Dielulula 8:7 - MUKANDA WA MYIDI MUKULU

⁷ Maweja-Nangila Mvidi Mukulu wenu, neanufikishe mu ditunga dimpe, didi ne tshitalela tshia mayi a misulu ne a mpokolu mivule, adi apatuka mu tshibandabanda, nansha mu mukuna.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua Yehowa, Nzambi wenu, udi ulua nʼenu mu buloba buimpe, buloba budi bûle tente ne tusulu tua mai, ne mishimi ya mai idi ihatuka mu mikuna ne mu bibanda;

Dielulula 8:7 교차 참조

Genese 49:11

Mionji ya maluvu a mvinyo neikale miaba yonsu, nansha muntu usuikaku nyama wa mpunde ki mbualu to. Neasukule bilamba biende ne maluvu, nansha tshinkutu tshiende mu mashi a tumuma tua mvinyo.

2 Bakalenga 18:32

Pashishe, nemfike bua kunuangata, kuya nenu mu ditunga didi bu mudi dienu edi, ditunga didi ne ntete ya kuenza bukula bua mampa mipite bungi. Didi kabidi ne mionji ya maluvu a mvinyo, mitshi ya olive ya kuenza mafuta, kabidi ne buitshi. Nanku, pa mutu pa nuenu kufua muaba ewu, nuenu baye kuaka, nenuikale ne muoyi. Kanuteleji tshidi Izkiya unuambila to. Bualu udi unushima, padiye unuambila ne: Maweja-Nangila neatusungidile.

Misambu 104:10

Udi utuma mayi a mpokolu mu misulu, apitshila muinshi mua mikuna.

Misambu 106:24

Pashishe kupetulabu ditunga divuabu bajinga, kubengabu kuitaba dilaya dia Mvidi Mukulu.

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Yeshaya 36:17

Pashishe nemfike bua kunuangata, kuya nenu mu ditunga didi bu dienu edi, ditunga didi ne ntete ya bungi ya kuenza bukula bua mampa. Didi kabidi ne maluvu a mvinyo mavule.

Yeshaya 5:1

Ndi musue kuimbila mulunda wanyi musambu, musambu wa budimi buende bua mvinyo. Mulunda wanyi uvua ne budimi bua mvinyo, pa mukuna wa buloba buimpe.

Yirmeya 2:7

Meme Maweja-Nangila mvua munufikishe mu ditunga didi ne biakudia bia bungi, bua nuenu kupeta biakudia bisheme bia mishindu yonsu bidi muaba awu. Ditunga edi divua dianyi meme Maweja-Nangila. Nuenu kubuelamu, kadi nuenu kunyanga ditunga edi ne mikiya. Muaba awu uvua wanyi meme. Nuenu kuunyanga, kushalawu muaba mubi mutambe.

Yezekiyele 17:5

Kuangataye kabidi lutonga lukuabu mu ditunga dia bena Izrayele, kuya nalu mu budimi busekuna. Kulukunaye ku muelelu wa mayi a bungi bua lukole bimpe.

Yezekiyele 20:6

Musangu awu, mvua mubalaye bua kubapatula mu Ejipitu, kubafikisha mu ditunga didi dipite matunga onsu ku buimpe. Ditunga dimvua musungule bua kubapesha anu bobu, divua ne mabele ne buitshi.

Dielulula 8:6

Nutumikile mikenji ya Maweja-Nangila Mvidi Mukulu wenu, numunemeke, nuenze mudiye musue.

Dielulula 8:8

Mu ditunga adi, mudi biakudia bia bungi: ntete mishilangane ya kuenza bukula, mitshi ya mfiku, maluvu a mvinyo, mitshi ya grenade, mafuta a olive ne buitshi.

Balombodi 18:10

Panuafikamu, nenusangane bantu abu kabayi badimuke to. Mbase mu buloba bualabale. Mvidi Mukulu neafile buloba abu mu bianza bienu. Kabidi bintu bilenga bionsu bia panshi pa buloba bidi mu buloba abu.