu, bu badi bamutuadila ntete ya kuenza bukula. Kusanganabu Ishebaale mu nzubu wende wa bulalu, mulale. Kumutuabu muela mu difu. Baana ne muanabu Rekabe, bamane kushipa Ishebaale kumukosa mutu kunyema nawu.

1 Bakalenga 5:11

Uvua mupite bonsu ku meji, mupite Etane, muena Ezraki, mupite kabidi Emane, Kalkole ne Darda, bana ba Makole. Lumu lua meji a Shelomu luvua lutangalaka kudi bantu bonsu bavuaye nabu mutumba.

2 Bakalenga 18:32

Pashishe, nemfike bua kunuangata, kuya nenu mu ditunga didi bu mudi dienu edi, ditunga didi ne ntete ya kuenza bukula bua mampa mipite bungi. Didi kabidi ne mionji ya maluvu a mvinyo, mitshi ya olive ya kuenza mafuta, kabidi ne buitshi. Nanku, pa mutu pa nuenu kufua muaba ewu, nuenu baye kuaka, nenuikale ne muoyi. Kanuteleji tshidi Izkiya unuambila to. Bualu udi unushima, padiye unuambila ne: Maweja-Nangila neatusungidile.

Misambu 147:14

Maweja-Nangila udi ubueja bupole mu buloba buebe, ukupesha ntete ya kuenza bukula mimpe ya bungi.

Misambu 81:16

Pashishe baluishi ba Maweja-Nangila, nebalekele ditambisha diabu, bena Izrayele nebasombe talalaa too ne tshiendelele.

Yeshaya 7:23

Dituku adi kabidi, budimi buvua ne mionji ya mvinyo tshinunu, buvuabu mua kupana ku nkanu mitoke ya mushinga mukole tshinunu, nebushale amu meba ne mingonga.

Yirmeya 2:7

Meme Maweja-Nangila mvua munufikishe mu ditunga didi ne biakudia bia bungi, bua nuenu kupeta biakudia bisheme bia mishindu yonsu bidi muaba awu. Ditunga edi divua dianyi meme Maweja-Nangila. Nuenu kubuelamu, kadi nuenu kunyanga ditunga edi ne mikiya. Muaba awu uvua wanyi meme. Nuenu kuunyanga, kushalawu muaba mubi mutambe.

Yirmeya 5:17

Bena tshisamba atshi nebadie bintu bienu bionsu, binudi nunowa, ne binutshidi nabi mu mayeba, bana benu ba balume ne ba bakaji, bimuna bienu binene ne bikese, mionji yenu ya mvinyo ne mitshi yenu ya bimuma. Bena mvita nebanyangakaje bimenga bienu bivuabu bakoleshe ne bimana, muaba unudi nuela meji ne: njiwu kayena mua kutukuata munemu to.”

Yezekiyele 27:17

Bena Yuda ne bena Izrayele bavua basumbishangana nebe bintu, bakupesha ntete ya kuenza bukula ya mu tshimenga tshia Minite; batua bakupesha mponda, buitshi, mafuta ne kamonya ka mupuya muimpe.

Osheya 2:22

Eyowa, nenkumbaje bionsu bindi mukulaye. Nanku neundamate, neujadike ne: meme ndi Maweja-Nangila.

Osheya 2:8

Kadi meme Maweja-Nangila nenjikile mukaji awu njila ne lupangu lua meba. Nemmuele mu tshimana bua kamonyi njila wa kupitshila.

Mika 4:4

Kadi yonsu neadime talala budimi buende bua mvinyo ne bua mitshi ya olive. Kakuena muntu nansha umue, udi ukuatshisha mukuabu bowa.” Maweja-Nangila wa bukole buonsu udi wamba nanku.

Abakuke 3:17

Mitshi ya mfiku kayena ikuama bimuma, mu mionji ya nwinyo kamuena tumuma, ku mitshi ya olive kudi kutupu, biakudia kabiena bitoloka mu madimi, mu mpangu kamuena mikoku, ngombe kayena ilala mu bikumbi.

Dibadika 13:23

Kupuekabu mu tshibanda tshia Eshekole. Kukosabu ditamba dia mutshi wa mvinyo dikale ne tumuma. Kupolabu kabidi bimuma bia grenade ne bia mfiku. Kubisuikabu kaba kamue. Bantu babidi kuambula bionsu abi ku mukolu.

Yowanane 6:13

Kusangishabu bipese bia mampa a oije atanu bivua bishala pavuabu bamane kudia. Kuwujabu bisaka dikumi ne bibidi tente.

Yowanane 6:9

— Kudi nsongalume muaba ewu udi ne mampa a orje atanu ne mishipa ibidi. Kadi binebi, bua bantu bungi nenku, tshienzabi ntshinyi?

Dielulula 32:13

Maweja-Nangila mmubapeshe ditunga dia mikuna, mubadishe ne biakudia bia mu madimi, mubapatule buitshi mu lubuebue. Mmumeneshe mitshi ya olive mu buloba bua mabue.

Dielulula 32:14

Ngombe ne mikoku kubapesha mabele. Bana ba mikoku, bimpanga bia mafuta ne mbuji ya mpumbu, kubapetesha munyinyi. Kudiabu bukula buimpe butambe, banua ne maluvu a mvinyo, makunze bu mashi.

Dielulula 6:3

Nuenu bena Izrayele, nulame mikenji eyi bimpe, nuyikumbaje. Neyinupeteshe diakalenga. Nenutante mu ditunga didi ne biakudia bia bungi, bu muvua Maweja-Nangila Mvidi Mukulu wa bankambua benu munulaye.

Dielulula 8:7

Maweja-Nangila Mvidi Mukulu wenu, neanufikishe mu ditunga dimpe, didi ne tshitalela tshia mayi a misulu ne a mpokolu mivule, adi apatuka mu tshibandabanda, nansha mu mukuna.

Dielulula 8:9

Nanku nenuikale ne mampa mapite bungi. Kanuakukengelamu tshintu to. Badi bumbulamu tshiamu tshifike mu mbuebue, tshiamu tshia kabanda mu mikuna.