Dielulula 8:15 - MUKANDA WA MYIDI MUKULU

¹⁵ Kunupitshishaye mu tshipela tshinene tshidi tshikuata bowa, tshiena ne nyoka ya lulengu, ne tuminyiminyi, kamuyi mayi. Kunupatuilaye mayi mu lubuebue luvua lupite bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ wakanulombola mu tshihela tshinene tshibi, tshiakadi ne nyoka isuma bu kahia ne tuminyiminyi, ne buloba budi kabuyi ne mai; wakanuhatula mai mu dibue dikole;

Dielulula 8:15 교차 참조

Misambu 105:41

Kunzululaye dibue, mayi kupatuka, kupuekawu mu tshipela bu musulu.

Misambu 114:8

Bualu yeye udi wandamuna lubuebue luenza dijiba dia mayi, ukudimuna dibue dishala mpokolu wa mayi.

Misambu 136:16

Kulombolaye tshisa tshiende mu tshipela, bualu dinanga diende ndia kashidi.

Yeshaya 30:6

Nyama idi yambula bintu bia bungi, idi yenda ipitshila kuinshi kua ditunga. Mu buloba bua dikenga ne dibungama, mudi bintu bia bungi bidi bikuatshisha bowa, mudi nyama ya ntambue ikungula, mudi nyoka ya ntoka ne nyoka idi ibuka, nyama ya mpunde ne ya tumelu idi ipitshilamu, yambula bubanji ne bintu bia mushinga mukole. Balombodi ba mu ditunga badi baya nabi kudi bantu ba tshisamba, tshidi katshiyi mua kubambuluisha nansha kakese.

Yeshaya 35:7

Lusenga luvua luosha, neluandamuke dijiba. Ditunga divua kadiyi ne mayi, nediandamuke mpokolu wa mayi. Miaba ivua mibuabua ilala, malenge ne nshiba nebitolokemu.

Yeshaya 43:19

Bualu nengenze bualu bupiabupia. Bualu ebu bukadi bumueneka. Kanuena nubumone anyi? Eyowa, nempande njila mu tshipela. Mu buloba buatuke abu, nempatulemu misulu.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Osheya 13:5

Meme ke uvua munulame, panuvua mu tshipela, mu ditunga divua ne munanga.

Dibadika 20:11

Moshe kutuuta dikombu pa lubuebue misangu ibidi. Mayi kupatuka mapite bungi. Bena Izrayele kunua, ne bimuma biabu kabidi.

Dibadika 21:6

Diba adi Maweja-Nangila kubatumina nyoka ya lulengu. Kusumayi bena Izrayele. Bavule kufua.

1 Korente 10:4

Bavua banua bonsu biakunua bia momumue bidi kabiyi bimueneka. Bualu bayua banua mayi a ku lubuebue kaluyi lumueneka, luvua luenda nabu. Lubuebue alu ke Kristu.

Dielulula 1:19

Tuetu kumuka ku mukuna wa Sinayi, bu muvua Maweja-Nangila Mvidi Mukulu netu muambe. Tuetu kupitshila mu tshipela tshipite bunene, tshikuatshishe bowa, tshinudi bamanye, tshidi mu njila wa ku mikuna ya bena Amore. Tuetu bamane kufika mu Kadeshe-Barneya,

Dielulula 32:13

Maweja-Nangila mmubapeshe ditunga dia mikuna, mubadishe ne biakudia bia mu madimi, mubapatule buitshi mu lubuebue. Mmumeneshe mitshi ya olive mu buloba bua mabue.